🔯বঙাইগাঁও শাখা সাহিত্য সভা ভৱনত গ্ৰন্থ উন্মোচনী সভা🔯

🔯বঙাইগাঁও শাখা সাহিত্য সভা ভৱনত গ্ৰন্থ উন্মোচনী সভা🔯

🔯শাখাৰ প্ৰয়াত প্ৰাক্তন সভাপতিৰ স্মৃতিত প্ৰকাশিত 'স্মৃতিৰ দাপোনত নলিনী মজুমদাৰ' শীৰ্ষক গ্ৰন্থখন উন্মোচন🔯

📝বঙাইগাঁওঃ ২৪ মে': বঙাইগাঁও শাখা সাহিত্য সভাৰ উদ্যোগত সোমবাৰে শাখা সাহিত্য সভা ভৱন প্ৰাংগণত এখন গ্ৰন্থ উন্মোচনী সভা অনুষ্ঠিত হয় ৷ এই গ্ৰন্থ উন্মোচনী সভাত শাখাৰ প্ৰাক্তন সভাপতি প্ৰয়াত নলিনী মজুমদাৰৰ স্মৃতিত প্ৰকাশিত 'স্মৃতিৰ দাপোনত নলিনী মজুমদাৰ' শীৰ্ষক গ্ৰন্থখন উন্মোচন কৰা হয় ৷ গ্ৰন্থখন বঙাইগাঁও জিলা সাহিত্য সভাৰ প্ৰাক্তন সভাপতি অশ্বিনী দাস আৰু বঙাইগাঁৱৰ জ্যেষ্ঠ সাংবাদিক ৰঞ্জিত কুমাৰ শৰ্মাই উন্মোচন কৰে ৷ এই উপলক্ষে শাখাৰ ভাৰপ্ৰাপ্ত সভাপতি জ্যোৎস্নাপ্ৰিয়া দেৱীৰ সভাপতিত্ব অনুষ্ঠিত হয় এখন সভা ৷ সভাৰ অৰম্ভণিতে বন্তি প্ৰজ্বলন আৰু পুস্পাৰ্ঘ্য অৰ্পন কৰে ডঃ সান্ত্বনাময়ী মজুমদাৰে আৰু সভাৰ উদ্দেশ্য ব্যাখ্যা কৰে সম্পাদক মীনা দেৱীয়ে ৷ সভাত আদৰণি ভাষণ আগবঢ়ায় প্ৰয়াত নলিনী মজুমদাৰৰ বৰপুত্ৰ অৰূপজ্যোতি মজুমদাৰে ৷ সভাত গ্ৰন্থখন উন্মোচন কৰি উন্মোচকদ্বয়ে প্ৰয়াত মজুমদাৰৰ জীৱন আৰু কৃতিৰ ওপৰত আলোকপাত কৰে ৷ সভাত পৰিয়ালৰ তৰফৰ পৰা ডঃ সান্ত্বনাময়ী মজুমদাৰ, দেবাঞ্জন দাস, প্ৰণিতা দাস ,ৰূপা মজুমদাৰ আৰু দীপক দত্তই লাভ কৰা তেখেতৰ সানিধ্য,  আচাৰ - ব্যৱহাৰ, মাত- কথা আদিৰ বিষয়ে উল্লেখ কৰি স্মৃতিচাৰণ কৰে ৷ সেইদৰে ডঃ আব্দুছ চবুৰ ,বিক্ৰম মেধি, অজিত দাস, ৰমেন দাস, বিচিত্ৰ শৰ্মা ধীৰেশ চন্দ্ৰ ৰায় ,কৌশল্যা ৰায় আদিয়েও প্ৰয়াত মজুমদাৰৰ বিভিন্ন দিশত সামৰি বক্তব্য ৰাখে ৷ উল্লেখ্য যে এই গ্ৰন্থখনি প্ৰকাশকে ধৰি সকলো সহায় - সহযোগিতা পৰিয়ালৰ লোকে আগবঢ়াইছে ৷ শেষত সভাপতিৰ বক্তব্যৰ পিচতে সম্পাদক মীনা দেৱী আৰু পৰিয়ালৰ তৰফৰ পৰা নয়নজ্যোতি মজুমদাৰে শলাগৰ শৰাই আগবঢ়ায় আৰু অসম সংগীতেৰে সভাৰ সামৰণি পৰে ৷🔯