🔯কোকৰাঝাৰত নাবালিকাক দলবদ্ধ ধৰ্ষণ🔯

🔯কোকৰাঝাৰ জিলাত     নাবালিকাক দলবদ্ধ ধৰ্ষণ🔯

🔯চালাকাটি আৰক্ষী চকীত এজাহাৰ দাখিল🔯 

📝বঙাইগাঁওঃ২৪ মে’: কোকৰাঝাৰৰ জিলাৰ চালাকাটি আৰক্ষী চকী এলেকাৰ এগৰাকী নাবালিকা তথা অষ্টম শ্ৰেণীৰ ছাত্ৰী তিনিজন যুৱকৰ দ্বাৰা দলবদ্ধ ধৰ্ষণৰ বলি হোৱা ঘটনাই তীব্ৰ প্ৰতিক্ৰিয়াৰ সৃষ্টি কৰিছে ৷ এই জঘন্য ঘটনাটো সোমবাৰৰ সন্ধিয়া প্রায় ৭ টা মান বজাত লালকুৰাত সংঘটিত হয় ৷ ঘটনা সন্দৰ্ভত ধৰ্ষণৰ বলি হোৱা নাবালিকাগৰাকীৰ পৰিয়ালে মঙলবাৰে চালাকাটি আৰক্ষী চকীত এখন এজাহাৰ দাখিল কৰে ৷ চালাকাটি আৰক্ষী চকীত দাখিল কৰা এজাহাৰত নাবালিকা ছোৱালীজনীয়ে নিজ ঘৰৰ পৰা অলপ আতৰত থকা দানিয়াল নামৰ ব্যক্তিজনৰ গেলামাল দোকানলৈ ঢোলমাৰা হৈ লালকুৰা সংযোগী গঢ়কপ্তানী পথেৰে গৈ থকা অৱস্থাত একেখন গাঁৱৰ  মো:আফুৰুদ্দিন ইছলাম (২২), মো:মস্তোফা আলী(২৩) আৰু বহলপুৰ গাঁৱৰ মো:ছমেজুদ্দিন আলী(২৩) এই তিনিজন যুৱকে নাবালিকাগৰাকীক অকলশৰীয়া অৱস্থাত পাই লালকুৰা গীর্জা ঘৰৰ ওচৰেদি হঠাৎ আহি মুখ আৰু ডিঙি চেপি ধৰি ৰাস্তাৰ পৰা চোচৰাই ওচৰতে থকা লালকুৰা চাহ বাগানৰ মাজত লৈ গৈ মাটিত বগৰাই ছোৱালীজনীৰ মুখত হেঁচি ধৰি বলপূর্বকভাবে এজন এজনকৈ তিনিওজনে ধর্ষণ কৰাৰ কথা উল্লেখ কৰিছে। উল্লেখ্য যে নাবালিকাগৰাকীয়ে যুৱক তিনিজনক এই কাৰ্যত বাধা দিছিল যদিও তাইক হেনো প্রাণে মৰাৰ  ভাবুকি দিছিল ৷ ইপিনে নাবালিকাগৰাকীক তেওঁলোকে দলৱদ্ধভবে ধর্ষণ কৰাৰ পিছত গুচি যায় আৰু পিছত নাবালিকা ছোৱালীজনীয়ে নিজ ঘৰত উপস্থিত হৈ ঘটনাৰ বিষয়ে পৰিয়ালক অৱগত কৰে বুলিও এজাহাৰত উল্লেখ কৰিছে। 🔯