🔯বিজনীত এছ এছ বিৰৰ ৫৪ নম্বৰ বেটেলিয়নৰ দশম প্ৰতিষ্ঠা দিৱস🔯

🔯বিজনীত এছ এছ বিৰৰ ৫৪ নম্বৰ বেটেলিয়নৰ  দশম প্ৰতিষ্ঠা দিৱস🔯 

🔯আজাদী কা অমৃত মহোৎসৱৰ লগত সংগতি ৰাখি ৰক্তদান শিবিৰ🔯 

🔯৯০ জন বিষয়া- জোৱানে কৰিলে ৰক্তদান কৰে🔯

📝বিজনীঃ ২২ মে':  সশস্ত্ৰ সীমা বল চমুকৈ এছ এছ বিৰ ৫৪ নম্বৰ বেটেলিয়নৰ দশম প্ৰতিষ্ঠা দিৱস উপলক্ষে দেওবাৰে বেটেলিয়নটোৰ প্ৰতিষ্ঠা দিৱসৰ লগত সংগতি ৰাখি  বিজনী মহকুমাৰ আনন্দ বজাৰস্থিত মুখ্য কাৰ্যালয় চৌহদত আয়োজন কৰা হয় এক ৰক্তদান শিবিৰৰ। দেশৰ স্বাধীনতাৰ ৭৫ বছৰ পূৰ্ণ হোৱা উপলক্ষে কেন্দ্ৰীয় চৰকাৰে পালন কৰি অহা আজাদী কা অমৃত মহোৎসৱৰ লগত সংগতি ৰাখি লগতে বেটেলিয়নটোৰ প্ৰতিষ্ঠা দিৱস উদযাপনৰ হেতু আনন্দ বজাৰস্থিত বেটেলিয়নটোৰ মুখ্য কাৰ্যালয়ত ৰক্তদান শিবিৰটোৰ আয়োজন কৰে। এই শিবিৰত মুখ্য অতিথি ৰূপে উপস্থিত থাকে এছ এছ বিৰ ৫৪ নম্বৰ বেটেলিয়নৰ কমাণ্ডেণ্ট ৰাজেন্দ্ৰ ভদ্বৰাজ ৷ 

তেওঁ এছ এছ বিৰ প্ৰতিষ্ঠা দিৱস উদযাপন উপলক্ষে সমাজৰ হকে নতুন বাৰ্তা হিচাপে ৰক্তদান কাৰ্যসূচী গ্ৰহণ কৰাৰ কথা সদৰি কৰে ৷ লগতে দেশে স্বাধীনতা লাভ কৰাৰ ৭৫ বছৰ পূৰ্ণ হোৱা উপলক্ষে পালন কৰি অহা আজাদী কা অমৃত মহোৎসৱৰ কথা উল্লেখ কৰে ৷ উল্লেখযোগ্য যে, ৫৪ নম্বৰ বেটেলিয়নৰ উদ্যোগত প্ৰতিষ্ঠা দিৱস উপলক্ষে আয়োজন কৰা ৰক্তদান শিবিৰত এছ এছ বিৰ ৯০ গৰাকী বিষয়া আৰু জোৱানে ৰক্তদান কৰে ৷ শিবিৰত সংগ্ৰহ কৰা ৰক্ত সমূহ বৰপেটা জিলা সদৰৰ বৰপেটা ফকৰুদ্দিন আলী আহমেদ চিকিৎসা মহাবিদ্যালয়ৰ ৰক্ত ভাণ্ডাৰত প্ৰদান কৰা হ'ব বুলি বেটেলিয়নটোৰ কমাণ্ডেণ্ট ৰাজেন্দ্ৰ   ভদ্বৰাজে প্ৰকাশ কৰিছে ৷ অনুষ্ঠানটিত বেটেলিয়নৰ দ্বিতীয় কমাণ্ডেণ্ট এছ পি ভদ্বৰাজ, উপ কমাণ্ডেণ্ট মণীষ কুমাৰ সহ বৰপেটা ফকৰুদ্দিন আলী আহমেদ চিকিৎসা মহাবিদ্যালয়ৰ পাঁচজনীয়া চিকিৎসক, চিকিৎসা কৰ্মীৰ দল উপস্থিত থাকে ৷🔯