🔯বিজনীৰ ২ নং দাৰাঙ্গাত পথ দুৰ্ঘটনাত নিহত বাইক আৰোহী🔯

🔯বিজনীৰ ২ নং দাৰাঙ্গাত পথ দুৰ্ঘটনাত নিহত বাইক আৰোহী🔯

 🔯আহত আন এজন যুৱক🔯

📝বিজনীঃ ১০ জুনঃ চিৰাং জিলাৰ বিজনীৰ ২ নং দাৰাঙ্গাত বৃহস্পতিবাৰে নিশা সংঘটিত এক পথ দুৰ্ঘটনা। দুৰ্ঘটনাটোত ২ নং দাৰাঙ্গা নিবাসী হৰেণ দাস(১৭) নামৰ এজন যুৱক নিহত হোৱাৰ লগতে গুৰুতৰ ভাবে আহত হয় ছাৰাগাঁও নিবাসী অক্ষয় দাস নামৰ আন এজন যুৱক। জানিব পৰা মতে নিশা চাৰি বন্ধুৱে AS 19J 2156 নম্বৰৰ এখন টিভিএছ বাইকেৰে তহল দি ঘুৰি ফুৰোতে মানাস ৰাষ্ট্ৰীয় উদ্যানৰ সীমান্ত পথত নিয়ন্ত্ৰণ হেৰুৱাই চাৰি আৰোহীসহ পথৰ দাঁতিত থকা এডাল গছত খুন্দা মাৰে। ফলত গুৰুতৰ ভাব আহত হয় দুই আৰোহী। পাছত লগত থকা দেৱজিৎ দাস নামৰ বন্ধুজনে স্থানীয় লোকৰ সহযোগত ১০৮ ৰে ভেটাগাঁও সামূহিক স্বাস্থ্য কেন্দ্ৰলৈ লৈ যায় যদিও হৰেণ দাসৰ মৃত্যু হোৱা বুলি চিকিৎসকে ঘোষণা কৰাৰ লগতে অক্ষয় দাসক সংকটজনক অৱস্থাত উন্নত চিকিৎসাৰ বাবে বঙাইগাঁৱলৈ প্ৰেৰণ কৰে।ঘটনা সন্দৰ্ভত শুকুৰবাৰে পুৱা বিজনীৰ আৰক্ষী ঘটনাস্থলিত উপস্থিত হৈ মৃতদেহ মৰণোত্তৰ পৰীক্ষাৰ বাবে প্ৰেৰণ কৰাৰ লগতে বাইকখন জব্দ কৰি তদন্ত আৰম্ভ কৰে।🔯