🔯বঙাইগাঁৱত ৰাইজৰ দলৰ কৰ্মীসভা🔯

🔯বঙাইগাঁৱত ৰাইজৰ দলৰ কৰ্মীসভা🔯

🔯ফণীভূষণ চৌধুৰীৰ নিচিনা যিসকল জ্যেষ্ঠ আঞ্চলিকতাবাদী দলৰ নেতাসকলে বিজেপিৰ ৰাহুগ্ৰাসৰ পৰা ওলাই আহি আঞ্চলিকতাবাদী শক্তি, জাতীয়তাবাদী শক্তিবিলাকক ঐক্যবদ্ধ কৰি শক্তিশালী কৰিব লাগে --অখিল গগৈ🔯

🔯পীযুষ হাজৰিকাৰ জলসম্পদ বিভাগে বানমুক্ত অসম গঢ়িব নোৱাৰে🔯

🔯অসমক ৰক্ষা কৰিবৰ কাৰণে বিজেপি চৰকাৰক আমি অসমৰ ৰাজনীতিৰ পৰা বিদায় দিব লাগে🔯

📝বঙাইগাঁওঃ ২০ মে': বঙাইগাঁৱত বেছ কিছুদিন ধৰি ফণীভূষণ চৌধুৰীয়ে ইয়াত যি আঞ্চলিকতাবাদৰ ধ্বজা উৰুৱাই আছিলে বিজেপিৰ লগত লগ লাগি অসম গণ পৰিষদৰ  আঞ্চলিকতাবাদক নিঃ শেষ কৰি পেলোৱা হ'ল ৷ এই মন্তব্য ৰাইজৰ দলৰ সভাপতি তথা বিধায়ক অখিল গগৈৰ ৷ শুকুৰবাৰে বঙাইগাওঁ চহৰৰ বীৰঝৰা পাব্লিক লাইব্ৰেৰীত অনুষ্ঠিত দলটোৰ বঙাইগাঁও জিলা সমিতিৰ এখন কৰ্মী সভাত অংশ গ্ৰহণ কৰিবলৈ আহি সংবাদ মাধ্যমৰ আগত এই মন্তব্য কৰে ৷ বিধায়ক গগৈয়ে কয় যে আজি বিজেপিয়ে এফালৰ পৰা অঞ্চলিকতাবাদী শক্তি বিলাকক গিলি পেলাইছে ৷ সমগ্ৰ সমাজখনক সাম্প্ৰদায়িকভাৱে বিভাজিত কৰি পেলাইছে ৷ সেই কাৰণে মই ভাবো যে ফণীভূষণ চৌধুৰীৰ নিচিনা যিসকল জ্যেষ্ঠ আঞ্চলিকতাবাদী দলৰ নেতা আছে তেওঁলোকে আটাইয়ে বিজেপিৰ এই ৰাহু গ্ৰাসৰ পৰা ওলাই আহিবৰ কাৰণে সিদ্ধান্ত গ্ৰহণ কৰিব লাগে আৰু অসমত আমাকৰ আঞ্চলিকতাবাদী শক্তি, আমাৰ জাতীয়তাবাদী শক্তিবিলাকক সকলোৱে ঐক্যবদ্ধ কৰি শক্তিশালী কৰিবৰ কাৰণে ওলাই আহিব লাগে ৷ ইপিনে সাংবাদিকৰ পিঠিত উঠি বান পৰিস্থিতি চাবলৈ যোৱা বিজেপি বিধায়ক শিবু মিশ্ৰৰ ভিডিঅ ভাইৰেল হোৱা বিষয়টো সন্দৰ্ভত সাংবাদিকে প্ৰতিক্ৰিয়া জানিব বিচৰাত বিধায়ক অখিল গগৈয়ে কয় যে বিজেপিৰ চৰিত্ৰটো সামন্তবাদী চৰিত্ৰ ৷ তেওঁলোকে ধৰ্মৰ ৰাজনীতি কৰে, জাত - পাতৰ ৰাজনীতি কৰে, সাম্প্ৰদায়িক ৰাজনীতি কৰে আৰু গণতান্ত্ৰিক ৰাজনীতিৰ পৰিৱৰ্তে তেওঁলোকে যে আনৰ কান্ধত উঠা ৰাজনীতি কৰে সেয়া বৃহস্পতিবাৰৰ দিনটোত লামডিং সমষ্টিৰ বিধায়ক শিবু মিশ্ৰই এজন সাংবাদিকৰ পিঠিত উঠি লৈ বান পানী চাবলৈ যোৱা ঘটনাটোৱে আমাক সেই বিজেপিৰ সাম্প্ৰদায়িক চৰিত্ৰ, বিজেপিৰ সেই সামন্তবাদী চৰিত্ৰ আৰু পুৰণিকলীয়া যি গণতন্ত্ৰ বিৰোধী চৰিত্ৰ সেই চৰিত্ৰটো আমাক উদঙাই দিছে৷ আনহাতে এইটো এটা বৰ দুৰ্ভাগ্যজনক ঘটনা যে  এজন সাংবাদিকে ৰাজনীতি কৰা মানুহক কান্ধত লোৱাটো, কোলাত লোৱাটো, পিঠিত লোৱা কথাটো এইটো এটা চিম্বলত পৰিণত হৈছে ৷ কাৰণ বেছ কিছুদিন ধৰি সংবাদ মাধ্যমে বিজেপিক যি ধৰণে কান্ধন তুলি আছে, বিজেপিক যি ধৰণে কোলাত তুলিছে, আজি যেন লামডিঙৰ বিধায়ক জনক কান্ধত তুলি সংবাদ মাধ্যমৰ সেই চিম্বলিজিমকে অৰ্থাৎ সংবাদ মাধ্যমৰ বৰ্তমানৰ যিটো অৱস্থা যে শাসক দলক পিঠিত তুলি যে একাংশ সংবাদ মাধ্যমে বহু ঠাইত আগবাঢ়ি যাব খুজিছে সেই বিষয়টোকে বৃহস্পতিবাৰৰ দিনটোত যেন প্ৰমাণ কৰিলে ৷ গতিকে বৃহস্পতিবাৰৰ দিনটো সমগ্ৰ অসমৰ গণতান্ত্ৰিক সমাজখনৰ কাৰণে এটা লাজৰ দিন আৰু সাংবাদিক জগতৰ কাৰণেও এইটো এটা লাজৰ দিন ৷ একেলগতে সমগ্ৰ অসমৰ ৰাইজৰ কাৰণে, গণতান্ত্ৰিক সমাজ এখন, গণতান্ত্ৰিক মূল্যবোধৰ প্ৰতিজন মানুহৰ কাৰণে লজ্বাৰ দিন আৰু বৃহস্পতিবাৰৰ দিনটোৱে আচলতে বিজেপিৰ যিটো প্ৰকৃত চৰিত্ৰ যে তেওঁলোকে কেনেকৈ জনতাৰ পিঠিত উঠি লুটি আছে সেই চৰিত্ৰটোকে প্ৰমাণ কৰি দিলে ৷ বিজেপিৰ ৰাজনীতিত যে কোনো মূল্যবোধ নাই,  বিজেপিৰ ৰাজনীতিত যে কোনো গণতন্ত্ৰ নাই , বিজেপিয়ে যে কেনেকৈ আজিৰ দিনটোত একেবাৰে দৰিদ্ৰ মানুহজনক তথা বানপীড়িত মানুহজনৰ অসহায় সময়তো নিজৰ দামী জোটাজোৰ খুলিবৰ কাৰণে প্ৰস্তুত নহয় আৰু নিজৰ দামী জোটাজোৰ ৰক্ষা কৰিবৰ কাৰণে তেওঁ সাংবাদিকৰ পিঠিত উঠিবলৈ প্ৰস্তুত সেয়াই প্ৰমাণ কৰিলে ৷ 

বিধায়ক অখিল গগৈয়ে কয় যে অসম গণ পৰিষদে যেতিয়া ১৯৮৫ চনত চৰকাৰ চলাইছিল তেতিয়া প্ৰথম চৰকাৰ চলোৱাৰ সময়ত গোটেই অসমত এটা ডাঙৰ প্ৰাকৃতিক বিপৰ্যয় আহিছিল ৷ সেইদৰে ডঃ হিমন্ত বিশ্ব শৰ্মইও চৰকাৰ চলোৱাৰ লগে লগে গোটেই অসমত আবতৰত এটা সাংঘাটিক ধৰণৰ প্ৰাকৃতিক বিপৰ্যয় আহিছে ৷ আজি উত্তৰ কাছাৰত এনেকুৱা ধ্বংস লীলা হ'ব পাৰে বুলি কোনেও ভাবিৱ নোৱাৰে ৷ কেতিয়াও বানপানী নহবলগীয়া ঠাইখনেই হৈছে উত্তৰ কাছাৰ ৷ কিন্তু আজি উত্তৰ কাছাৰত এনেকুৱা দুৰ্যোগ হৈছে ৷ আজি ডঃ হিমন্ত বিশ্ব শৰ্মাৰ চৰকাৰ অহাৰ পিচতে অসমত চাৰিওফালে ব্যাপক ৰূপত ধুমুহা হৈছে ,ধেৰেকনি হৈছে, বানপানী হৈছে, গৰাখহনীয়া হৈছে ৷ প্ৰকৃতি যেন ৰুষ্ট হৈছে আৰু সমগ্ৰ অসমখনক ধ্বংস কৰি পেলাব তেনেকুৱা ধৰণৰ এটা পৰিৱেশৰ সৃষ্টি হৈছে ৷ অসম গণ পৰিষদৰ প্ৰথম কাৰ্যকালতো এনেকুৱা পৰিৱেশ হৈছিল ৷ সেয়ে মোৰ এনেকুৱা ভাৱ হৈছে যে প্ৰকৃতি বিৰোধী এই বিজেপি চৰকাৰ ,যিখন চৰকাৰে সঁচাকে জনগণৰ অন্তৰত সোমাবলৈ চেষ্টা কৰা নাই ৷ বৰং সমাজখনক সাম্প্ৰদায়িকভাৱে বিভাজনৰ কাৰণেহে চেষ্টা কৰিছে ৷ হিন্দু - মুছলমান ৰাজনীতিত গোটেই সমাজখনক ডুবাই পেলাব খুজিছে আৰু গোটেই দেশখৰ অৰ্থনীতি, সমাজনীতি সম্পূৰ্ণৰূপে ধ্বংস কৰি পেলাইছে ৷ চ'ছিয়েল ফেব্ৰিকটোক ধ্বংস কৰি পেলাইছে ৷ সেয়ে এই চৰকাৰৰ দিনত যেন আজি প্ৰকৃতিটোও ৰুষ্ট হৈ পৰিছে ৷ আনহাতে বিভিন্ন ঠাইত বালিৰে মথাউৰি নিৰ্মাণ কৰি থকা বুলি ৰাইজে মন্তব্য কৰি দুৰ্নীতি হোৱা বুলি কৰা অভিযোগ সম্পৰ্কত বিধায়ক অখিল গগৈয়ে কয় যে বিজেপি চৰকাৰখনে কৈছিল যে অসমখনক বানমুক্ত কৰিব ৷ সকলোৱে জানে যে বিজেপি দলৰ ২০২১ চনৰ নিৰ্বাচনী ইস্তাহাৰৰ আটাইতকৈ ডাঙৰ সংকল্পটো আছিল বানমুক্ত অসম গঢ়িব ৷ কিন্তু পীযুষ হাজৰিকাৰ জলসম্পদ বিভাগে বানমুক্ত অসম গঢ়িব পাৰিব নে ?  কোনোপধ্যে সম্ভৱ নহয় এই কাৰণে যে তেওঁলোকে আজি বালিৰে মথাউৰি বনাইছে ৷ পীযুষ হাজৰিকাক সকলোৱে জানে সদায়ে এনেকুৱা ধৰণৰ দুস্কাৰ্যবিলাকত লিপ্ত হৈ থাকে ৷ গতিকে তেওঁৰ দিনতনো ক'ত ভাল মথাউৰি বনাব পাৰিব? আমি চাৰিওফালে দেখিব পাৰিছো যে মথাউৰিৰ কাৰণে টকা খৰচ কৰিছে ৷কিন্তু ভাল মথাউৰি হোৱা নাই ৷ বানপানী এতিয়াও অহাই নাই ৷ বানপানী আহিবলৈ এতিয়াও সময় হোৱাই নাই ৷ এতিয়াই চাৰিওফালে অসমত দুৰ্যোগ আৰম্ভ হৈ গ'ল ৷ গতিকে এনেকুৱা পৰিস্থিতিত হিমন্ত বিশ্ব শৰ্মা আৰু পীযুষ হাজৰিকাৰ যুটীয়া উদ্যোগত অসমত যি ধ্বংস লীলা চলিছে, এই ধ্বংস লীলাই অসমক কি পৰ্যায়লৈ লৈ যায় আমি গম পোৱা নাই ৷ অসমৰ চাৰিওফালে মানুহে বৃহৎ নদী বান্ধৰ বিৰুদ্ধে সংগ্ৰাম কৰিছিলো ৷ এতিয়া বিজেপি চৰকাৰ আহি সাম্প্ৰদায়িক ৰাজনীতি কৰি এইবিলাকক ধ্বংস কৰি পেলালে,  আন্দোলনবিলাকক মষিমূৰ কৰি পেলালে ৷ এনেকুৱা পৰিস্থিতিত যদি নদী বান্ধ বন্ধ কৰিব নোৱাৰে তেতিয়াহলে অসম নাবাচে ৷ কুৰিশ্বু বান্ধ বন্ধ নকৰিলেতো নামনি অসম বচাতো কেতিয়াও সম্ভৱ নহয় ৷ ৰঙানদী বান্ধ বন্ধ কৰিব নোৱাৰিলে লক্ষীমপুৰক বচোৱাতো সম্ভৱ নহয় ৷ সেইদৰে নামনি সোৱণশিৰি জলবিদ্যুৎ প্ৰকল্পক যদি বন্ধ কৰিব নোৱাৰো তেতিয়াহলে লক্ষীমপুৰ, ধেমাজি আৰু মাজুলীক বচোৱাতো কেতিয়াও সম্ভৱপৰ নহয় ৷ নদীবান্ধ আমাৰ কাৰণে জল বোমা ৷ সেই জল বোমাৰ পৰা অসমক ৰক্ষা কৰিবৰ কাৰণে বিজেপি চৰকাৰক আমি অসমৰ ৰাজনীতিৰ পৰা বিদায় দিব লাগে ৷ বিজেপিয়ে কেতিয়াও এই কাম হ'বলৈ নিদিয়ে ৷ বিজেপিয়ে সদায় নদীবান্ধ লবীৰ পক্ষত আছে ৷ গতিকে আমি সকলো ৰাইজকে বিজেপি চৰকাৰক এই বানপানীত উটুৱাই দিবলৈ আহ্বান জনালো ৷ 

ইপিনে অৰুণাচলত ভাৰতৰ দ্বিতীয়টো বৃহৎ নদীবান্ধ নিৰ্মাণৰ কথা কেন্দ্ৰীয় চৰকাৰে ঘোষণা কৰা সন্দৰ্ভত বিধায়ক গগৈয়ে কয় যে চিয়াং আৰু দিবাং এই দুটা ভাৰতবৰ্ষৰ ভিতৰতে ডাঙৰ ডাঙৰ প্ৰকল্প ৷ কেৱল ভাৰতবৰ্ষৰ ভিতৰতে নহয় বৰং এছিয়াৰ ভিতৰতে ডাঙৰ আৰু হয়তো পৃথিৱীৰ ভিতৰতে আটাইতকৈ ডাঙৰ নদীবান্ধ বনাব খুজিছে ৷ এই নদীবান্ধে অসম ধ্বংস কৰি পেলাব ৷ গতিকে আমি চিয়াং প্ৰকল্প, দিবাং প্ৰকল্প আৰু প্ৰত্যেকটো বৃহৎ নদীবান্ধ প্ৰকল্প সৰ্বতোপ্ৰকাৰে বিৰোধিতা কৰো আৰু প্ৰত্যেকটো প্ৰকল্প ভাঙি পেলোৱাতো আমি বিচাৰো ৷ আনহাতে কমল মেধিকে ধৰি বিভিন্নজনে ৰাইজৰ দল ত্যাগ কৰা সন্দৰ্ভত সাংবাদিকে প্ৰতিক্ৰিয়া জানিব বিচৰাত সভাপতি অখিল গগৈয়ে কাৰো নাম প্ৰকাশ নকৰি কয় যে আমি কিছুমান মানুহ দলৰ পৰা ওলাই গলে সুখী হওঁ ৷ যিবিলাকে কেৱল লবী ৰাজনীতি কৰে আৰু ৰাইজৰ মাজলৈ যাব নিবিচাৰে তথা কেৱল দুই নম্বৰী ৰাজনীতি কৰি বিজেপি - কংগ্ৰেছৰ ৰাজনীতিটোক আমদানি কৰিব খোজে ৷ গতিকে এনেকুৱা আয়া ৰাম গয়া ৰাম চলি থাকিব আৰু এই বিলাককলৈ ৰাইজৰ দল মুঠেও চিন্তিত নহয় ৷ ৰাইজৰ দল অসমৰ জনগণৰ প্ৰাণত আছো, দুখীয়া মানুহৰ প্ৰাণত আছো, অসমৰ শ্ৰমজীৱি মানুহবিলাকৰ প্ৰাণত আছো ৷ লগতে দেখিবলৈ পাব যে ২০২৬ চনত কেনেকুৱা পৰিৱৰ্তন এটা আনিব পাৰে ৷ কোনো মানুহ ৰাইজৰ দলৰ পৰা ওলাই গলে দলৰ কোনো ক্ষতি নহয় ৷ যদি অখিল গগৈয়ো ওলাই যায় তথাপি ইয়াৰ আদৰ্শ, প্ৰকৃত অৰ্থত যি আঞ্চলিকতাবাদী, জাতীয়তাবাদী আদৰ্শ আজিৰ দিনটোত কেৱল ৰাইজৰ দলৰে আছে আৰু ৰাইজৰ দলেই কেৱল অসমৰ ভৱিষ্যৎ নিৰ্ধাৰণ কৰিব পাৰিব ৷ গতিকে মই নাভাৱো যে ৰাইজৰ দলৰ কোনোবাই ক্ষতি কৰিব পাৰিব ৷ উল্লেখ্য যে ৰাইজৰ দলে প্ৰতিখন জিলা সদৰত জিলা সমিতৰ কৰ্মী সভা অনুষ্ঠিত কৰি আহিছে আৰু তাৰে অংশ হিচাপে যোৱা পৰহিৰ পৰা নামনি অসমৰ যাত্ৰা আৰম্ভ কৰিছে দলটোৰ সভাপতি তথা বিধায়ক অখিল গগৈয়ে ৷ শুকুৰবাৰে তৃতীয় দিনা বঙাইগাঁৱত উপস্থিত হৈ দলটোৰ সভাতিগৰাকীয়ে জিলা সমিতিৰ কৰ্মী সভাত মুখ্য অতিথি হিচাপে উপস্থিত থাকে ৷ দলটোৰ সভাপতিগৰাকীক বাটৰ পৰা দলীয় কৰ্মীসকলে সভাস্থলীত আদৰি আনে ৷ ৰাইজৰ দলৰ বঙাইগাঁও জিলা সমিতিৰ সভাপতি দীপক দাসৰ সভাপতিত্বত অনুষ্ঠিত কৰ্মীসভাত উদ্দেশ্য ব্যাখ্যা কৰে সম্পাদক জীৱন নাথে ৷ সভাত ৰাইজৰ দলৰ সাংগঠনিক সম্পাদিকা মমী চৌধুৰী, মুখপাত্ৰ জ্ঞানশ্ৰী বৰা, যুৱ দলৰ মুখ্য আহ্বায়ক লক্ষ্যজ্যোতি গগৈ, আহ্বায়ক সৌৰৱজ্যোতি বৰা, সুব্ৰত দত্ত আদি উপস্থিত থাকে ৷ সভাত কৰ্মীসকলৰ বিভিন্ন প্ৰশ্নৰ উত্তৰ দিয়াৰ লগতে সভাপতি অখিল গগৈকে ধৰি অন্যান্যসকলে বক্তব্য ৰাখে ৷ শনিবাৰে ধুবুৰীত আৰু তাৰ পিচত বিলাসীপাৰা ,গোৱালপাৰা আদি জিলাত দলীয় কৰ্মীসভাবিলাক অনুষ্ঠিত কৰিব বুলি সভাপতি অখিল গগৈয়ে জানিবলৈ দিয়ে🔯