🔯চিৰাঙত সাংসদ নৱ কুমাৰ শৰণীয়াৰ সভাপতিত্বত দিশা( DISHA)ৰ সভা🔯

🔯চিৰাঙত সাংসদ নৱ কুমাৰ শৰণীয়াৰ সভাপতিত্বত দিশা( DISHA)ৰ সভা🔯

🔯কেন্দ্ৰীয় চৰকাৰৰ বিভিন্ন আঁচনিৰ অগ্ৰগতিৰ  ললে খতিয়ান🔯 

🔯উপস্থিত থাকিল বৰপেটা লোকসভা সমষ্টিৰ সাংসদ আব্দুল খালেকো🔯

📝বঙাইগাঁওঃ ৫ মেঃ চিৰাং জিলাত বিভিন্ন বিভাগৰ জৰিয়তে ৰূপায়ণ হৈ থকা কেন্দ্ৰীয় চৰকাৰৰ বিভিন্ন আঁচনিসমূহৰ অগ্ৰগতিৰ খতিয়ান লোৱাৰ উদ্দেশ্য বৃহস্পতিবাৰে কাজলগাঁৱৰ জিলা কেন্দ্ৰৰ সভাকক্ষত এখন সভা অনুষ্ঠিত হয় । সভাত সভাপতিত্বত কৰে কোকৰাঝাৰ লোকসভা সমষ্টিৰ সাংসদ নৱ কুমাৰ শৰণীয়াই আৰু আদৰণি ভাষণ প্ৰদান কৰে চিৰাং জিলাৰ পঞ্চায়ত আৰু গ্ৰামোন্নয়ন বিভাগৰ প্ৰকল্প সঞ্চালক অৰবিন্দ বৰাই। সভাত বৰপেটা লোকসভা সমষ্টিৰ সাংসদ আব্দুল খালেকে পঞ্চায়ত আৰু গ্ৰামোন্নয়ন বিভাগৰ কাম কাজ তদাৰক কৰিবৰ বাবে জিলাখনৰ প্ৰতিটো উন্নয়ন খণ্ডত খণ্ড পৰ্যায়ৰ তদাৰক কমিটি গঠন কৰিবলৈ নিৰ্দেশ দিয়ে। তাৰোপৰি জিলাখনৰ কিছুমান পকী পথ নথকা ভিতৰুৱা গাওঁসমূহৰ প্ৰধানমন্ত্ৰী সৰক যোজনাৰ অধীনত পকী পথ নিৰ্মাণৰ বাবে লোক নিৰ্মাণ বিভাগক নিৰ্দেশ দিয়ে। 

তেনেদৰে বিটিআৰৰ কাৰ্যবাহী সদস্য ৰঞ্জিত বসুমতাৰীয়ে জিলাখনত প্ৰধানমন্ত্ৰী আবাস যোজনাৰ অধীনত আধৰুৱা হৈ থকা আবাস গৃহসমূহ নিৰ্মাণ কৰিবৰ বাবে জিলা পঞ্চায়ত আৰু গ্ৰামোন্নয়ন বিভাগক নিৰ্দেশ দিয়ে। বিটিআৰৰ কাৰ্যবাহী সদস্য ধনঞ্জয় বসুমতাৰীয়েও পানবাৰীত চিৰাং আৰু বাক্সা সংযোগী পথটো নিৰ্মাণৰ বাবে লোক নিৰ্মাণ বিভাগক নিৰ্দেশ দিয়ে। সভাত উপস্থিত সকলো বিভাগৰ মুৰব্বী বিষয়া সকলক তেওঁলোকৰ বিভাগৰ অধীনত ৰূপায়ণ হৈ থকা আঁচনিসমূহ সুচাৰুৰূপে ৰূপায়ণ কৰি জিলাখনৰ উন্নয়ন ত্বৰান্বিত কৰাৰ বাবে জিলা উন্নয়ন সমন্বয় আৰু নিৰীক্ষণ সমিতি (District Development Coordination And Monitoring Committee ) চমুকৈ দিশা ( DISHA) ৰ সভাপতি তথা কোকৰাঝাৰ লোকসভা সমষ্টিৰ সাংসদ নৱ কুমাৰ শৰনীয়াই আহ্বান জনায়। সভাৰ শেষত শলাগৰ শৰাই আগবঢ়ায় চিৰাং জিলাৰ অতিৰিক্ত উপায়ুক্ত অজিত কুমাৰ শৰ্মাই । সভাত চিৰাং জিলাৰ উপায়ুক্ত নৰেন্দ্ৰ কুমাৰ শ্বাহ, চিদলী, বেংতল আৰু বিজনী ৰাজহ চক্ৰৰ চক্ৰ বিষয়া সকল আৰু জিলাখনৰ সকলো বিভাগৰ মুৰব্বী বিষয়া সকল উপস্থিত থাকে ৷🔯