🔯ডলু চাহ বাগিচা উচ্ছেদ🔯

🔯ডলু চাহ বাগিচা উচ্ছেদ🔯

🔯বঙাইগাঁও জিলা আছাৰ  প্ৰতিবাদী কাৰ্যসূচী ৰূপায়ণ🔯 

📝বঙাইগাঁওঃ ২২ মে: কাছাৰ জিলাৰ ডলু চাহ বাগিচা উচ্ছেদ অভিযানৰ বিৰুদ্ধে দেওবাৰে পুৱা সদৌ অসম আদিবাসী ছাত্ৰ সন্থা চমুকৈ আছাৰ বঙাইগাঁও জিলা সমিতিয়ে এক প্ৰতিবাদী কাৰ্যসূচী ৰূপায়ণ কৰে ৷ বঙাইগাঁও চহৰৰ সমীপৰ  বীৰঝৰা চাহ বাগিচাত বঙাইগাঁও জিলা আছাৰ উদ্যোগত ৰূপায়ণ কৰা প্ৰতিবাদী কাৰ্যসূচীত আছাৰ কৰ্মী সকলে হাতে হাতে বিভিন্ন প্লেকাৰ্ড লৈ ডলু চাহ বাগিছা উচ্ছেদ অভিযানৰ বন্ধ কৰক, চাহ বাগিছা শ্ৰমিক সকলৰ মজুৰি বৃদ্ধি কৰক আদি বিভিন্ন শ্লোগান দি উত্তাল প্ৰতিবাদ সাব্যস্ত কৰে ৷ প্ৰতিবাদকাৰী সকলে চাহ শ্ৰমিক সকলৰ ন্যাৰ্য প্ৰপ্তি দাবী কৰাৰ লগতে চাহ শ্ৰমিক সকলক উচ্ছেদ কৰা কাৰ্যৰ ধিক্কাৰ দিয়ে ৷ লগতে তেওঁলোকৰ জনজাতিকৰণৰ দাবী উত্থাপন কৰে৷ স্মৰ্ত্তব্য যে আদিবাসী তথা চাহ বাগিচাৰ কামত নিয়োজিত লোক সকলক ভয়াৱহ দিশৰ দিশে ঠেলি দিয়া বাবে প্ৰতিবাদকাৰী সকলে দেশৰ প্ৰধানমন্ত্ৰী নৰেন্দ্ৰ মোদী আৰু অসমৰ মুখ্যমন্ত্ৰী ড০ হিমন্ত বিশ্ব শৰ্মাৰ দুমুঠি দাহ কৰে ৷

এই প্ৰতিবাদী কাৰ্যসূচীত সদৌ বঙাইগাঁও জিলা আদিবাসী ছাত্ৰ সন্থাৰ জিলা সভাপতি অমৃত জোজো ই অংশ গ্ৰহণ কৰি ডলু চাহ বাগিচা উচ্ছেদ কাৰ্যৰ তীব্ৰ বিৰোধিতা কৰে ৷ জিলা সভাপতিগৰাকীয়ে কয় যে বিজেপি চৰকাৰে চাহ শ্ৰমিকসকলৰ মজুৰি বৃদ্ধি কৰি ৩০০ টকা কৰাৰ প্ৰতিশ্ৰুতি দিছিল ৷ সেইদৰে চাহ বাগিছাত থকা আদিবাসীসকলক জনজাতিকৰণ কৰাৰ লগতে বিভিন্ন সা - সুবিধা প্ৰধান কৰিব বুলি কৈছিল ৷ কিন্তু একো নকৰিলে ৷ বৰং ২৫০০ বিঘা মাটিৰ চাহ বাগিচা উচ্ছেদ কৰি চাহ শ্ৰমিকসকলৰ ওপৰত নিৰ্মমভাৱে অত্যাচাৰ চলাই আছে ৷ গতিকে এই উচ্ছেদ বন্ধ হ'ব লাগে ৷ লগতে জনগোষ্ঠীটোৰ মন্ত্ৰী - বিধায়কসকলে এই সন্দৰ্ভত নিশ্চুপ হৈ থকা কাৰ্যকো ধিক্কাৰ দিয়ে ৷ প্ৰতিবাদী কাৰ্যসূচীত আছাৰ নেতা,কৰ্মী সকলৰ উপৰিও চাহ বাগানৰ পুৰুষ,মহিলা শ্ৰমিক সকলে অংশ গ্ৰহণ কৰে ৷🔯