🔯'বজাৰত লাগিছে জুই , চৰকাৰ অছে শুই '- শ্লোগানেৰে উত্তাল প্ৰতিবাদ আমছুৰ🔯

🔯'বজাৰত  লাগিছে জুই , চৰকাৰ অছে শুই '-  শ্লোগানেৰে উত্তাল প্ৰতিবাদ আমছুৰ🔯

📝বিজনী,১২ মে: চিৰাং জিলাৰ বিজনীত আমছুৰ প্ৰতিবাদ । সমগ্ৰ ৰাজ্যৰ লগতে বিজনীৰ মহকুমাধিপতিৰ কাৰ্যালয়ৰ সন্মুখতো নিত্য প্ৰয়োজনীয় সামগ্ৰীৰ মূল্যবৃদ্ধিৰ প্ৰতিবাদত বৃহস্পতিবাৰে পুৱা ১১ বজাৰ পৰা দুপৰীয়া ১ বজালৈ ২ ঘন্টীয়া  অৱস্থান ধৰ্মঘট ৰূপায়ণ কৰে । নিতৌ প্ৰয়োজনীয় সামগ্ৰী অস্বাভাৱিক ভাবে মূল্য বৃদ্ধি হোৱাত সাধাৰণ লোকৰ পানীত হাঁ-নচৰা অবস্থা হৈছে । সেয়ে দুঘণ্টীয়া অৱস্থান ধৰ্ণা কাৰ্যসূচীৰ জৰিয়তে ৰন্ধন গেছ, মিঠাতেল, পেট্ৰোল,ডিজেল আদি কৰি বিভিন্ন সামগ্ৰীৰ মূল্য বৃদ্ধি ৰোধ কৰাৰ বাবে বিজনী মহকুমাধিপতিৰ জৰিয়তে অসম চৰকাৰলৈ এখন স্মাৰক প্ৰত্ৰ প্ৰদান কৰে । এই মূল্য বৃদ্ধি ৰোধ কৰাত অসম চৰকাৰে ব্যৰ্থ হৈছে । এই মূল্য বৃদ্ধি ৰোধত  চৰকাৰে কোন ধৰণৰ পদক্ষেপ  নোলোৱাৰ অভিযোগ আমছুৰ । 

ধৰ্মঘট স্থলীত ৰঞ্জিত দাসে পদত্যাগ কৰক, অসম চৰকাৰ হায় হায়, বজাৰত লাগিছে জুই চৰকাৰ আছে শুই আদি বিভিন্ন চৰকাৰ বিৰোধী ধ্বনিৰে বিজনী মহকুমা কাৰ্যালয়ৰ সন্মুখত উত্তাল পৰিবেশ কৰি তোলে । ইফালে আমছুৰ কেন্দ্ৰীয় সভাপতি ৰেজাউল কৰিম সৰকাৰে আলু- পিয়াজৰ মালা পৰিধান কৰি ধৰ্মঘট কাৰ্যসূচীত অংশগ্ৰহণ কৰে ৷ ৰেজাউল কৰিম সৰকাৰে সংবাদ মাধ্যমৰ আগত কয় যে অসমৰ মুখ্যমন্ত্ৰীয়ে ১ বছৰ পুৰ্ণ হোৱাৰ যি বৰ্ষপূূৰ্তি পালন কৰিছে ,এয়া বৰ্ষপূূূূৰ্তি নহয় ব্যৰ্থপূূূূৰ্তি বৰ্ষহে পালন কৰিব লাগে অসম চৰকাৰে । উক্ত ধৰ্ণা কাৰ্যসূচীত আমছুৰ কেন্দ্ৰীয় সভাপতি ৰেজাউল কৰিম সৰকাৰ, আমছুৰ শিক্ষা সম্পাদক আবুল কালাম আজাদ, আমছুৰ বিজনী জিলা সভাপতি ৰুছুল খানৰ লগতে আমছুৰ কৰ্ম-কৰ্তা সকলে উপস্থিত থাকে ৷🔯