🔯বঙাইগাঁৱত সদৌ অসম জিলা প্ৰশাসন কৰ্মচাৰী সন্থাৰ সাধাৰণ সভা🔯

🔯বঙাইগাঁৱত সদৌ অসম জিলা প্ৰশাসন কৰ্মচাৰী সন্থাৰ সাধাৰণ সভা🔯

🔯সন্থাৰ দ্বাদশ দ্বি বাৰ্ষিক বঙাইগাঁও অধিৱেশনৰ ৯ খন উপ সমিতিকে ধৰি মূল অভ্যৰ্থনা সমিতি গঠন🔯

🔯সন্থাৰ কৰ্ণধাৰ সমিতিৰ বৈঠকত সংগঠনটোৰ দীৰ্ঘদিনীয়া নাৰ্য্য দাবী সমুহ নিস্পত্তি কৰাত চৰকাৰৰ অনীহাত উদ্বেগ প্ৰকাশ🔯

🔯১৫ আগষ্টৰ আগতে দাবী সমুহ নিস্পত্তি নকৰিলে গণতান্ত্ৰিক পন্থাৰে আন্দোলনৰ চিন্তাচৰ্চা🔯

 

📝বঙাইগাঁওঃ ২৩ জুলাই: সদৌ অসম জিলা প্ৰশাসন কৰ্মচাৰী সন্থাৰ এখন সাধাৰণ সভা শনিবাৰে  বঙাইগাঁও জিলা উপায়ুক্ত কাৰ্যালয়ৰ সভাকক্ষত অনুষ্ঠিত হৈ যায় ৷ সদৌ অসম জিলা প্ৰশাসন কৰ্মচাৰী সন্থাৰ বঙাইগাঁও জিলা সমিতিৰ সহযোগত অনুষ্ঠিত সভাত সংগঠনটোৰ কেন্দ্ৰীয় সমিতিৰ দ্বাদশ দ্বি বাৰ্ষিক অধিৱেশন অহা ২৬ আৰু ২৭ নৱেম্বৰত বঙাইগাঁও জিলাত অনুষ্ঠিত কৰাৰ বিষয়ত বিশদ আলোচনা কৰি এখন শক্তিশালী অভ্যৰ্থনা সমিতি গঠন কৰা হয়৷সদৌ অসম জিলা প্ৰশাসন কৰ্মচাৰী সন্থাৰ সভাপতি গোপীনাথ দত্তৰ সভাপতিত্বত অনুষ্ঠিত সভাত বঙাইগাঁও জিলাৰ উপায়ুক্ত নৱদ্বীপ পাঠকক সভাপতি,নিশি ৰঞ্জন দাসক কাৰ্যকৰী সভাপতি আৰু নন্দলাল বৰ্মনক সম্পাদক হিচাপে লৈ মুঠ ৯ খন উপ সমিতিসহ এখনি পূৰ্ণাংগ আদৰণি সমিতি গঠন কৰা হয়৷ 

উল্লেখ্য যে ইয়াৰ পিচতে বঙাইগাঁও জিলা উপায়ুক্ত কাৰ্যালয়ৰ সভাকক্ষতে সন্থাৰ কৰ্ণধাৰ সমিতিৰ এখন জৰুৰী বৈঠকো অনুষ্ঠিত হয়৷ সদৌ অসম জিলা প্ৰশাসন কৰ্মচাৰী সন্থাৰ দীৰ্ঘদিনীয়া নাৰ্য্য দাবী সমুহ অসম চৰকাৰে নিস্পত্তি কৰাৰ কোনো ধৰণৰ সদিচ্ছা প্ৰকাশ নকৰাত সভাই গভীৰ উদ্বেগ প্ৰকাশ কৰে৷ লগতে অসম চৰকাৰৰ সাধাৰণ প্ৰশাসন বিভাগ আৰু বিত্ত বিভাগে উপায়ুক্ত কাৰ্যালয়ৰ কৰ্মচাৰী সকলৰ নাৰ্য্য প্ৰাপ্তিৰ ক্ষেত্ৰত কৰি অহা চক্ৰান্ত তথা অৱহেলাৰ বাবেও অসন্তুষ্টি প্ৰকাশ কৰে৷সভাই লগতে বিষয়টো সন্দৰ্ভত  অসমৰ মুখ্যমন্ত্ৰীক ব্যক্তিগত হস্তক্ষেপৰ বাবে আহ্বান জনায় আৰু অহা ১৫ আগষ্টৰ আগতে সন্থাৰ দাবী সমুহ নিস্পত্তি কৰিবলৈ দাবী জনায়৷ অন্যথা সন্থাই অনিচ্ছাস্বত্বেও গণতান্ত্ৰিক পন্থাৰে আন্দোলনৰ কাৰ্যসূচী লবলৈ বাধ্য হ’ব বুলি সংগঠনটোৰ সভাপতি গোপীনাথ দত্ত আৰু সাধাৰণ সম্পাদক ৰঞ্জন ৰাইডঙ্গীয়াই এক প্ৰেছ বিবৃতিত উল্লেখ কৰিছে ৷🔯