🔯বঙাইগাঁৱত ১৬ জুনত জিলা পৰ্যায়ৰ যোগ প্ৰতিযোগিতা🔯

🔯বঙাইগাঁৱত ১৬ জুনত জিলা পৰ্যায়ৰ যোগ প্ৰতিযোগিতা🔯 

📝বঙাইগাঁওঃ ১৪ জুন: অহা ২১ জুনত "ৰাজ্যিক আয়ুস চ'ছাইটি, অসম"ৰ দ্বাৰা অষ্টম আন্ত:ৰাষ্ট্ৰীয় যোগ দিৱস পালন কৰা হ'ব। ইয়াৰ লগত সংগতি ৰাখি বঙাইগাঁও জিলা স্বাস্থ্য সমিতিয়ে জিলা প্ৰশাসন আৰু বেচৰকাৰী সংস্থা Institute of Yoga & Nutrition Science ৰ সহযোগত বঙাইগাঁওস্থিত যুটীয়া স্বাস্থ্য সেৱা সঞ্চালকৰ কাৰ্যালয়ৰ সমীপৱৰ্তী এ এন এম ট্ৰেইনিং চেন্টাৰত অহা ১৬  জুনৰ পুৱা ৯ বজাৰ পৰা জিলা পৰ্যায়ত যোগ প্ৰতিযোগিতাৰ আয়োজন কৰিছে। এই প্ৰতিযোগিতা চাৰিটা পৰ্যায়ত অনুষ্ঠিত হ'ব ৷ প্ৰথম পৰ্যায়ত ১০ বছৰ বয়সলৈ, দ্বিতীয় পৰ্যায়ত ১০  বছৰৰ ওপৰৰ পৰা ১৮  বছৰ বয়সলৈ, তৃতীয় পৰ্যায়ত ১৮ বছৰ বয়সৰ ওপৰৰ পৰা ৩৫বছৰ বয়সলৈ আৰু চতুৰ্থ পৰ্যায়ত ৩৫ বছৰ বয়সৰ ওপৰৰ লোকৰ মাজত যোগ প্ৰতিযোগিতা অনুষ্ঠিত হ'ব। ব্যক্তি সাপেক্ষ(Individual) হ'ব চাৰিওটা পৰ্যায়ৰ যোগ প্ৰতিযোগিতা। উল্লেখ্য  যে যোগ প্ৰতিযোগিতাত অংশগ্ৰহণ কৰা সকলো  প্ৰতিযোগীকে একোখন প্ৰমাণ পত্ৰ প্ৰদান কৰা হ'ব।🔯