🔯বঙাইগাঁৱত ছেন্ট জেভিয়াৰ্চ ইনষ্টিটিউটৰ শুভ উদ্বোধন🔯

🔯বঙাইগাঁৱত ছেন্ট জেভিয়াৰ্চ ইনষ্টিটিউটৰ শুভ উদ্বোধন🔯

🔯ইউপিএছচি -এপিএছচি পাঠ্যক্ৰমৰ ওপৰত আলোচনা চক্ৰ🔯 

📝বঙাইগাঁও ২৪ মে': বঙাইগাঁও চহৰৰ উত্তৰ বঙাইগাঁৱত ইউপিএছচি, এপিএছচি, মেডিকেল, ইঞ্জিনিয়াৰিং আদি পাঠ্যক্ৰমত অৱতীৰ্ণৰ হ'ব বিচৰাসকলৰ সহায়ক হোৱাকৈ মঙলবাৰে  প্ৰশিক্ষণৰ সুবিধাৰ্থে 'ছেণ্ট জেভিয়াৰ্চ ইনষ্টিটিউট' নামৰ এটি শিক্ষানুষ্ঠানৰ শুভ উদ্বোধন কৰা হয়৷ বঙাইগাঁও জিলাৰ উপায়ুক্ত নৱদ্বীপ পাঠকে ফিটা কাটি তথা বন্তি প্ৰজ্বলন কৰি শিক্ষানুষ্ঠানখনৰ শুভ উদ্বোধন কৰে৷ শিক্ষানুষ্ঠানৰ শুভ উদ্বোধন কৰি জিলা উপায়ুক্ত পাঠকে ক্রমবর্ধমান চাহিদাৰ মূল্যায়ণত গঢ়ি উঠা প্ৰতিষ্ঠানৰ পৰা অক্লান্ত চেষ্টা, ইচ্ছাশক্তি দৃঢ় কৰি আগুৱালে নিশ্চিতভাৱে ইউপিএছচি, এপিএছচি, মেডিকেল, ইঞ্জিনিয়াৰিং আদি পাঠ্যক্ৰমত সফলতা তথা কৃতকাৰ্য  হ’ব পাৰিব বুলি আশা ব্যক্ত কৰে ৷ উপায়ুক্ত গৰাকীয়ে ' ইউপিএছচিক সকলো পৰীক্ষাৰ মাতৃ' বুলি অভিহিত কৰি অষ্টম শ্ৰেণীৰ পৰা স্নাতক পাঠ্যক্ৰম দৃঢ়ভাৱে অধ্যয়ন কৰি পৰীক্ষাত অৱতীৰ্ণ হ’লে তেওঁলোকে নিশ্চিতভাৱে সফল হ’ব পাৰিব বুলিও প্ৰকাশ কৰে৷ লগতে বঙাইগাঁৱৰ নিচিনা ঠাইত এনে প্ৰশিক্ষণ কেন্দ্ৰৰ প্ৰয়োজন আছে বুলি কৈ কয় যে মন থাকিলেও বহু ছাত্ৰ- ছাত্ৰীয়ে আন ঠাইলৈ গৈ বিভিন্ন কাৰণত প্ৰশিক্ষণ গ্ৰহণ কৰিব নোৱাৰে ৷ সেয়ে ইয়াতে অসামৰিক পৰীক্ষাৰ বাবে প্ৰশিক্ষণ লৈ নিজকে প্ৰস্তুতি চলাব পাৰিব ৷ 

উল্লেখ্য যে নিখিল বড়ো ছাত্ৰ সন্থা(এবছু)ৰ উপ সভাপতি কৰ্মদাও বসুমতাৰীয়ে  অনুষ্ঠানত মুখ্য অতিথি হিচাপে উপস্থিত থাকি আৰম্ভণিতে নিজৰ ভাষণত এনে প্ৰতিষ্ঠানৰ প্ৰয়োজনীওতাৰ কথা দোহাৰি ইয়াৰ জৰিয়তে ছাত্ৰ - ছাত্ৰীসকলে প্ৰশিক্ষণ গ্ৰহণ কৰি নিজৰ লক্ষ্যত উপনীত হ'ব পাৰিব বুলি আশা ব্যক্ত কৰে ৷ অনুষ্ঠানত ছেণ্ট জেভিয়াৰ্চ ইনষ্টিটিউটৰ অধ্যক্ষ নৱ কুমাৰ বসুমতাৰীয়ে সাম্প্ৰতিক সময়ত যুৱ প্ৰজন্মৰ মাজত ক্রমবর্ধমান অসম প্ৰশাসনিক সেৱা, ইউপিএছচি , মেডিকেল আৰু ইঞ্জিনিয়াৰিং পাঠ্যক্ৰমৰ প্ৰতি ধাউতি বৃদ্ধি পোৱাৰ প্ৰতি লক্ষ্য ৰাখি মফচলীয় চহৰ বঙাইগাঁৱত এনে প্ৰতিষ্ঠানে নামনি অসমৰ লোকক বাৰুকৈয়ে উপকৃত আৰু সহায় কৰিব  বুলি আশা ব্যক্ত কৰে৷ অনুষ্ঠানত বিজেপিৰ  ৰাজ্যিক কাৰ্যনিৰ্বাহৰ সদস্য ৰাজীৱ বৰুৱা , ছেন্ট জেভিয়াৰ্চ ইনষ্টটিউটৰ সঞ্চালক জাবেৰ মানিজেছ, এবছুৰ শিক্ষা সম্পাদক ৰোমিঅ কুমাৰ বসুমতাৰী, নতুন দিল্লীৰ অৰুণাদয় আইএএচ ইনষ্টিটিউটৰ সঞ্চালক সুৰজ কুমাৰ মৌনি , বঙাইগাঁও পৌৰসভাৰ কাৰ্যবাহী বিষয়া ভাৰ্গৱ কলিতা, বঙাইগাঁও কলেজৰ অৱসৰ প্ৰাপ্ত অধ্যাপক টি কে বাহাদুৰ, অৱসৰ প্ৰাপ্ত শিক্ষক লোকনাথ বৰ্মন, বঙাইগাঁও উচ্চতৰ মাধ্যমিক বিদ্যালয়ৰ অধ্যক্ষ আব্দুল মান্নান আদি বিশিষ্ট ব্যক্তি উপস্থিত থাকে ৷ ইয়াৰ পিছতে ইউপিএছচি আৰু এপিএছচিৰ ওপৰত আলোচনা চক্ৰ অনুষ্ঠিত হয়৷ আলোচনা চক্ৰত নতুন দিল্লীৰ অৰুণাদয় আইএএচ ইনষ্টিটিউটৰ সঞ্চালক সুৰজ কুমাৰ মৌনি আৰু অসম প্ৰশাসনিক কৰ্মচাৰীৰ একাডেমীক বিশেষজ্ঞ ড°ধৰ্মেন্দ্ৰ গৌড় মুখ্য বক্তা হিচাপে অংশ গ্ৰহণ কৰি বক্তব্য প্ৰদান কৰে৷অনুষ্ঠানৰ আৰম্ভণিতে অতিথি সকলক আৰণাই আৰু ফুলৰ থোপাৰে সম্বৰ্ধনা জনোৱা হয়৷🔯