🔯চিৰাঙত জিলা পৰ্য্যায়ৰ যোগাসন প্ৰতিযোগিতা🔯

🔯চিৰাঙত জিলা পৰ্য্যায়ৰ যোগাসন প্ৰতিযোগিতা🔯

📝কাজলগাঁওঃ ১৪ জুনঃ আন্ত:ৰাষ্ট্ৰীয় যোগ দিৱসৰ লগত সংগতি ৰাখি ৰাজ্য চৰকাৰৰ আয়ুস সঞ্চালকালয়ৰ নিৰ্দেশ মৰ্মে চিৰাং জিলা প্ৰশাসনৰ উদ্যোগত আৰু যোগ আৰু পুষ্টি বিজ্ঞান প্ৰতিষ্ঠান (এন জি অ) কোকৰাঝাৰৰ সহযোগত সোমবাৰে চিৰাং জিলা পেৰেড গ্ৰাউণ্ডত জিলা ভিত্তিত এক যোগাসন প্ৰতিযোগিতা অনুষ্ঠিত হয়। এই প্ৰতিযোগিতা আনুষ্ঠানিকভাৱে উদ্বোধন কৰে চিৰাং জিলাৰ অতিৰিক্ত উপায়ুক্ত অজিত কুমাৰ শৰ্মাই। উদ্বোধনী ভাষণত শৰ্মাই সকলো প্ৰতিযোগীক আদৰণি জনাই ৰাজ্যিক পৰ্যায়ৰ প্ৰতিযোগিতাত নিৰ্বাচিত হ’বলৈ সকলোকে এই প্ৰতিযোগিতাখনত ভাল প্ৰদৰ্শন কৰিবলৈ আহ্বান জনায় যাতে তেওঁলোকে ৰাজ্যিক পৰ্যায়ৰ প্ৰতিযোগিতাত জয়ী হৈ জিলাখনলৈ সুনাম কঢ়িয়াই আনিব পাৰে। 

প্ৰতিযোগিতাত উপস্থিত থাকি জিলাৰ নিৰ্বাচন বিষয়া তথা জিলাৰ আয়ুসৰ নডেল বিষয়া পাৰ্থ প্ৰতিম বৰুৱাই জনাই যে জিলাত স্থান লাভ কৰা প্ৰতিযোগীসকলে ৰাজ্যিক ভিত্তিত অনুষ্ঠিত হ'ব লগা যোগাসন প্ৰতিযোগিতাত অংশ গ্ৰহণ কৰিব পাৰিব। এই যোগাসন প্ৰতিযোগিতাক পৰ্য্যবেক্ষণ কৰে ড৹ ৰাজু দাস আৰু যোগ আৰু পুষ্টি বিজ্ঞান প্ৰতিষ্ঠান ৰ সমন্বয়ক ৰাহুল নাৰ্জাৰীয়ে। নাৰ্জাৰীয়ে সকলো শ্ৰেণীৰ লোকক যোগৰ লগত সংযুক্ত হৈ সুস্থ থাকিবলৈ আহ্বান জনায়🔯