🔯বঙাইগাঁৱৰ ৰাখালডুবিত পথ দুৰ্ঘটনা🔯

🔯বঙাইগাঁৱৰ ৰাখালডুবিত পথ দুৰ্ঘটনা🔯

🔯গুৰুতৰভাৱে আহত মটৰ চাইকেল আৰোহী🔯

📝বঙাইগাঁওঃ ২৫ জুনঃ বঙাইগাঁও সদৰ থানাৰ অন্তৰ্গত ৰাখালডুবিত শনিবাৰে আবেলিৰ ভাগত সংঘটিত এক পথ দুৰ্ঘটনাত এজন মটৰ চাইকেল আৰোহী গুৰুতৰভাৱে আহত হয় ৷ গুৰুতৰভাৱে আহত ব্যক্তিজন পংকজ কুমাৰ শৰ্মা ৷  জানিব পৰা মতে আবেলি ৩ঃ৪৫ মান সংঘটিত হয় দুৰ্ঘটনাটো ৷ উত্তৰ শালমাৰাৰ দিশৰ পৰা বিজনী অভিমুখে গৈ থকা এ এছ ১৭ বি ৩৯০৬ নম্বৰৰ ট্ৰাকখনে বিজনীৰ দিশৰ পৰা আহি থকা এ এছ ১৩ কে ৬০৪১ নম্বৰৰ মটৰ চাইকেলখনক সন্মুখৰ পৰা খুন্দিওৱাত মটৰ চাইকেল আৰোহীজন গুৰুতৰভাৱে আহত হয় ৷দুৰ্ঘটনাটোত মটৰ চাইকেলখন বিধ্বস্ত হৈ পৰে ৷ দুৰ্ঘটনাটো সংঘটিত হোৱাৰ পিচতে স্থানীয় লোক উত্তেজিত হৈ পৰে আৰু ট্ৰাকৰ চালকক ধৰি উত্তম মাধ্যম শোধায় ৷ ইপিনে দুৰ্ঘটনাৰ খবৰ পাই ঘটনাস্থলীত যান বাহন শাখাৰ আৰক্ষী উপস্থিত হৈ গুৰুতৰভাৱে আহত লোকজনক উদ্ধাৰ কৰি বঙাইগাঁৱৰ এখন ব্যক্তিগত চিকিৎসালয়ত চিকিৎসাৰ বাবে প্ৰেৰণ কৰাৰ লগতে দুৰ্ঘটা সংঘটিত কৰা ট্ৰাকখনৰ লগতে বিধ্বস্ত মটৰ চাইকেলখন উদ্ধাৰ কৰি থানালৈ আনে ৷ অৱশ্যে ট্ৰাকৰ চালক ঘটনাস্থলীত নাছিল বুলিও জানিব দিয়ে ৷ গুৰুতৰভাৱে আহত পংকজ কুমাৰ প্ৰকৃত ঘৰ দৰং জিলাত যদিও কামৰ সূত্ৰে বঙাইগাঁৱত থাকে বুলি আৰক্ষীয়ে দানিবলৈ দিছে ৷🔯