🔯বঙাইগাঁৱত ঔষধ কোম্পানীৰ ভিক্টিমাইজেছনৰ বিৰুদ্ধে চি আৰ ইউৰ তীব্ৰ প্ৰতিবাদ🔯

🔯বঙাইগাঁৱত ঔষধ কোম্পানীৰ ভিক্টিমাইজেছনৰ বিৰুদ্ধে চি আৰ ইউৰ তীব্ৰ প্ৰতিবাদ🔯

🔯শ্ৰম বিষয়াক স্মাৰক পত্ৰ প্ৰদান🔯

📝বঙাইগাঁওঃ ১৯ জুলাইঃ চলিত বছৰটোত সমগ্ৰ ভাৰতবৰ্ষত কেইবাশতাধিক মেডিকেল ৰিপ্ৰেজেনটেটিভচে নিজৰ চাকৰি হেৰুৱাবলগীয়া হৈছে হোৱাৰ লগতে বহুতো ক্ষেত্ৰকৰ্মীক শাস্তিমূলক বদলি কৰাৰ উপৰিও বিভিন্ন ধৰণৰ শোষণ, নিৰ্যাতন চলোৱাৰ গুৰুতৰ অভিযোগ উত্থাপন কৰিছে ৰিপ্ৰেজেনটেটিভচসকলে ৷ ইয়াৰ ফলস্বৰূপে মেডিকেল ৰিপ্ৰেজেনটেটিভচ সকলৰ সৰ্বভাৰতীয় সংগঠন এফএমআৰএআইয়ে মেডিকেল ৰিপ্ৰেজেনটেটিভচৰ চাকৰিৰ নিৰাপত্তা সুনিশ্চিত কৰাৰ দাবীত মঙলবাৰে 'এণ্টি ভিক্টিমাইজেচন দে' পালনৰ বাবে জনোৱা আহ্বানৰ প্ৰতি সহাৰি জনাই অসমৰ আন আন ঠাইৰ লগতে বঙাইগাঁওতো চি আৰ ইউ য়ে তীব্ৰ প্ৰতিবাদ সাব্যস্ত কৰে। 

জিলাখনৰ মেডিকেল ৰিপ্ৰেজেনটেটিভচ সকলে পুৱা ১১ বজাৰ পৰা দুপৰীয়া ১২ বজালৈ কামৰ পৰা বিৰত থাকি প্ৰতিবাদী কাৰ্যসূচীত অংশগ্ৰহণ কৰে। প্ৰতিবাদৰ অংশ হিচাপে চি আৰ ইউৰ সদস্য সকলে বঙাইগাঁও জিলাৰ শ্ৰম বিষয়াৰ কাৰ্যালয়ৰ সন্মুখত ১ ঘন্টীয়া ধৰ্ণা কাৰ্যসূচী পালন কৰে আৰু শ্ৰম আয়ুক্তক চাকৰিৰ নিৰাপত্তা সুনিশ্চিত কৰা, শ্ৰম-আইন সমূহ প্ৰযোজ্য কৰা, ঔষধৰ মূল্যবৃদ্ধি ৰোধ কৰা আদি বিভিন্ন দাবীসম্বলিত স্মাৰক পত্ৰ প্ৰদান কৰে। উল্লেখ্য যে ইতিমধ্যে জিলাখনৰ লগতে ৰাজ্যখনত ফাইজাৰ, হিমালয়া, ভাৰত চেৰাম, টিটিকে, জাইডাছ আদি ঔষধ কোম্পানীৰ ভিক্টিমাইজেছনৰ ফলত কেইবাজনেও চাকৰি হেৰুৱাব লগীয়া হৈছে বুলিও জানিবলৈ দিয়ে চি আৰ ইউৰ সদস্যসকলে ৷ প্ৰতিবাদী কাৰ্যসূচীত অংশগ্ৰহণ কৰাসকলে দাবীসমূহৰ সমৰ্থনত বিভিন্ন শ্লোগানো দিয়ে  ৷🔯