🔯অতুল পৌৰাণিক আয়ুর্বেদিক চিকিৎসা কেন্দ্রৰ সফলতা🔯

🔯অতুল পৌৰাণিক আয়ুর্বেদিক চিকিৎসা কেন্দ্রৰ সফলতা🔯

🔯বনৌষধিৰ দ্বাৰা কেন্সাৰ ৰোগৰ চিকিৎসাত ব্ৰত হেকিম ডা: অতুল মণ্ডল🔯

📝বঙাইগাঁওঃ ৪ জুনঃ যি সময়ত ৰাজ্যত দুৰাৰোগ্য কেন্সাৰ ৰোগৰ চিকিৎসাৰ বাবে ৰাজ্য চৰকাৰে টাটা ন্যাসৰ যৌথ উদ্যোগত কেন্সাৰ হাস্পতাল মুকলি কৰি আধুনিক চিকিৎসা পদ্ধতিক সহজ - সুলভ কৰিব বিচাৰিছে, সেই সময়তে পৌৰাণিক আয়ুর্বেদিক চিকিৎসা পদ্ধতি অৱলম্বন কৰি বনৌষধিৰ পৰা নিজ হাতেৰে তৈয়াৰ কৰা 'অতুল শক্তি চূূৰ্ণ', 'ৰসময়ী সালসা' , 'অভিজিৎ বটিকা' আৰু 'পিংকি বটিকা' দৰবৰ দ্বাৰা কেন্সাৰ ৰোগৰ চিকিৎসা কৰি ৰোগীক সুস্থ কৰি তোলাৰ দাবী কৰিছে হেকিম ডা: অতুল মণ্ডলে৷ বৃহত্তৰ বঙাইগাঁও প্ৰেছ ক্লাবত শনিবাৰে আয়োজিত এক সংবাদ মেলত বঙাইগাঁও-চিৰাঙৰ সীমামূৰীয়া তথা বঙাইগাঁও শোধনাগাৰ ৫ নম্বৰ গেটৰ সমীপৰ কুকুৰমাৰীত থাকি ৰোগীক চিকিৎসা সেৱা আগবঢ়াই থকা মালদাৰ হেকিম ডা: অতুল মণ্ডলে দাবী কৰা মতে অস্ত্ৰোপচাৰ নকৰা কেমোথেৰাপি আৰু ৰেডিয়েচন নিদিয়া ৰোগীৰ ক্ষেত্ৰত তেওঁৰ এই ঔষধে সাত দিনতে আৰোগ্যৰ প্ৰমাণ পায় আৰু দুমাহতে সম্পূৰ্ণৰূপে আৰোগ্য লাভ কৰে৷ উল্লেখ্য  যে বাৰ-তেৰ বছৰৰ আগতে আৰোগ্য হোৱা ৰোগী, সুস্থ,সবল হৈ এতিয়াও বাচি থকাৰ উদাহৰণ আছে বুলিও তেওঁ প্ৰকাশ কৰে। ইপিনে কেমোথেৰাপি আৰু ৰেডিয়েচন লোৱা ৰোগীৰ ক্ষেত্ৰত সুস্থ হ’বলৈ কিছু দীঘলীয়া সময়ৰ প্ৰয়োজন হয় বুলি কয় ৷ কেমোথেৰাপি আৰু ৰেডিয়েচন লোৱাৰ পিছতো সুস্থ নোহোৱা, খাদ্য খাব আৰু গিলিব নোৱাৰা, কথা ক'ব নোৱাৰা, নাকেৰে পাইপ সুমুৱাই চিকিৎসালয়ৰ পৰা মুকলি কৰি দিয়া মৃত্যুমুখী ৰোগীৰ ক্ষেত্ৰতো নাকৰ পাইপৰ দ্বাৰাই তেঁৱৰ ঔষধ সেৱন কৰাই ৰোগী সুস্থ হোৱা তথা, খাদ্য খাব পৰা হৈ কথা ক'ব পৰা হোৱা ৰোগী এতিয়াও বাচি থকা উদাহৰণ আছে বুলিও প্ৰকাশ কৰে। তেওঁ লগতে কয় যে এই ঔষধে কেমোথেৰাপি আৰু ৰেডিয়েচনৰ পাৰ্শ্বক্ৰিয়া উপশম কৰি ৰোগীৰ ৰোগ প্ৰতিৰোধ ক্ষমতা বঢ়াই তোলে । ইতিমধ্যে অসম, পশ্চিমবংগ, বিহাৰ, ঝাৰখণ্ড আদিৰ এশৰো অধিক কেন্সাৰ ৰোগীৰ চিকিৎসা কৰি সম্পূৰ্ণ আৰোগ্য কৰা হয় বুলি দাবী কৰি হেকিম ডা: অতুল মণ্ডলে আৰু কয় যে এই দৰৱ খোৱাৰ পিছত কেন্সাৰ আক্ৰান্ত কোষসমূহক ধ্বংস কৰি পেলোৱাৰ লগতে ইয়াৰ ওচৰৰ অনাক্ৰান্ত কোষসমূহক সুৰক্ষা প্ৰদান কৰি শৰীৰত ৰোগ প্ৰতিৰোধী ক্ষমতা বঢ়াই তোলে।লক্ষ্যণীয় যে এই ঔষধৰ কোনোধৰণৰ পাৰ্শ্বক্ৰিয়া নাই বুলি মতপোষণ কৰি ঔষধবিধে শৰীৰক সুস্থ আৰু সবল কৰাত সহায়হে কৰে। লগতে এই ঔষধ ব্যৱহাৰৰ পিছত কোনোবা কৃষকে সুস্থ হৈ পুনৰ পথাৰত কাম কৰিব পাৰিব, শ্রমিকে তেওঁলোকৰ পূৰ্বৰ কামত নিয়োজিত হ’ব পাৰিব আৰু চাকৰিয়ালে পুনৰ কাৰ্য্যালয়লৈ গৈ তেওঁৰ কাম চম্ভালিব পাৰিব বুলিও দাবী কৰে ৷ বঙাইগাঁৱৰ কিষাণ বজাৰ খামাৰপাৰা , কাকৈজানা , চাপাৰাকাটা, ৬ নং বাশবাৰী আদি অঞ্চলৰ ইতিমধ্যে তেওঁৰ দৰৱ খাই সুস্থ হোৱা কেইবাগৰাকীও ৰোগীৰ নাম উল্লেখ কৰে ৷ ইণ্ডিয়ান কাউন্সিল অফ  অল্টাৰনেটিভ  মেডিচিনৰ পশ্চিমবংগৰ পঞ্জীয়নভূক্ত (৩৬২৫৮ ) হেকিম ডা: অতুল মণ্ডলে লগতে কয় যে, যোৱা ৩৫ বছৰে কেন্সাৰৰ চিকিৎসা তথা ঔষধৰ সৃষ্টিৰ কামত ব্ৰতী থাকি তেওঁৰ যথেষ্ট ধন আৰু সময় খৰচ হৈছে । আজি তেওঁৰ ঔষধে কেন্সাৰ নিৰাময় কৰাত সফল হৈছে । হেকিম ডা: অতুল মণ্ডলৰ পুত্ৰ অভিজিৎ মণ্ডলো উপস্থিত থকা সংবাদ মেলৰ জৰিয়তে ঔষধৰ দ্বাৰা কেন্সাৰৰ সফল চিকিৎসাৰ বিষয়ে ভাৰতৰ প্ৰধানমন্ত্রী তথা অসমৰ মুখ্যমন্ত্রীৰ দৃষ্টি আকৰ্ষণ কৰাৰ প্ৰয়াস কৰে আৰু তেওঁলোকৰ সঁহাৰিয়ে পালে তেওঁৰ চিকিৎসা পদ্ধতি উপযুক্ত মঞ্চত প্রতিষ্ঠিত হ’ব বুলিও আশা ব্যক্ত কৰে ৷🔯