🔯চিৰাঙৰ বিজনীৰ ডাইনীকাণ্ডঃ ১০ জনক যাৱজ্জীৱন কাৰাদণ্ড🔯

🔯চিৰাঙৰ বিজনীৰ ডাইনীকাণ্ডঃ ১০ জনক যাৱজ্জীৱন কাৰাদণ্ড🔯 

📝বিজনীঃ ২৪ মে': অন্ধবিশ্বাসৰ বলি হৈ নিৰ্দোষী লোকক ডাইনী সন্দেহত হত্যা কৰা অভিযুক্তৰ বিৰুদ্ধে চিৰাঙৰ বিজনীৰ অতিৰিক্ত জিলা আৰু সত্ৰ ন্যায়াধীশৰ আদালতে মঙলবাৰে এক ঐতিহাসিক ৰায়দান দিয়ে । বিজনী থানাৰ  ১২০/২০০১ নম্বৰ ডাইনী হত্যাৰ গোচৰত অভিযুক্ত ১০ আচামীক ন্যায়াধীশ ইউছুফ আজাজৰ আদালতে যাৱজ্জীৱন কাৰাদণ্ডৰে দণ্ডিত কৰাৰ ৰায়দান দিয়ে । আচামীসকল ক্ৰমে কেটেং বড়ো, গেনা বসুমতাৰী, গোগো বসুমতাৰী, গংগাৰ বসুমতাৰী, আখু বসুমতাৰী, থিৰেন বসুমতাৰী, সোম্বাৰু বসুমতাৰী, জাবোতি বসুমতাৰী, হেব্ৰো গয়াৰী আৰু সমৰ মুছাহাৰী । উল্লেখ্য যে বিজনীৰ বান্দুগুৰীত বিগত ২০০১ চনত অন্ধবিশ্বাসৰ বলি হৈ ডাইনী সন্দেহত ৩ গৰাকী নিৰ্দোষী লোকক ১২ জন লোকে নিৰ্মমভাৱে হত্যা কৰিছিল । ইয়াৰে ২ জন অপৰাধীৰ ইতিমধ্যে মৃত্যু ঘটিছে । মৃত্যু হোৱা অপৰাধী দুজন ক্ৰমে বলেন বসুমতাৰী আৰু বুতৰ বসুমতাৰী।🔯