🔯ব্যক্তিগত বা স্বেচ্ছাসেৱী সংগঠনৰ বান সাহায্য সামগ্ৰী সন্দৰ্ভত বঙাইগাঁও জিলা উপায়ুক্তৰ নিৰ্দেশনা🔯

🔯ব্যক্তিগত বা স্বেচ্ছাসেৱী সংগঠনৰ বান সাহায্য সামগ্ৰী সন্দৰ্ভত বঙাইগাঁও জিলা উপায়ুক্তৰ নিৰ্দেশনা🔯 

📝বঙাইগাঁওঃ ৫ মে': বঙাইগাঁও জিলাত প্ৰায় প্ৰতিবছৰে বাৰিষা কালত বানাক্ৰান্ত হয় বহু লোক আৰু তেওঁলোকক চৰকাৰীভাৱে বান সাহায্য প্ৰদান কৰা হয়।কিন্তু বহু সময়ত দেখা যায় যে বানপানীৰ সময়ত বহুসংখ্যক লোকে বা স্বেচ্ছাসেৱী সংগঠনে বানাক্ৰান্ত লোকক সাহায্য সামগ্ৰী প্ৰদান কৰিবলৈ আগবাঢ়ি আহে। এই ব্যক্তিগতভাৱে বা স্বেচ্ছাসেৱী সংগঠনৰ তৰফৰ পৰা আগবঢ়োৱা বান সাহায্য- সামগ্ৰীসমূহ বানাক্ৰান্ত লোকৰ মাজত বিতৰণ কৰাৰ ক্ষেত্ৰত কোনোধৰণৰ বেমেজালি যাতে নহয় তাৰ বাবে বঙাইগাঁও জিলাৰ উপায়ুক্ত নৱদ্বীপ পাঠকে এক নিৰ্দেশনা জাৰি কৰিছে। জিলাখনত থকা পাঁচটা ৰাজহ চক্ৰ ক্ৰমে বঙাইগাঁও, ডাংতল,  বইটামাৰী, সৃজনগ্ৰাম আৰু মাণিকপুৰ ৰাজহ চক্ৰ এলেকাৰ বানাক্ৰান্ত লোকৰ মাজত ব্যক্তিগতভাৱে বা স্বেচ্ছাসেৱী সংগঠনে আগবঢ়োৱা সাহায্য-সামগ্ৰীসমূহ সংশ্লিষ্ট চক্ৰ বিষয়াৰ হাতত উপলব্ধ কৰাব লাগিব আৰু চক্ৰ বিষয়াসকলে নিজৰ নিজৰ এলেকাত পোৱা এই সামগ্ৰীসমূহৰ সঠিক হিচাপ ৰাখিবলৈ একোজন কৰ্মচাৰী নিয়োগ কৰিব লাগিব। তদুপৰি যিসকল বানাক্ৰান্ত লোকৰ মাজত সামগ্ৰীসমূহ বিতৰণ কৰা হ'ব তাৰো হিচাপ পঞ্জীয়ন বহীত অন্তৰ্ভুক্ত কৰি ৰাখিব লাগিব বুলি নিৰ্দেশনাটোত স্পষ্ট কৰি দিয়া হৈছে।🔯