🔯বঙাইগাঁৱৰ শালবাগানত নিশা নিচাসক্ত যুৱকে প্ৰহাৰ কৰিলে কেইবাজনো লোকক🔯

🔯বঙাইগাঁৱৰ শালবাগানত নিশা নিচাসক্ত যুৱকে প্ৰহাৰ কৰিলে কেইবাজনো লোকক🔯 

📝বঙাইগাঁওঃ ১৮ জুলাইঃ বঙাইগাঁও চহৰৰ শালবাগানত দেওবাৰে নিশা নিচাসক্ত যুৱক এজনে এলেকাৰ কেবাজনো লোকক প্ৰহাৰ কৰি এক ত্ৰাসৰ সৃষ্টি কৰে ৷ অঞ্চলটোৰ প্ৰণয় কুমাৰ বৰ্মন নামৰ যুৱকজনে নিচাজাতীয় দ্ৰব্য সেৱন কৰি পথচাৰী সকলক প্ৰহাৰ কৰে৷ এক অনাকাংক্ষিত পৰিৱেশৰ সৃষ্টি হোৱাত ৰাইজে বিষয়টো উত্তৰ বঙাইগাঁও আৰক্ষী পহৰা চকীত যুৱকজনৰ বিপক্ষে এজাহাৰ দাখিল কৰে৷ পৰৱৰ্তী সময়ত ঘটনাস্থলীত আৰক্ষীৰ লোক উপস্থিত হৈ যুৱকজনক কৰায়ত্ত কৰে৷ ইপিনে যুৱকজনক আৰক্ষীয়ে কৰায়ত্ত কৰাৰ পিছতো ৰাইজৰ ভয় কমা নাই। সকলো ৰাইজ ঐক্যবদ্ধ হৈ যুৱকজনৰ বিৰুদ্ধে বিহিত ব্যৱস্থা লবলৈ প্ৰশাসনৰ ওচৰত দাবী জনায়।🔯