🔯চিৰাঙত সুকলমে গুণোৎসৱৰ সামৰণি🔯

🔯চিৰাঙত সুকলমে গুণোৎসৱৰ সামৰণি🔯

📝বঙাইগাঁওঃ ৪ জুনঃ চিৰাং জিলাত আত্মমূল্যায়ন আৰু বাহ্যিক মূল্যায়নৰ সৈতে ২০২২ চনৰ ১ জুনৰ পৰা ৪ জুনলৈ চাৰিদিন ধৰি অনুষ্ঠিত হোৱা তৃতীয় পৰ্যায়ৰ গুণোৎসৱ-২০২২ শনিবাৰে সুকলমে সামৰণি পৰে। গুণোৎসৱৰ এই পৰ্যায়ত ৯১২খন বিদ্যালয়ত ৮৮ শতাংশৰে প্ৰথম শ্ৰেণীৰ পৰা নৱম শ্ৰেণীলৈ পঢ়া মুঠ ৭১,৯৬৬ গৰাকী লক্ষ্য নিৰ্ধাৰণ কৰা ছাত্ৰ-ছাত্ৰীৰ ভিতৰত মুঠ ৬৩,১৭১ গৰাকী ছাত্ৰ-ছাত্ৰীৰ মূল্যায়ন কৰা হয়। চিৰাঙৰ উপাযুক্ত নৰেন্দ্ৰ কুমাৰ শ্বাহে জিলাখনত গুণোৎসৱ-২০২২ সুচাৰুৰূপে সম্পূৰ্ণ হোৱাত কৃতজ্ঞতা আৰু সন্তুষ্টি প্ৰকাশ কৰে। তেওঁ ৰাজ্য চৰকাৰৰ সকলো জ্যেষ্ঠ বিষয়াৰ লগতে চুবুৰীয়া জিলা সমূহৰ বিষয়াসকলৰ প্ৰতি আন্তৰিক কৃতজ্ঞতা জ্ঞাপন কৰে ৷ তেওঁ যিসকলে জিলাখন পৰিদৰ্শন কৰি ছাত্ৰ-ছাত্ৰী আৰু বিদ্যালয়সমূহৰ কৰ্মক্ষমতাৰ মূল্যায়ন কৰা জিলা প্ৰশাসনৰ বিষয়ববীয়াসকলক, বিভিন্ন বিভাগৰ বিষয়ববীয়াসকলক আৰু বিশেষকৈ জিলা শিক্ষা বিভাগৰ বিষয়া আৰু কৰ্মচাৰী সকলক কৃতজ্ঞতা জনায়। 

উল্লেখ্য যে ৰাজ্য চৰকাৰে নিযুক্তি দিয়া তিনিজন বাহ্যিক মূল্যায়ক যথাক্ৰমে বিশেষ পিচিচিএফ (এছএফ) অনিনিদ্য স্বৰ্গাৱাৰী, এআইজিপি কৃষ্ণ দাস আৰু এআইজিপি সৰ্মিষ্ঠা বৰুৱাকে ধৰি মুঠ ৪২২ জন বাহ্যিক মূল্যায়নকাৰীয়ে  জিলাখনত বাহ্যিক মূল্যায়ন কৰিছিল। এই গুণোৎসবৰ সময়ত প্ৰথম দিনাৰ পৰাই জিলা প্ৰশাসনৰ উচ্চপদস্থ বিষয়া আৰু শিক্ষা বিভাগৰ বিষয়াসকলৰ সৈতে উপায়ুক্ত নৰেন্দ্ৰ কুমাৰ শ্বাহে সমগ্ৰ প্ৰক্ৰিয়াটো তীক্ষ্ণ নিৰীক্ষণ কৰিছিল। শেষৰ দিনাও উপাযুক্ত নৰেন্দ্ৰ কুমাৰ শ্বাহ আৰু বিজনী মহকুমাৰ মহকুমাধিপতি ৰাহুল গুপ্তাই বিজনী বন্ধৱ উচ্চতৰ মাধ্যমিক বিদ্যালয় পৰিদৰ্শন কৰি বিদ্যালয়খনত চলি থকা বাহ্যিক মূল্যায়নৰ বুজ লয়।  তেওঁলোকে ছাত্ৰ-ছাত্ৰীৰ পঢ়া, লিখা আৰু গাণিতিক দক্ষতা, বিদ্যালয়ৰ আন্তঃগাঁথনি, সম্প্ৰদায়ৰ অংশগ্ৰহণ, পুথিভঁৰাল, বিজ্ঞান পৰীক্ষাগাৰ, শৌচাগাৰ আৰু মধ্যাহ্ন ভোজনৰ ৰূপায়ণৰ ক্ষেত্ৰত মূল্যায়ন কৰাৰ লগতে বিশ্ব পৰিবেশ দিৱস উপলক্ষে বিদ্যালয় চৌহদৰ চৌহদতো গছপুলি ৰোপণ কৰে।🔯