🔯কেন্দ্ৰীয় চৰকাৰৰ অষ্টম বৰ্ষপূৰ্তি উপলক্ষে বঙাইগাঁও জিলা বিজেপিৰ সংবাদ মেল🔯

🔯কেন্দ্ৰীয় চৰকাৰৰ অষ্টম বৰ্ষ পুৰ্তি  উপলক্ষে বঙাইগাঁও জিলা বিজেপিৰ  সংবাদ  মেল🔯

🔯জনসাধাৰণৰ ওচৰলৈ গৈ দলৰ কাৰ্যকৰ্তাই কৰিব মত বিনিময়🔯

📝বঙাইগাঁওঃ ৩ জুন: প্ৰধানমন্ত্ৰী নৰেন্দ্ৰ মোদী নেতৃত্বাধীন কেন্দ্ৰীয় চৰকাৰৰ অষ্টম বৰ্ষপূৰ্তি উপলক্ষে শুকুৰবাৰে ভাৰতীয় জনতা পাৰ্টিৰ বঙাইগাঁও জিলা কাৰ্যালয়ত এখন সংবাদ মেলৰ আয়োজন কৰে । ভাৰতীয় জনতা পাৰ্টিৰ বঙাইগাঁও জিলা সমিতিৰ সভানেত্ৰী হিমানী অধিকাৰীয়ে আঁঁত ধৰা সংবাদ মেলত জিলা প্ৰভাৰী ব্ৰজ কুমাৰ দাসে নৰেন্দ্ৰ মোদী নেতৃত্বাধীন কেন্দ্ৰৰ বিজেপি চৰকাৰখনে আঠ বছৰীয়া কাৰ্যকালত দেশৰ গৰীব পৰিয়ালৰ বাবে ৰূপায়ণ কৰা বিভিন্ন আঁচনিৰ লগতে দেশৰ আন্তঃগাঁথনি, অৰ্থনৈতিক সংস্কাৰ , মহিলা সৱলীকৰণ,  যুৱ সৱলীকৰণ আদিৰ বাবে গ্ৰহণ কৰা উন্নয়নমূলক আঁচনিসমূহৰ সফলতাৰ বিষয়ে ব্যখ্যা কৰে ৷ জিলা প্ৰভাৰীগৰাকীয়ে বৰ্তমান দেশৰ স্বাধীনতাৰ ৭৫ বছৰ সম্পূৰ্ণ হোৱা উপলক্ষে দেশজুৰি উদযাপিত হৈ থকা আজাদী কা অমৃত মহোৎসৱৰ লগত সংগতি ৰাখি দলে এক জুনৰ পৰা ১৪ জুনলৈ এক ৭৫ ঘণ্টীয়া কাৰ্যসূচী গ্ৰহণ কৰাৰ কথা উল্লেখ কৰে ৷ এই কাৰ্যসূচীৰ অধীনত দলৰ প্ৰতিজন কাৰ্যকৰ্তাই দলীয় কামত  তথা ৰাইজৰ হিতাৰ্থে ৭৫ ঘণ্টা সময় আত্মনিয়োগ কৰিব লাগিব ৷ মূলত এই সময়চোৱাত কাৰ্যকৰ্তাসকলে জনসাধাৰণৰ ওচৰলৈ গৈ কেন্দ্ৰীয় আৰু ৰাজ্য চৰকাৰৰ পৰা লাভ কৰা বিভিন্ন আঁচনিসমূহৰ দ্বাৰা কিদৰে উপকৃত হৈছে, কি কি আঁচনিৰ সুবিধা পাইছে আৰু কিবা আঁচনি পাবলগীয়া আছে নে বা আঁচনিৰ সুবিধা গ্ৰহণৰ ক্ষেত্ৰত কিবা অসুবিধা পাইছে নেকি আদি দিশবোৰ সম্পৰ্কত প্ৰত্যক্ষভাৱে জনসাধাৰণৰ লগত মত বিনিময় কৰিব ৷ জিলা প্ৰভাৰী দাসে কয় যে দেশৰ আন্তঃগাঁথনিৰ উন্নয়নৰ ক্ষেত্ৰত অসমতো যথেষ্ট কাম হৈছে ৷ বিশেষকৈ দ্বৈত ৰে'ল পথ, ৰে'ল পথৰ বৈদ্যুতিকৰণ আদিৰ কাম হৈছে ৷ লগতে ৰাষ্ট্ৰীয় ঘাইপথৰ কাম চলি আছে ৷ সেইদৰে স্বাস্থ্য খণ্ডৰ উন্নয়ৰ বাবে চৈধ্যখনকৈ চিকিৎসা মহাবিদ্যালয় স্থাপনৰ ব্যৱস্থা গ্ৰহণ কৰা হৈছে ৷ 

সেইদৰে ৰাজ্য চৰকাৰে টাটা ন্যাসৰ যৌথ উদ্যোগত ৬ খন কৰ্কট চিকিৎসালয় মুকলি কৰা হৈছে আৰু ৭ খনৰ কাম চলি আছে ৷ ৰাজ্যখনত স্বাস্থ্যখণ্ডত আমূল পৰিৱৰ্তন হোৱা বুলিও কয় ৷ সংবাদ মেলত তেওঁ প্ৰধানমন্ত্ৰী 'অন্ত্যোদয় আঁচনিৰ কথা উল্লেখ কৰি কয় যে এই আঁচনিৰ অধীনত সমগ্ৰ দেশত বৰ্তমানলৈকে ৮০ কোটি গৰীৱ লোকক বিনামূলীয়া চাউল যোগান ধৰা হৈছে ৷ একেদৰে প্ৰধানমন্ত্ৰী আৱাজ যোজনা ( চহৰাঞ্চল) ৰ অধীনত ১.২২ কোটি আৰু গ্ৰামাঞ্চলত ২.৩ কোটি গৃহ নিৰ্মাণৰ কাম আৰম্ভ হৈছে ৷ স্বচ্ছ ভাৰত অভিযানৰ অধীনত ১১.২২ কোটি শৌচালয় নিৰ্মাণৰ কাম সম্পূৰ্ণ কৰা হৈছে ৷ জল জীৱন মিচনৰ অধীনত ৬.২ কোটি আৱাসগৃহলৈ যোৱা তিনি বছৰত পাইপেৰে বিশুদ্ধ খোৱাপানীৰ যোগান ধৰা হৈছে ৷ প্ৰধানমন্ত্ৰী স্ব- নিধি যোজনাৰ অধীনত ২৯. লাখ পদ পথ ব্যৱসায়িক ঋণ বিতৰণ কৰা হৈছে ৷ জিলা প্ৰভাৰী ব্ৰজ কুমাৰ দাসে সংবাদ মেলত আয়ুস্মান ভাৰত অভিযান, কৃষকসকলৰ স্বাৱলম্বীতাৰ বাবে গ্ৰহণ কৰা প্ৰধানমন্ত্ৰী কৃষক সন্মান নিধি, প্ৰধামন্ত্ৰী ফচল বীমা যোজনা,  যুৱ নেতৃত্বৰ বিকাশৰ বাবে গ্ৰহণ কৰা বিভিন্ন আঁচনি, নাৰী সৱলীকৰণৰ বাবে গ্ৰহণ কৰা আঁচনি, আন্তঃগাঁথনি উন্নয়ন, অৰ্থনৈতিক সংস্কাৰ, তথ্য প্ৰযুক্তি, উত্তৰ পূৰ্বাঞ্চলৰ বিকাশৰ বাবে গ্ৰহণ কৰা কেন্দ্ৰীয় চৰকাৰৰ আঁচনিৰ বিষয়েও উল্লেখ কৰে ৷ জিলা প্ৰভাৰীগৰাকীয়ে সংবাদ মেলত অৰুণোদয় আঁচনিৰ অধীনত বঙাইগাঁও জিলাৰ ৪৮ হাজাৰ হিতাধিকাৰীয়ে সুবিধা লাভ কৰিছে ৷ স্বয়ম আঁচনিৰ অধীনত জিলাখনৰ ৮০০ হিতাধিকাৰীয়ে সুবিধা লাভ কৰিছে বুলিও উল্লেখ কৰে ৷ সংবাদ মেলত  জিলা সমিতিৰ উপ সভাপতি  কৌস্তভ দাস , সাধাৰণ সম্পাদক শংকৰ বিশ্বাস  আৰু জ্যোতিৰ্ময় সৰকাৰ , সংবাদ কোষৰ আহবায়ক চন্দন কুমাৰ মেধি, সামাজিক মাধ্যমৰ আহবায়ক সুব্ৰত মণ্ডল আদি উপস্থিত থাকে ৷ সংবাদ মেলৰ পিচতে দলৰ এখন গুৰুত্বপূৰ্ণ সভা অনুষ্ঠিত হয়🔯