🔯কোকৰাঝাৰত নাবালিকাক ধৰ্ষণ: সদৌ কোচ ৰাজবংশী যুৱ ছাত্ৰ সন্মিলনীৰ গৰিহণা🔯

🔯কোকৰাঝাৰত নাবালিকাক ধৰ্ষণ: সদৌ কোচ ৰাজবংশী যুৱ ছাত্ৰ সন্মিলনীৰ গৰিহণা🔯

🔯ধৰ্ষণত জড়িতক ফাঁচীৰ দাবী🔯

📝বঙাইগাঁওঃ ২৪ মে': কোকৰাঝাৰৰ জিলাৰ লালকুৰা দ্বিতীয় খণ্ডত সোমবাৰে সন্ধিয়া সংঘটিত হোৱা দলবদ্ধ ধৰ্ষণকাণ্ডক সদৌ কোচ ৰাজবংশী যুৱ ছাত্ৰ সন্মিলনীয়ে তীব্ৰ ভাষাৰে গৰিহণা দিছে ৷ সদৌ কোচৰাজবংশী যুৱ ছাত্ৰ সন্মিলনীৰ সভাপতি কিশোৰজ্যোতি ৰায় আৰু সাধাৰণ সম্পাদক হিতেশ সিংহই সংবাদ মাধ্যমলৈ প্ৰেৰিত এক প্ৰেছ বিবৃতিত উল্লেখ কৰি কয় যে দলবদ্ধ ধৰ্ষণৰ বলি হোৱা ছোৱালীজনী এগৰাকী ১৬ বছৰীয়া নাবালিকা ৷ যিখন দেশত নাৰীক সৰ্বোচ্চ মৰ্যাদা দিয়া হয়,তেনেস্থলত ধৰ্ষণৰ দৰে এটা নিকৃষ্ট ঘটনা সংঘটিত হোৱাটো সমাজৰ বাবে অতি লজ্জাজনক ৷ সোমবাৰৰ সন্ধিয়া নাবালিকা গৰাকীক ধৰ্ষণ কাৰ্যত অভিযুক্ত আটাইকেইজনী নৰপিশাচৰ ইতিমধ্যে চিনাক্তকৰণ হৈছে বুলি উল্লেখ কৰি সেই তিনিজন ক্ৰমে আফুৰুদ্দিন ইছলাম(২২) মস্তোফা আলী(১৯) আৰু ছমেজুদ্দিন আলীক (২৩) কৰায়ত্ত কৰি ফাঁচিৰ হুকুম দি ধৰ্ষিতা নাবালিকাগৰাকীক ন্যায় প্ৰদান কৰিব লাগে বুলিও উল্লেখ কৰে ৷ বিবৃতিটোত লগতে সভাপতি আৰু সাধাৰণ সম্পাদকদ্বয়ে কোকৰাঝাৰ জিলা প্ৰশাসন আৰু অসম চৰকাৰক ধৰ্ষিতা নাবালিকা গৰাকীৰ ন্যায় বিচাৰি উক্ত ঘটনাৰ ন্যায়িক তদন্ত  আৰু অপৰাধী সকলৰ ফাঁচিৰ দাবী উত্থাপন কৰে ৷🔯