🔯আচাৰ্য পংকজ পাঠকৰ বিৰুদ্ধে ৰাইজৰ দলৰ জাতীয় নাৰী বাহিনীৰ বঙাইগাঁও সদৰ থানাত এজাহাৰ দাখিল🔯

🔯আচাৰ্য পংকজ পাঠকৰ বিৰুদ্ধে ৰাইজৰ দলৰ জাতীয় নাৰী বাহিনীৰ বঙাইগাঁও সদৰ থানাত এজাহাৰ দাখিল🔯

📝বঙাইগাঁওঃ ১৯ জুলাইঃ আচাৰ্য পংকজ পাঠকে সামাজিক মাধ্যম ফেচবুকযোগে একাংশ মহিলাক উদ্দেশ্যি কৰা অশ্লীল আৰু অপমানসূচক মন্তব্যৰ বিৰুদ্ধে এতিয়া মহিলা সমাজৰ মাজত তীব্ৰ প্ৰতিক্ৰিয়াৰ সৃষ্টি হৈছে ৷ আচাৰ্য পাঠকৰ বিৰুদ্ধে ঠায়ে ঠায়ে মহিলা সংগঠনে থানাত দাখিল কৰিছে এজাহাৰ ৷ মঙলবাৰে বঙাইগাঁৱতো ৰাইজৰ দলৰ কেন্দ্ৰীয় সাংগঠনিক সম্পাদিকা তথা দলটোৰ ভগ্নী সংগঠন জাতীয় নাৰী বাহিনীৰ কেন্দ্ৰীয় সম্পাদিকা মমী ৰায় চৌধুৰীয়ে বঙাইগাঁও সদৰ থানাত আচাৰ্য পংকজ পাঠকৰ বিৰুদ্ধে এজন এজাহাৰ দাখিল কৰে ৷ থানাত দাখিল কৰা এজাহাৰত উল্লেখ কৰা মতে যোৱা ১৬ জুলাইত সামাজিক মাধ্যমত আচাৰ্য পংকজ পাঠকৰ এটা ‘ভিডিঅ’ ভাইৰেল হয়। উক্ত ভিডিঅটোত আচাৰ্য পংকজ পাঠকে একাংশ মহিলাক উদ্দেশ্যি কেতবোৰ অশ্লীল, অপমানসূচক মন্তব্য কৰে। পংকজ পাঠকে কৰা মন্তব্যসমূহ এগৰাকী নাৰীৰ বাবে অত্যন্ত লজ্জাজনক। উক্ত ভিডিঅটোত আচার্য পংকজ পাঠকে ইনষ্টাগ্রাম, ফেচবুকত ৰীল ("Reel") বনোৱা মহিলা সকলৰ চৰিত্ৰৰ ওপৰত আঙুলি উঠোৱাতেই ক্ষান্ত নাথাকি সেই মহিলাসকলৰ স্বামী সকলৰ পুৰুষত্বত ধৰি অপমানজনক মন্তব্য কৰিছে। যি সময়ত চৰকাৰে নাৰীৰ সৱলীকৰণৰ কাৰণে কেতবোৰ ব্যৱস্থা হাতত লৈছে, তেনে সময়তে আচার্য পংকজ পাঠকৰ এনে কার্যকলাপে সমগ্ৰ নাৰী জাতিৰ নাৰীত্বত আঘাত কৰিছে। গতিকে জাতীয় নাৰী বাহিনীয়ে নাৰী জাতিৰ বিৰুদ্ধে অপমানসূচক মন্তব্য কৰা পংকজ পাঠকৰ বিৰুদ্ধে ভাৰপ্ৰাপ্ত আৰক্ষী বিষয়াগৰাকীয়ে  যাতে এজাহাৰৰ ভিত্তিত উচিত তদন্ত কৰি উপযুক্ত ধাৰামতে গোচৰ ৰুজু কৰি পংকজ পাঠকক ধৰি আনি সু-বিচাৰ কৰে তাৰ বাবে আৱেদন জনাইছে ৷ এজাহাৰত আচাৰ্য পংকজ পাঠকে সামাজিক মাধ্যমত প্রচাৰ কৰা মন্তব্যৰ লিংকটোও  উল্লেখ কৰিছে ৷🔯