🔯বঙাইগাঁও শ্মশানৰ সমীপত আৱৰ্জনাৰ ডাম্পিং গ্রাউণ্ড🔯

🔯বঙাইগাঁও শ্মশানৰ সমীপত আৱৰ্জনাৰ ডাম্পিং গ্রাউণ্ড🔯

🔯জনবসতি বিহীন এলেকালৈ স্থানান্তৰৰ দাবী🔯

📝বঙাইগাঁওঃ ৫ মে': বঙাইগাঁও চহৰৰ ২ নম্বৰ ৱাৰ্ডৰ অন্তৰ্গত বঙাইগাঁও চাহ বাগান তথা বঙাইগাঁও শ্মশানৰ সমীপৰ ডাম্পিং গ্রাউণ্ড স্থানান্তৰৰ বাবে  ৱাৰ্ড কমিচনাৰ  সৰস্বতী সৰকাৰে দাবী উত্থাপন কৰিছে ৷ বৃহস্পতিবাৰে বঙাইগাঁও জিলাৰ উপায়ুক্তক প্ৰদান কৰা এক পত্ৰত ৱাৰ্ড কমিচনাৰ  সৰস্বতী সৰকাৰে ডাম্পিং গ্রাউণ্ডটো সংশ্লিষ্ট অঞ্চলৰ মানুহৰ স্বাস্থ্যৰ বাবে বিপজ্জনক পৰিৱেশৰ সৃষ্টি কৰাৰ প্ৰসংগ উত্থাপন কৰিছে ৷ উল্লেখ্য যে চহৰখনৰ বিভিন্ন অঞ্চলৰ আৱৰ্জনাসমূহ দৈনিক কঢ়িয়াই আনি উক্ত স্থানত পেলোৱাৰ সময়তে বহু লেতেৰা আৱৰ্জনা ৰাস্তাত পৰি দুৰ্গন্ধৰে এক অস্বাস্থ্যকৰ পৰিৱেশৰ সৃষ্টি কৰে৷ সেইদৰে নিৰ্দ্দিষ্ট সময়ৰ অন্তৰত আৱৰ্জনাসমূহ পুৰি পেলোৱা হয় আৰু তেনে সময়ত আৱৰ্জনাৰ বিকট দুৰ্গন্ধই পাৰ্শ্বৱতী অঞ্চলটোত বসবাসকাৰী লোকৰ স্বাস্থ্যত বিৰূপ প্ৰতিক্ৰিয়াৰ সৃষ্টি কৰে ৷ লগতে আৱৰ্জনাসমূহ পুৰিবলৈ জুই জ্বলোৱাৰ ফলত অঞ্চলটো ধোঁৱাৰে আৱৰি ধৰে ৷ উল্লেখ্য যে পত্ৰত ৱাৰ্ড কমিচনাৰ সৰস্বতী সৰকাৰে জনবসতি শূন্য এলেকালৈ ডাম্পিং গ্রাউণ্ড স্থানান্তৰণৰ বাবেও উপায়ুক্তক অনুৰোধ জনাইছে ৷পত্ৰৰ প্ৰতিলিপি বঙাইগাঁও পৌৰসভাৰ চেয়াৰমেনকো প্ৰদান কৰে ৷🔯