🔯পৃথক কমতাপুৰ ৰাজ্য পুনৰ গঠন আৰু জনজাতিকৰণৰ দাবী🔯

🔯পৃথক কমতাপুৰ ৰাজ্য পুনৰ গঠন আৰু জনজাতিকৰণৰ দাবী🔯

🔯চিৰাঙৰ বিজনীত আক্ৰাছুৰ উদ্যোগত অৱস্থান ধৰ্মঘট🔯

📝বঙাইগাঁওঃ ৮ জুনঃ আক্ৰাছুৰ কেন্দ্ৰীয় সমিতিৰ নিৰ্দেশনামৰ্মে বুধবাৰে চিৰাং জিলাৰ  বিজনীত আক্ৰাছু, কোচ ৰাজবংশী মহিলা সমিতি আৰু চিলাৰায় সেনাই যৌথ উদ্যোগত এক তিনি ঘণ্টীয়া অৱস্থান ধৰ্মঘট কাৰ্যসূচী ৰূপায়ণ কৰে ৷ কোচ ৰাজবংশী জনগোষ্ঠীৰ দীৰ্ঘদিনীয়া দাবী পৃথক কমতাপুৰ ৰাজ্য পুনৰ গঠন আৰু জনজাতিকৰণৰ দাবীত বিজনী ছোৱালী হাইস্কুল খেলপথাৰত ৰূপায়ণ কৰা প্ৰতিবাদী কাৰ্যসূচীত অংশগ্ৰহণ কাৰীসকলে  চৰকাৰ বিৰোধী শ্লোগানেৰে উত্তাল কৰি তোলে প্ৰতিবাদস্থলী। 

লগতে প্ৰতিবাদকাৰী সকলে জনগোষ্ঠীটোৰ দীৰ্ঘদিনীয়া সমস্যাসমূহ অতিশীঘ্ৰে সমাধা কৰাৰ বাবে দাবী জনায় ৷ ইপিনে প্ৰতিবাদী কাৰ্যসূচীত অংশগ্ৰহণ কৰি বিজনী মহকুমা আক্ৰাছুৰ সভাপতি মনোজ ৰায়ে সংবাদ মাধ্যমৰ আগত কয় যে কোচ ৰাজবংশী জনগোষ্ঠীক কৰি অহা প্ৰতাৰণাৰ বাবে ইতিমধ্যে জনগোষ্ঠীটোৰ বহুতো যুৱক-যুৱতী নিষিদ্ধ ঘোষিত সংগঠন কেএলঅ' ত যোগদান কৰাৰ লগতে চৰকাৰে এই দাবী পুৰণ নকৰিলে অনাগত দিনত জাতিক ভালপোৱা আন বহু যুৱক-যুৱতীয়ে কেএলঅ' ত যোগদান কৰিব পাৰে বুলিও সম্ভাৱনাৰ কথা ব্যক্ত কৰে ৷🔯