🔯মুখ্যমন্ত্ৰীয়ে পৰিদৰ্শন কৰিলে বঙাইগাঁও জিলাৰ খহনীয়াগ্ৰস্ত অঞ্চল🔯

🔯মুখ্যমন্ত্ৰীয়ে পৰিদৰ্শন কৰিলে বঙাইগাঁও জিলাৰ খহনীয়াগ্ৰস্ত অঞ্চল🔯

📝বঙাইগাঁওঃ ১২ জুলাইঃ আজি মুখ্যমন্ত্ৰী ডঃ হিমন্ত বিশ্ব শমাই বঙাইগাঁও জিলাৰ খহনীয়াগ্ৰস্ত সৃজনগ্ৰাম ৰাজহ চক্ৰৰ অন্তৰ্গত তিনিকোণীয়া পাৰ্ট-ৱান (গোবিন্দপুৰ) অঞ্চলটো পৰিদৰ্শন কৰে৷ পৰিদৰ্শনকালত তেওঁ খহনীয়াপীড়িত লোকসকলৰ অৱস্থাৰ বুজ লোৱাৰ লগতে তেওঁলোকৰ সৈতে মত বিনিময় কৰে৷ ইয়াৰ পাছতে মালেগড় উচ্চতৰ মাধ্যমিক বিদ্যালয় চৌহদত জিলা প্ৰশাসনৰ সৈতে বৈঠকত মিলিত হৈ বানপীড়িতলৈ প্ৰশাসনৰ তৰফৰ পৰা গ্ৰহণ কৰা সাহায্য আৰু পুনৰ সংস্থাপন ব্যৱস্থাৱলীৰ পৰ্যালোচনা কৰে ৷

মুখ্যমন্ত্ৰীগৰাকীয়ে কয় যে তিনিকোণীয়া পাৰ্ট-ৱান (গোবিন্দপুৰ) অঞ্চলটোত নৈৰ খহনীয়া ৰোধৰ বাবে ৰাজ্য চৰকাৰে এখন খহনীয়া প্ৰতিৰোধ আঁচনি গ্ৰহণৰ পদক্ষেপ গ্ৰহণ কৰিব৷ তদুপৰি মাণিকপুৰ, সৃজনগ্ৰাম আদিকে ধৰি অঞ্চলটোৰ আন আন স্থানৰো খহনীয়া ৰোধৰ বাবে যথোচিত ব্যৱস্থা গ্ৰহণ কৰা হ'ব ৷ বঙাইগাঁও জিলাৰ চাৰি হাজাৰতকৈও অধিক বানপীড়িত পৰিয়ালক ৩৮০০টকাকৈ আগবঢ়াবলৈ সক্ষম হোৱা বুলি কোৱাৰ লগতে তিনি লাখতকৈও অধিক বানপীড়িত লোকলৈ যথাযথ সাহায্য আগবঢ়োৱা হৈছে বুলিও কয় ৷ 

সেইদৰে  জিলাখনত বানত যিসকল লোকৰ গৃহ ক্ষতিগ্ৰস্ত হৈছে তেওঁলোকক আগষ্ট মাহৰ ভিতৰতে আৰ্থিক সাহায্য প্ৰদানৰ পদক্ষেপ লোৱা হৈছে বুলিও উল্লেখ কৰে ৷  একেদৰে বানত যিসকল শিক্ষাৰ্থীৰ কিতাপ-পত্ৰকে ধৰি শিকন সামগ্ৰী নষ্ট হৈছে, তেনে ছাত্ৰ-ছাত্ৰীলৈ এককালীন আৰ্থিক সাহায্য প্ৰদান কৰা হ'ব বুলিও কয় ৷ জিলাখনত প্ৰায় দুহেজাৰ ছাত্ৰ - ছাত্ৰীৰ কিতাপ-পত্ৰকে ধৰি শিকন সামগ্ৰী বানত নষ্ট হৈছে খহনীয়াগ্ৰস্ত অঞ্চল পৰিদৰ্শন কালত কেবিনেট মন্ত্ৰী তথা বঙাইগাঁও জিলাৰ অভিভাৱক মন্ত্ৰী ৰঞ্জিৎ কুমাৰ দাস, জিলা উপায়ুক্ত নৱদ্বীপ পাঠক আদিও উপস্থিত থাকে ৷🔯