🔯ড্ৰাগছৰ বিৰুদ্ধে বঙাইগাঁও আৰক্ষীৰ অভিযান🔯

🔯ড্ৰাগছৰ বিৰুদ্ধে বঙাইগাঁও আৰক্ষীৰ অভিযান🔯

🔯হেৰ'ইনসহ দুজনক আটক🔯

📝বঙাইগাঁওঃ ১৫ জুনঃ বঙাইগাঁও সদৰ থানাৰ অন্তৰ্গত ৰাখালডুবিত মঙলবাৰৰ নিশা বঙাইগাঁও আৰক্ষীয়ে অভিযান চলাই দুজন ড্ৰাগছ ব্যৱসায়ীক আটক কৰিবলৈ সক্ষম হয় ৷ আটকাধীন যুৱকদ্বয় ক্ৰমে বঙাইগাঁও সদৰ থানাৰ অন্তৰ্গত ডাউকীঝাৰৰ মকছেদ আলী আৰু ৰবিয়াল হুছেইন বুলি আৰক্ষী সূত্ৰে প্ৰকাশ কৰিছে ৷ বঙাইগাঁও আৰক্ষীয়ে সদৰি কৰা মতে সন্ধিয়াৰভাগত এক গোপন সূত্ৰে লাভ কৰা খবৰৰ ভিত্তিত ড্ৰাগছ ব্যৱসায়ীক কৰায়ত্ত কৰাৰ বাবে ৰাখালডুবি তিনি আলিত আৰক্ষীৰ এটা দলে খাপ পিটি থাকে ৷ 

পিচত জিলাখনৰ অভয়াপুৰীৰ দিশৰ পৰা এ এছ ১৯ কিউ ৪০১৭ নম্বৰৰ এখন মটৰ চাইকেলত অহা দুজন যুৱকৰ ওপৰত আৰক্ষীৰ সন্দেহ ওপজাত ৰখাই তালাচী চলোৱাত চাবোনৰ বাকচৰ ভিতৰত  কঢ়িয়াই অনা অৱস্থাত হেৰ'ইন উদ্ধাৰ কৰে ৷ পিচত আৰক্ষীয়ে যুৱক দুজনক আটক কৰি থানালৈ আনে ৷ উদ্ধাৰ কৰা হেৰ'ইনখিনিৰ পৰিমাণ ১৫.৩০ গ্ৰাম হ'ব ৷  আৰক্ষীয় ধৃত ড্ৰাগছ ব্যৱসায়ীদ্বয়ে ব্যৱহাৰ কৰা মটৰ চাইকেলখনৰ লগতে দুটা মোবাইল ফোন, ড্ৰাইভিং লাইচেঞ্চ, এটিএম কাৰ্ড পান কাৰ্ড আদিও জব্দ কৰে ৷ ধৃত ব্যৱসায়ীদ্বযে ড্ৰাগছখিনি বৰপেটাৰ পৰা ক্ৰয় কৰা বুলি আৰক্ষীৰ আগত প্ৰকাশ কৰিছে ৷