🔯সদৌ কোচ ৰাজবংশী যুৱ- ছাত্ৰ সন্মিলনীৰ প্ৰাক্তন সাধাৰণ সম্পাদক তথা কমতাপুৰ স্বায়ত্বশাসিত পৰিষদৰ সাধাৰণ সদস্য ধৰ্মেন্দ্ৰ ৰায়ৰ বিয়োগ🔯

🔯সদৌ কোচ ৰাজবংশী যুৱ- ছাত্ৰ  সন্মিলনীৰ প্ৰাক্তন সাধাৰণ সম্পাদক তথা কমতাপুৰ স্বায়ত্বশাসিত পৰিষদৰ সাধাৰণ সদস্য ধৰ্মেন্দ্ৰ ৰায়ৰ বিয়োগ🔯 

🔯সাতদিনলৈ অৰ্ধনমিত হৈ থাকিব সংগঠনৰ পতাকাঃ গভীৰ শোক প্ৰকাশ🔯

📝বঙাইগাঁওঃ ২৫ মে': সদৌ কোচ ৰাজবংশী যুৱ- ছাত্ৰ  সন্মিলনীৰ প্ৰাক্তন সাধাৰণ সম্পাদক তথা বৰ্তমানৰ কমতাপুৰ স্বায়ত্বশাসিত পৰিষদৰ সাধাৰণ সদস্য ( জি এম) ধৰ্মেন্দ্ৰ ৰায়ে বুধবাৰে বিয়লি ৫ঃ৫০ মান বজাত গুৱাহাটীৰ বি বৰুৱা কেন্সাৰ হস্পিতালত চিকিৎসাধীন হৈ থকা অৱস্থাত শেষ নিস্বাস ত্যাগ কৰে ৷ প্ৰয়াত ৰায়ে ভালে কেইবছৰ ধৰি দুৰাৰোগ্য ৰোগত আক্ৰান্ত হৈ আছিল আৰু বিগত কিছুদিন পূৰ্বৰ পৰা তেওঁৰ শাৰীৰিক অৱনতি ঘটিছিল ৷ উল্লেখ্য  যে ধৰ্মেন্দ্ৰ ৰায়ে দীৰ্ঘদিন ধৰি কোচ ৰাজবংশী যুৱ - ছাত্ৰ সন্মিলনীৰ নেতৃত্ব বহন কৰি আহিছিল  আৰু জাতীয় সংগ্ৰামৰ লগত ওতোঃপ্ৰোতভাৱে জড়িত আছিল ৷ নিজৰ শাৰীৰিক অসুস্থতাৰ বিষয়ে জানিও  কেতিয়াও হাৰ মনা নাছিল ৷ কিন্তু অৱশেষত নিয়তিৰ ওচৰত হাৰ মানিবলগীয়া হ'ল বুলি এক প্ৰেছ বিবৃতিত উল্লেখ কৰিছে  সদৌ কোচ ৰাজবংশী যুৱ - ছাত্ৰ সন্মিলনীৰ সভাপতি কিশোৰজ্যোতি ৰায় আৰু সাধাৰণ সম্পাদক হিতেশ সিংহই ৷ সভাপতি আৰু সাধাৰণ সম্পাদকদ্বয়ে বিবৃতিটোত সংগঠনটোৰ প্ৰাক্তন সাধাৰণ সম্পাদকগৰাকীৰ মৃত্যুত গভীৰ শোক প্ৰকাশ কৰাৰ লগতে নেতাগৰাকীৰ মৃত্যু যুৱ -ছাত্ৰ সন্মিলনীৰ বাবে অপুৰণীয় ক্ষতি বুলি কয় ৷ লগতে শোক সন্তপ্ত পৰিয়ালবৰ্গলৈ গভীৰ সমবেদনা জ্ঞাপন কৰে ৷ সংগঠনটোৰ সভাপতি আৰু সাধাৰণ সম্পাদকে বিবৃতিটোত উল্লেখ কৰা মতে  প্ৰয়াত ধৰমেন্দ্ৰ ৰায়ৰ প্ৰতি শ্ৰদ্ধা নিবেদন কৰি বুধবাৰৰ পৰা সাত দিনৰ বাবে সদৌ কোচ ৰাজবংশী যুৱ- ছাত্ৰ সন্মিলনীৰ কেন্দ্ৰীয় সমিতিৰ লগতে জিলা আৰু আঞ্চলিক সমিতিৰ পতাকা অৰ্ধনমিত হৈ থাকিব ৷ ইপিনে যুৱ- ছাত্ৰ সন্মিলনীৰ প্ৰাক্তন সাধাৰণ সম্পাদকগৰাকীৰ মৃত্যুত সংগঠনটোৰ বঙাইগাঁও জিলা সমিতি, কেএচিৰ মুখ্য পাৰিষদ গোকুল বৰ্মনকে ধৰি বিভিন্নজনে গভীৰ শোক প্ৰকাশ কৰিছে 🔯