🔯বঙাইগাঁৱৰ ধলাগাঁৱত ধুমুহাত চাৰিচকীয়া বাহনৰ ওপৰত ভাগি পৰিল গছ🔯

🔯বঙাইগাঁৱৰ ধলাগাঁৱত ধুমুহাত চাৰিচকীয়া বাহনৰ ওপৰত ভাগি পৰিল গছ🔯

📝বঙাইগাঁওঃ ২১ মে': আজি পুৱা অহা ধুমুহা-বৰষুণৰ ফলত বঙাইগাঁও জিলাৰ নৰ্থ বইটামাৰী অঞ্চলত কিছু ক্ষয়-ক্ষতি হয় । অঞ্চলটোৰ ধলাগাঁৱত সাপ্তাহিক বজাৰ চলি থকা সময়তে পুৱা ৯:৩০ মান বজাত এডাল গছ ভাগি পৰে । বজাৰ চলি থকা মাজতে এনেদৰে গছ এডাল ভাগি পৰাত লোকসকল আতংকিত হয় যদিও সৌভাগ্যক্ৰমে কোনো লোক হতাহত নহ'ল । গছ ভাগি এখন এল্ট' ৮০০ বাহনৰ ওপৰত পৰে । ফলত এল্ট' বাহনখনৰ বহু ক্ষতিসাধন হয় । বাহনখন ধলাগাঁৱৰে ৰতিকান্ত চৌধুৰী নামৰ লোক এজনৰ বুলি জানিব পৰা গৈছে । চাৰিচকীয়া বাহনখনৰ উপৰি উক্ত স্থানত থকা এখন বাইকৰো অলপ ক্ষতিসাধন হয় ।  

গছৰ ডাল এখন দোকানঘৰৰ চালতো পৰে । ইফালে বৈদ্যুতিক তাঁৰো ছিগি যোৱাত অঞ্চলটোত বিদ্যুত যোগান ব্যাহত হৈ পৰে । সেইদৰে বঙাইগাঁও চহৰৰ বীৰঝৰা কন্যা মহাবিদ্যালয়ৰ চৌহদত থকা এডাল গছো পথৰ ওপৰত ভাঙি পৰে ৷ সেই সময়ত ই- ৰিক্সা এখনত বিদ্যালয়লৈ গৈ আছিল কণ কণ শিশু ৷ কথমপি ৰক্ষা পৰে সকলো ৷ পিচত এছ ডি আৰ এফ তথা আপদকালীন সেৱা বিভাগৰ দল উপস্থিত হৈ পথটো মুকলি কৰে ৷🔯