🔯নিত্য প্ৰয়োজনীয় সা-সামগ্ৰীৰ মূল্যবৃদ্ধিঃ বঙাইগাঁৱত আমছুৰ অৱস্থান ধৰ্মঘট🔯

🔯নিত্য প্ৰয়োজনীয় সা-সামগ্ৰীৰ মূল্যবৃদ্ধিঃ বঙাইগাঁৱত আমছুৰ অৱস্থান ধৰ্মঘট🔯 

🔯ৰঞ্জিত কুমাৰ দাসৰ যোগানমন্ত্ৰী হৈ থকাৰ নৈতিক অধিকাৰেই নাই🔯

📝বঙাইগাঁওঃ ১২ মে' নিত্য ব্যৱহাৰ্য খাদ্য সামগ্ৰীৰ লগতে পেট্ৰ'ল, ডিজেল, ৰন্ধন গেছ আদিৰ মূল্য বৃদ্ধিৰ প্ৰতিবাদত তথা উক্ত সামগ্ৰী সমূহৰ মূল্য শীঘ্ৰে হ্ৰাস কৰাৰ দাবীত বৃহস্পতিবাৰে আমছুৰ বঙাইগাঁও জিলা সমিতিয়ে এক প্ৰতিবাদী কাৰ্যসূচী ৰূপায়ণ কৰে৷ বঙাইগাঁও চহৰৰ পাগলাস্থানত সংখ্যালঘু ছাত্ৰ সংগঠনটোৱে ৰূপায়ণ কৰা দুঘন্টীয়া অৱস্থান ধৰ্মঘট কাৰ্যসূচীত অংশ গ্ৰহণ কৰা প্ৰতিবাদকাৰীসকলে হাতে হাতে বিভিন্ন প্লেকাৰ্ড লৈ বজাৰত জ্বলিছে জুই, চৰকাৰ আছে শুই , মূল্যবৃদ্ধি হ্ৰাস কৰক, অসম চৰকাৰ হায় হায় , যোগানমন্ত্ৰী ৰঞ্জিত কুমাৰ দাস পদত্যাগ কৰক, ঔষধৰ মূল্য হ্ৰাস কৰক আদি শ্লোগান দি পৰিৱেশ উত্তাল কৰি তোলে৷ 

লগতে পেট্ৰ'ল -ডিজেল আৰু ৰন্ধন গেছৰ আকাশলংঘী মূল্যবৃদ্ধি ৰোধ কৰিবলৈ চৰকাৰক দাবী জনায়৷ উল্লেখ্য ৰাজ্য চৰকাৰে ইচ্ছা কৰিলে দৈনিক নিত্য ব্যৱহাৰ্য খাদ্য সা- সামগ্ৰী ৰ লগতে পেট্ৰল, ডিজেল, ৰন্ধন গেছ আদিৰ মূল্য বৃদ্ধি ৰোধ কৰি জনসাধাৰণক সকাহ দিব পাৰে যদিও এই ক্ষেত্ৰত চৰকাৰে কোনো পদক্ষেপ গ্ৰহণ কৰা নাই বুলি প্ৰতিবাদী থলীত আমছুৰ নেতাসকলে ব্যক্ত কৰে৷ লগতে যোগানমন্ত্ৰী ৰঞ্জিত কুমাৰ দাসক এজন অপদাৰ্থ মন্ত্ৰী বুলি অভিহিত কৰি যোগানমন্ত্ৰীৰ হৈ থকাৰ নৈতিক অধিকাৰ নাই বুলিও কয় ৷🔯