🔯বঙাইগাঁৱত বিশ্ব ধঁপাত বিৰোধী দিৱস পালন🔯

🔯বঙাইগাঁৱত বিশ্ব ধঁপাত বিৰোধী দিৱস পালন🔯 

📝বঙাইগাওঁঃ ৩১ মে: বিশ্ব ধঁপাত বিৰোধী দিৱসৰ লগত সংগতি ৰাখি মঙলবাৰে বঙাইগাওঁ স্বাস্থ্য বিভাগৰ সহযোগত বঙাইগাওঁ চহৰৰ বীৰঝৰা পাব্লিক লাইব্ৰেৰীত দিনজোৰা কাৰ্যসূচীৰে বিশ্ব ধঁপাত বিৰোধী দিৱস পালন কৰা হয় ৷ এই উপলক্ষে অনুষ্ঠিত অনুষ্ঠানৰ বন্তি প্ৰজ্বলন কৰি শুভাৰম্ভ কৰে বঙাইগাঁও জিলাৰ যুটীয়া স্বাস্থ্য সেৱা সঞ্চালক ডাঃ পৰেশ চন্দ্ৰ ৰয়ে ৷ ইয়াৰ পিচতে মূল বিষয়ৰ লগত সংগতি ৰাখি এখন সভা অনুষ্ঠিত হয় ৷ সভাত ধঁপাতৰ জৰিয়তে হ'ব পৰা জটিল ৰোগৰ লগতে ই কি দৰে আমাৰ পৰিবেশৰ ওপৰত প্ৰভাৱ পেলায় এই সম্পৰ্কে উপস্থিত থকা ছাত্ৰ- ছাত্ৰীসকলক সজাগ কৰাৰ প্ৰয়াস কৰে স্বাস্থ্য বিভাগৰ লগতে অনুষ্ঠানটিত উপস্থিত থকা সমল ব্যক্তিসকলে ৷

দিৱসৰ লগত সংগতি ৰাখি অনুষ্ঠিত কৰা এই  সভাত জিলাৰ অতিৰিক্ত উপাযুক্ত (স্বাস্থ্য) শ্যামল ক্ষেত্ৰ গগৈয়ে নিজৰ বক্তব্যত কয় যে ধপাঁত মুক্ত এখন সমাজ গঢ়িবৰ বাবে নৱপ্ৰজন্মৰ ভূমিকা অত্যন্ত গুৰুত্বপূৰ্ণ ৷ এই ক্ষেত্ৰত শিক্ষানুষ্ঠান সমূহে অত্যন্ত গুৰুত্বপূৰ্ণ ভূমিকা পালন কৰে। আনহাতে চিঅপিটিএ, ২০০৩ (COPTA,2003) আইন সন্দৰ্ভত জ্যেষ্ঠ আইনজ্ঞ জ্যোতিষ চন্দ্ৰ শৰ্মাই বিশদ আলোচনা আগবঢ়ায় ৷ সভাত জিলা আইন সেৱা প্ৰাধিকৰণৰ সচিব তৰুণ দে , জিলাৰ বিদ্যালয়সমূহৰ পৰিদৰ্শক জ্যোৎসাৰাণী বৰ্মনৰ লগতে আন সমলব্যক্তি সকল উপস্থিত থাকি ধঁপাতৰ ক্ষতিকাৰক দিশসমূহৰ ওপৰত বক্তব্যৰ জৰিয়তে উপস্থিতসকলক সজাগ কৰাৰ প্ৰয়াস কৰে ৷  দিনজোৰা কাৰ্যসূচীৰ অংশ হিচাপে স্বাস্থ্য বিভাগে ছাত্ৰ-ছাত্ৰী সকলৰ মাজত কুইজ প্ৰতিযোগিতা অনুষ্ঠিত কৰাৰ লগতে বাটৰ নাটৰ জৰিয়তে এই বিষয় সন্দৰ্ভত ৰাইজৰ মাজলৈ সংবেদনশীল বাৰ্তা প্ৰেৰণ কৰিবলৈ প্ৰয়াস কৰে  ৷ সভাত উপস্থিত থকাসকলে ধঁপাত সেৱনৰ পৰা বিৰত থকাৰ শপতো লয় ৷ বিয়লিৰ ভাগত বঁটা বিতৰণী অনুষ্ঠান অনুষ্ঠিত হয় ৷🔯