🔯বঙাইগাঁৱত এনডিএফবিৰ নামত শিক্ষকক ২০ লাখ টকা দাবী🔯

🔯বঙাইগাঁৱত এনডিএফবিৰ নামত  শিক্ষকক ২০ লাখ টকা দাবী🔯

🔯আৰক্ষীৰ জালত দুই যুৱক🔯 

📝বঙাইগাঁওঃ১৩ জুনঃ বঙাইগাঁৱত এনডিএফবি ৰ নামত শিক্ষক এজনক ধনদাবী কৰি আৰক্ষীৰ জালত পৰিল দুই যুৱক ৷ আৰক্ষীয়ে কৰায়ত্ত কৰা যুৱকদ্বয় হৈছে বঙাইগাঁও চহৰৰ শালবাৰীৰ অভিজিৎ সৰকাৰ ( ২২ ) আৰু মিন্টু ৰায় ( ২২) ৷ পিচত আৰক্ষীয়ে সন্ধিয়াৰ ভাগত এখন সংবাদ মেলৰ আয়োজন কৰি এই ঘটনাৰ সবিশেষ অৱগত কৰে ৷ সংবাদ মেলত  বঙাইগাঁও জিলাৰ অতিৰিক্ত আৰক্ষী অধীক্ষক লুণা সোনোৱালে জনোৱা মতে এই যুৱকদ্বয়ে শালবাৰী অঞ্চলৰে এজন শিক্ষকক যোৱা ৭ জুনত ফোন যোগে নিজকে এনডিএফবি বুলি পৰিচয় প্ৰদান কৰি ২০ লাখ টকা ধন দাবী কৰে ৷ ইয়াৰ পিছত যোৱা ১০ জুনত পুনৰ ধন দাবী কৰে যুৱদ্বয়ে ৷ যোৱা নিশাও যুৱকদ্বয়ে শিক্ষক জনক ধন দাবী কৰি ফোন কৰে ৷ ইয়াৰ পিছতে শিক্ষকজনে আজি পুৱা সমগ্ৰ ঘটনাটো আৰক্ষীক অৱগত কৰাত আৰক্ষীয়ে ধন দাবী কৰা দুৰ্বৃত্তক কৰায়ত্ত কৰাৰ বাবে উঠি পৰি লাগে ৷ 

পিচত আৰক্ষীয়ে সফলতা লাভ কৰে আৰু ধন দাবী কৰা যুৱকদ্বয়ক কৰায়ত্ত কৰে ৷ অতিৰিক্ত আৰক্ষী অধীক্ষকগৰাকীয়ে সংবাদ মেলত সদৰি কৰা মতে প্ৰথমে শিক্ষকজনক ২০ লাখ টকা দাবী কৰিছিল যদিও পিচলৈ  কমি এই ধনৰ পৰিমান ১০ লাখ টকা হৈছিল ৷ ধৃত যুৱকদ্বয় কোনো সংগঠনক প্ৰতিনিধিত্ব নকৰে বুলি কৈ এনডিএফৰ নাম ব্যৱহাৰ কৰি ধন দাবী কৰা বুলি আৰক্ষীৰ আগত ধৃত যুৱকদ্বয়ে স্বীকাৰ কৰা বুলি জনায় ৷ আৰক্ষীয়ে বৰ্তমান ধৃত যুৱকদ্বয়ক বঙাইগাঁও সদৰ থানাত জেৰা অব্যাহত ৰাখিছে ৷🔯