🔯বঙাইগাঁও জিলা কৰ্মচাৰী পৰিষদৰ বিশ্ব পৰিৱেশ দিৱস পালন🔯

🔯বঙাইগাঁও জিলা কৰ্মচাৰী পৰিষদৰ বিশ্ব পৰিৱেশ দিৱস পালন🔯

🔯বঙাইগাঁওঃ ৫ জুনঃ সমগ্র বিশ্বৰ লগতে দেওবাৰে বঙাইগাঁও জিলাতো বঙাইগাঁও জিলা কর্মচাৰী পৰিষদৰ উদ্যোগত আৰু জিলাখনৰ শিক্ষক-কর্মচাৰীসকলৰ সহযোগত পুৱা ঠিক ৯ বজাৰ লগে লগে একে সময়তে জিলাখনৰ প্ৰায় কুৰিখনমান বিদ্যালয়ত গছপুলি ৰোপণ কৰি বিশ্ব পৰিৱেশ দিৱস পালন কৰাৰ উপৰি জিলা কৰ্মচাৰী পৰিষদৰ সভাপতি সত্য নাৰায়ণ ৰায় আৰু সাধাৰণ সম্পাদক পংকজ শৰ্মাৰ নেতৃত্বত জিলা কর্মচাৰী পৰিষদৰ উপদেষ্টা ৰমেন দাস, জিলা তথ্য বিষয়া তথা কাৰিকৰী নিৰ্দেশক বিজয় মজুমদাৰ, অৱসৰী শিক্ষয়িত্ৰী বনলতা নাথ, সদৌ অসম কৰ্মচাৰী পৰিষদৰ ৰাজ্যিক কার্যনির্বাহক সদস্য শংকৰ নাথ, জিলা কর্মচাৰী পৰিষদৰ উপদেষ্টা অৰবিন্দ চৌধুৰী, সহঃ সম্পাদক শংকৰ সৰকাৰৰ উপস্থিতিত আৰু ১ নং বৰপাৰা চৰকাৰী নিম্ন বুনিয়াদী বিদ্যালয়ৰ প্রধান শিক্ষক খগিন চন্দ্র ৰায় আৰু বিদ্যালয়খনৰ শিক্ষক- শিক্ষয়িত্রী তথা ছাত্র-ছাত্রীসকলৰ  উপস্থিতিত বিদ্যালয়খনত কেন্দ্রীয়ভাবে বিশ্ব পৰিৱেশ দিবস পালন কৰা হয়। 

সেইদৰে ইয়াৰ সমান্তৰালভাৱে পুৰণি বঙাইগাঁও হাইস্কুল, বীৰঝৰা উচ্চতৰ মাধ্যমিক বিদ্যালয়, বীৰঝৰা ছোৱালী উচ্চতৰ মাধ্যমিক বিদ্যালয়, বঙাইগাঁও ৰে'লৱে উচ্চতৰ মাধ্যমিক বিদ্যালয়, বঙাইগাঁও টাউন হাইস্কুল, নর্থ বঙাইগাঁও হাইস্কুল, শান্তিধাম কালীবাৰী হাইস্কুল, নিউ বঙাইগাঁও হাইস্কুল, নেতাজী বিদ্যাপীঠ, বিবেকানন্দ বিদ্যাপীঠ উচ্চতৰ মাধ্যমিক বিদ্যালয়, টেঙাইগাঁও উচ্চতৰ মাধ্যমিক বিদ্যালয়, বিদ্যাপুৰ উচ্চতৰ মাধ্যমিক বিদ্যালয়, খগৰপুৰ-বাঘপাৰা হাইস্কুল আৰু পিৰাধৰা হাইস্কুলত বিশ্ব পৰিৱেশ দিৱস পালন কৰা হয় ৷ এইদৰে বিশ্ব পৰিৱেশ দিৱসটি সফলভাৱে উদযাপন কৰাৰ বাবে সমূহ শিক্ষক- কর্মচাৰীলৈ জিলা কর্মচাাৰী পৰিষদৰ সভাপতি সত্য নাৰায়ণ ৰায় আৰু সাধাাৰণ সম্পাদক  পংকজ শর্মাই ধন্যবাদ জ্ঞাপন কৰিছে 🔯৷