🔯বিজনীৰ ফাগুনাগাঁৱৰ বান শিবিৰ পৰিদৰ্শন চিৰাং জিলাৰ অভিভাৱক সচিব ৰাজেশ প্ৰসাদৰ🔯

🔯বিজনীৰ  ফাগুনাগাঁৱৰ বান শিবিৰ পৰিদৰ্শন চিৰাং জিলাৰ অভিভাৱক সচিব ৰাজেশ প্ৰসাদৰ🔯

🔯বান সমস্যাৰ স্থায়ী সমাধানৰ আশ্বাস সচিব গৰাকীৰ🔯

📝বিজনীঃ ২৩ জুনঃ চিৰাং জিলাৰ বিজনী মহকুমাৰ অন্তৰ্গত ১ নং ফাগুনাগাঁৱৰ নৱ নিৰ্মিত দ্বৈত ৰে'ল পথৰ ওপৰত থকা বান শিবিৰ পৰিদৰ্শন কৰে চিৰাঙৰ অভিভাৱক সচিব ৰাজেশ প্ৰসাদে। প্ৰায় বাৰ দিন ধৰি প্ৰৱল বানত ১ নং ফাগুনাগাঁৱৰ বৰ্মন পাৰাৰ প্ৰায় এশ বিশটা পৰিয়ালে বান শিবিৰত আৱদ্ধ হৈ থাকিব লগীয়া হোৱাত সচিব গৰাকীয়ে শিবিৰত থকা বন্যাৰ্তৰ পৰিস্থিতিৰ বুজ লয়। আনহাতে ১ নং ফাগুনাগাঁও বৰ্মন পাৰা গাঁওখনৰ পৰা পানী ওলাই যোৱা কোনো সুবিধা নথকাৰ বাবে ইমানদিনে জলমগ্ন হৈ থকা গাঁওখনৰ এটা স্থায়ী সমাধানৰ আশ্বাস প্ৰদান কৰা বুলি জানিব পৰা গৈছে।

সচিব গৰাকীৰ বান শিবিৰ পৰিদৰ্শন কালত বিজনীৰ বিধায়ক অজয় কুমাৰ ৰায় উপস্থিত থাকি বিষয়টো অতি গুৰুত্বসহকাৰে লোৱা বুলি সংবাদ মাধ্যমৰ সন্মুখত জানিব দিয়ে।সদ্যহতে শিবিৰত থকা বন্যাৰ্তৰ অভাৱ-অভিযোগ, প্ৰয়োজনীয় খাদ্য সামগ্ৰী, শিশু খাদ্য, বিদ্যুতৰ ব্যৱস্থা আদিৰ সুবিধা কৰি দিয়াৰ ক্ষেত্ৰত বিশেষ গুৰুত্ব দিয়া হৈছে বুলি জানিব দিয়ে বিধায়ক অজয় কুমাৰ ৰায়ে।🔯