🔯বঙাইগাঁও জিলা বিজেপিৰ ক'লা দিৱস পালন🔯

🔯বঙাইগাঁও জিলা বিজেপিৰ ক'লা দিৱস পালন🔯

📝বঙাইগাঁওঃ ২৫ জুনঃ বঙাইগাঁও জিলা বিজেপিয়ে আজি জিলা কাৰ্যালয়ত ক'লা দিৱস পালন কৰে ৷ ১৯৭৫ চনৰ ২৫ জুনত তদানীন্তন প্ৰধানমন্ত্ৰী ইন্দিৰা গান্ধী নেতৃত্বাধীন কংগ্ৰেছ চৰকাৰে অসাংবিধানিকভাৱে ঘোষণা কৰা জৰুৰীকালীন অৱস্থাক কলংকিত অধ্যায় হিচাপে আখ্যা দি বিজেপিয়ে এই দিনটোক ক'লা দিৱস হিচাপে পালন কৰি আহিছে ৷ এই উপলক্ষে জিলা বিজেপিৰ সভানেত্ৰী হিমানী অধিকাৰীৰ সভাপতিত্বত অনুষ্ঠিত সভাত নিজৰ বক্তব্যত জিলা সভানেত্ৰীগৰাকীয়ে কয় যে ১৯৭৫ চনৰ ২৫ জুনৰ মাজ নিশা তদানীন্তন কংগ্ৰেছ চৰকাৰৰ প্ৰধান মন্ত্ৰী ইন্দিৰা গান্ধীয়ে স্বেচ্ছাচাৰী মনোভাৱেৰে ভাৰতবৰ্ষত জৰুৰীকালীন অৱস্থা ঘোষণা কৰি দেশৰ জনতাৰ মৌলিক অধিকাৰ খৰ্ব কৰাৰ লগতে সংবাদ মাধ্যমৰ ওপৰতো আঘাত হানি গণতন্ত্ৰক হত্যা কৰিছিল। যি স্বাধীন ভাৰতবৰ্ষতৰ ইতিহাসত এক কলংকিত অধ্যায় হিচাপে চিহ্নিত হৈ ৰব । সেয়ে এই দিনটোক ক'লা দিৱস হিচাপে বিজেপিয়ে পালন কৰি আহিছে বুলি কয় ৷ সভাত প্ৰাক্তন সভাপতি তথা ৰাজ্যিক কাৰ্যনিৰ্বাহক সদস্য সুকেন ৰায় আদিকে ধৰি কেইবাজনেও বক্তব্য ৰাখে ৷

সভাত প্ৰাক্তন সভাপতি গোপেশ্বৰ তালুকদাৰ , জ্যেষ্ঠ বিজেপি নেতা বিপুলানন্দ শৰ্মা , উপ সভাপতি কৌস্তভ দাস , সম্পাদক দেৱব্ৰত শীল ,বিনোদ শৰ্মা , জিলা সমিতিৰ বিষয় ববীয়া , মণ্ডল সভাপতি- সভানেত্ৰীসকল , পঞ্চায়ত প্ৰতিনিধিসকল ,  বিভিন্ন কোষৰ আহবায়কসকল আৰু  কাৰ্যকৰ্তা সকল উপস্থিত থাকে । আনহাতে সভাৰ শেষত জিলা সমিতিৰ বিষয়ববীয়াসকলৰ এখন গুৰুত্বপূৰ্ণ বৈঠক অনুষ্ঠিত হয় ৷ এই বৈঠকত কাৰ্যালয়ৰ আচ-বাবৰ বাবদ সিংহী এণ্টাৰপ্ৰাইজৰ গৰাকী দীপক সিংহী নামৰ ব্যৱসায়ীজনে পাব লগীয়া সমূদায় ধন জিলা সমিতিৰ নেতৃত্বৰ উপস্থিতিত ব্যৱসায়ীজনক  আদায় দিয়া হয় । উল্লেখ্য যে দীপক সিংহী নামৰ ব্যৱসায়ীজনে জিলা বিজেপি কাৰ্যালয়ত বিভিন্ন আচ-বাব যোগান ধৰাৰ বাবদ ধন আদায় নোপোৱা বুলি অভিযোগ কৰি আহিছিল ৷ বিজেপি দলৰ সৈতে জড়িত ব্যৱসায়ীজনে বিষয়টো দলৰ মজিয়াত আলোচনা কৰি সমাধান কৰাৰ সলনি ৰাজহুৱা কৰাৰ পিচত দলৰ ভিতৰচ'ৰাত প্ৰতিক্ৰিয়াৰ সৃষ্টি হৈছিল ৷ অৱশেষত ব্যৱসায়ীজনে পাবলগীয়া সমূদায় ধন শনিবাৰে ব্যৱসায়ীজনক আদায় দিয়ে জিলা সমিতিয়ে ৷ জিলা বিজেপিৰ নেতৃত্বৰ অভিযোগ ব্যৱসায়ীজনক কিছু ধন দিয়া হৈছিল যদিও ব্যৱসায়ীজনে দিয়া মূল্য পত্ৰত উল্লেখ কৰা নাছিল ৷ 🔯