🔯বিজনীত জুৱাৰ বিৰুদ্ধে অভিযান🔯

 

🔯বিজনীত জুৱাৰ বিৰুদ্ধে অভিযান🔯 

🔯সাংবাদিকৰ কেমেৰা দেখি পলায়ণ জুৱাৰীৰ🔯 

🔯প্ৰশাসনক কেবাবাৰো জনোৱাৰ পিছতো কাণসাৰ নিদিয়াৰ অভিযোগ স্থানীয় লোকৰ🔯

📝বিজনীঃ ২০ মে:চিৰাং জিলাৰ বিজনীৰ ২ নং ছাতিয়ানগুৰীত স্থানীয় ৰাইজৰ সহযোগত হঠাতে জুৱাৰ বিৰুদ্ধে অভিযান সাংবাদিকৰ । বহুদিনৰে পৰা স্থানীয় লোকে উক্ত স্থানত জুৱা খেল চলি থকাৰ খবৰ অৱগত কৰাত আজি বিজনীৰ এটা সাংবাদিকৰ দলে অতৰ্কিতে অভিযান চলাই উচ্ছেদ কৰিবলৈ সক্ষম হয় এটা জুৱাৰ ঘাটি। সাংবাদিকৰ কেমেৰা দেখি পলাই পত্ৰং দিয়ে জুৱাৰী সকল। জুৱাৰী সকলে জুৱাৰ ঘাটিটোত তিনিখন মটৰ চাইকেল, দুখন চাইকেল আৰু তাচপাত এৰি পলায়ন কৰে। 

পিছত ঘটনাস্থলিত বিজনী থানাৰ আৰক্ষী উপস্থিত হৈ দুখন চাইকেল, তাচৰ পাতৰ লগতে এ এছ ২৬ই ৪৭৪১ নম্বৰৰ এখন পালচাৰ, এ এছ ২৬ বি ৩৮২৬ নম্বৰৰ এখন হোণ্ডা স্কুটী , এ এছ ২৬ ডি ৪৭২৩ নম্বৰৰ আন এখন স্কুটী জব্দ কৰি বিজনী থানাত লৈ আহে। জানিব পৰা মতে উক্ত স্থানত প্ৰতিদিনে লাখ লাখ টকাৰ জুৱা খেল হোৱাৰ উপৰিও মদৰ আড্ডা বহে। উক্ত স্থানত কেইবাটাও মদৰ বটলো উদ্ধাৰ কৰা হয়। ঘটনা সন্দৰ্ভত স্থানীয় সচেতন লোকে বিজনী প্ৰশাসনক কেবাবাৰো জনোৱাৰ পিছতো প্ৰশাসনে নীৰৱ ভূমিকা লোৱা বুলি অভিযোগ উত্থাপন কৰে।🔯