🔯সমাজসেৱিকা কবিতা ৰাণী ব্ৰহ্মৰ মহানুভৱতা🔯

🔯সমাজসেৱিকা কবিতা ৰাণী ব্ৰহ্মৰ মহানুভৱতা🔯

🔯দুখীয়া মহিলাক ব্লাউজ আৰু আঁঠুৱা প্ৰদান🔯 

📝বঙাইগাঁওঃ ৪ মে': বঙাইগাঁও আৰু চিৰাং জিলাৰ সীমামূৰীয়া অঞ্চল তথা ঢালিগাঁও পঞ্চায়তৰ অন্তৰ্গত বৰপথাৰ খোলাবান্ধাৰ বীৰ চিলাৰায় ক্লাবত অনুষ্ঠিত এক অনুষ্ঠানত বেচৰকাৰী স্বেচ্ছাসেৱী সংগঠন প্ৰয়াসৰ ফালৰ পৰা বুধবাৰে ২৮ গৰাকী দুখীয়া মহিলাক ব্লাউজ আৰু আঁঠুৱা প্ৰদান কৰে ৷ উল্লেখ্য যে বেচৰকাৰী স্বেচ্ছাসেৱী সংগঠন প্ৰয়াসৰ জৰিয়তে দুখীয়া মহিলাক যোগান ধৰা ব্লাউজ আৰু আঁঠুৱাৰ নেপথ্যৰ ব্যক্তিগৰাকী কাজলগাঁৱৰ বিশিষ্ট সমাজসেৱিকা তথা কাজলগাঁও পৌৰ সভাৰ প্ৰাক্তন ৱাৰ্ড কমিচনাৰ, ব্যৱসায়ী কবিতা ৰাণী ব্ৰহ্ম৷ লক্ষ্যণীয় যে সমাজৰ হিতে কাম কৰি অহা সমাজসেৱিকা কবিতা ৰাণী ব্ৰহ্মই বিগত সময়ছোৱাত সমাজৰ দুখীয়া লোক সকলক বিভিন্ন প্ৰকাৰে সহায় কৰি আহিছে ৷ বেচৰকাৰী স্বেচ্ছাসেৱী সংগঠন প্ৰয়াসৰ যোগেদি হিতাধিকাৰীয়ে ব্লাউজ আৰু আঁঠুৱা গ্ৰহণ কৰি মহিলা গৰাকীক ভূয়সী প্ৰশংসা কৰে৷ উল্লেখ্য যে কোভিডৰ সময়ত তেওঁ ৪০ টাকৈ দুখীয়া পৰিয়ালক খাদ্য সামগ্ৰী প্ৰদান কৰি সহায়ৰ হাত আগবঢ়োৱাৰ  লগতে যোৱা মাহত ৩০ গৰাকী দুখীয়া ছাত্ৰ - ছাত্ৰীক স্কুল বেগ, বহী, কলম, ৰং আদি সামগ্ৰী প্ৰদান কৰে ৷ 🔯