🔯দশম স্থান দখলেৰে বঙাইগাঁও জিলালৈ সুনাম কঢ়িয়াই আনিলে অনুভৱ কপিলে🔯

🔯দশম স্থান দখলেৰে  বঙাইগাঁও জিলালৈ সুনাম কঢ়িয়াই আনিলে অনুভৱ কপিলে🔯

🔯ভৱিষ্যতে এগৰাকী সু-চিকিৎসক হোৱাৰ ইচ্ছা কৃতি ছাত্ৰজনৰ🔯 

📝বঙাইগাঁওঃ ৭ জুনঃ অসম হাইস্কুল শিক্ষান্ত পৰীক্ষাৰ আজি ঘোষিত ফলাফলত বঙাইগাঁও চহৰৰ মাধ্যমিক স্তৰৰ আগশাৰীৰ ব্যক্তিগত শিনুষ্ঠান বঙাইগাঁও উচ্চতৰ মাধ্যমিক বিদ্যালয়ৰ ছাত্র অনুভৱ কপিলে ৰাজ্যখনৰ ভিতৰত দশম স্থান দখল কৰি সমগ্ৰ বঙাইগাঁও জিলালৈ গৌৰৱ কঢ়িয়াই আনিছে। বঙাইগাঁও চহৰৰ বাঘেশ্বৰী পাৰা নিবাসী তথা বীৰঝৰা উচ্চ মাধ্যমিক বিদ্যালয়ৰ অৱসৰী ভাৰপ্ৰাপ্ত অধ্যক্ষ  ট্ৰিকেন্দ্ৰ নাথ শৰ্মা আৰু বইটামাৰী উচ্চতৰ মাধ্যমিক বিদ্যালয়ৰ শিক্ষয়িত্ৰী ভানু দেৱীৰ সু সন্তান অনুভৱ কপিলে ঘোষিত ফলাফল অনুসৰি অসমীয়া (৯২), ইংৰাজী (১০০), সাধাৰণ বিজ্ঞান (১০০), সাধাৰণ গণিত (১০০),ঐচ্ছিক গণিত (৯৮) আৰু সমাজ বিদ্যা (৯৮)কে ধৰি আটাইকেইটা বিষয়তে লেটাৰ মাৰ্ক অৰ্জন কৰি শতকৰা ৯৮ শতাংশ( ৫৮৮)নম্বৰেৰে ৰাজ্যখনৰ ভিতৰত দশম স্থান দখল কৰিছে। ইপিনে নিজৰ ফলাফলকলৈ সুখী কৃতি ছাত্ৰ অনুভৱ কপিলে গুৱাহাটীৰ কটন বিশ্ববিদ্যালয়ত উচ্চতৰ মাধ্যমিক (বিজ্ঞান) শাখাত অধ্যায়ন কৰি নীট পৰীক্ষাত অৱতীৰ্ণ হৈ অদূৰ ভৱিষ্যতে এগৰাকী সু-চিকিৎসক হোৱাৰ ইচ্ছাৰ কথা প্ৰকাশ কৰিছে ৷ নিতৌ ৪-৫ ঘন্টা কৈ অধ্যায়ন কৰাৰ কথা সংবাদ মাধ্যমৰ আগত প্ৰকাশ কৰি কয় যে স্থান লাভ কৰিব বুলি নাভাৱিলেও নিজৰ মনৰ এটি কোণত সেই আশা সজীৱ কৰি ৰাখিছিল বুলিও প্ৰকাশ কৰে ৷ সেয়ে স্থান দখল কৰিবলৈ পাই খুবেই ভাল লাগিছে বুলিও কয় ৷ অনুভৱ কপিলে নিজৰ এই সফলতাৰ অন্তৰালত পিতৃ-মাতৃ তথা বঙাইগাঁও উচ্চতৰ মাধ্যমিক বিদ্যালয়ৰ শিক্ষক-শিক্ষয়ত্ৰী সকলৰ অনুপ্ৰেৰণা আৰু আৰ্শীবাদ অন্তনিৰ্হিত থকাৰ কথা ব্যক্ত কৰে। ইপিনে বৰ্তমান সময়ত অতিকৈ চৰ্চিত সামাজিক মাধ্যম 'ফেচবুক'সন্দৰ্ভত কপিলে কয় যে ইয়াৰ  দুটা দিশ আছে ৷ এটা ভাল আৰু আনটো বেয়া৷ গতিকে৷আমি ইয়াৰ ভাল দিশটো গ্ৰহণ কৰা উচিত আৰু তেতিয়া ফেচবুক ব্যৱহাৰকাৰী সকলৰ বাবে সামাজিক মাধ্যম ভাল বন্ধু হিচাপে পৰিগণিত হ’ব৷ মই নিজেও মাজে মাজে ব্যৱহাৰ কৰিছিলো ৷ কিন্তু সকলো সময়তে সামাজিক মাধ্যমিত ব্যস্ত বা মোবাইলটোকে সকলো সময়তে হাতত লৈ বহি থকা নাছিলো ৷  আনহাতে কোৰোনাকালত পাঠদানত ব্যাঘাত জন্মা নাছিল বুলি কৈ কৃতি ছাত্ৰগৰাকীয়ে কয় যে অনলাইনযোগে পাঠদান ভালকৈ হৈছিল আৰু সদায় সেয়া কৰিছিলো ৷ নিজকে ফাকি নিদি যদি অনলাইন পাঠদানৰ শিক্ষক - শিক্ষয়িত্ৰীসকলৰ কথাখিনি মনোযোগৰে শুনা যায়, তেতিয়ালে বুুুজি পোৱা যায় বুলিও কয় ৷ ইপিনে ছাত্ৰগৰাকীৰ এনে ফলাফলে বিদ্যালয়খনৰ শিক্ষক - শিক্ষয়িত্ৰী আৰু ছাত্ৰ - ছাত্ৰীসকলোক আনন্দিত কৰি তুলিছে ৷ ছাত্ৰগৰাকী বিদ্যালয়ত উপস্থিত হোৱাৰ পিচতে বিদ্যালয়ত জনোৱা হয় আদৰণি ৷ ছাত্ৰসকলে ফুটায় ফটকা ৷ উল্লেখ্য যে বিদ্যালয়খনৰ সামগ্ৰিক ফলাফলো উন্নত ৷ বিগত ৩৫ বছৰে এশ শতাংশ উত্তীর্ণৰ ধাৰা অক্ষুন্ন ৰাখিবলৈ সক্ষম হৈছে শিক্ষানুষ্ঠানখনে ৷ এইবেলি অসম হাইস্কুল শিক্ষান্ত পৰীক্ষাত অৱতীৰ্ণ হোৱা ৯৭ গৰাকী পৰীক্ষাৰ্থীৰ সকলোৱে উত্তীর্ণ হৈছে। উত্তীর্ণ হোৱা পৰীক্ষাৰ্থীৰ ভিতৰত ৭৯ গৰাকীয়ে প্ৰথম বিভাগ আৰু ১৮ গৰাকীয়ে দ্বিতীয় বিভাগ অৰ্জন কৰিছে। আনহাতে বিদ্যালয়খনৰ ২৭ গৰাকী পৰীক্ষাৰ্থীয়ে ডিষ্টিংচন আৰু ২৩ গৰাকীয়ে ষ্টাৰ মাৰ্ক অৰ্জন কৰিছে। বিদ্যালয়খনৰ মুঠ ২৬৫ টি লেটাৰ মাৰ্ক অৰ্জনকাৰীৰ ভিতৰত ইংৰাজী বিষয়ত  ৬০ গৰাকী, সাধাৰণ গণিতত ৩৯ গৰাকী, সাধাৰণ বিজ্ঞানত ৪২ গৰাকী, উচ্চ গণিতত ১০ গৰাকী, সমাজ বিদ্যাত ৪২ গৰাকী, কম্পিউটাৰ ছায়েন্স বিষয়ত ৩৯ গৰাকী,ইলেকটিভ কমাৰ্চত ৩ গৰাকী আৰু মাতৃভাষা (অসমীয়াত  ১৬ গৰাকী, হিন্দীত ১৪ গৰাকী ) ত ৩০ গৰাকীয়ে লেটাৰ মাৰ্ক অৰ্জন কৰিছে।🔯