🔯বঙাইগাঁৱৰ দীপক সিংঘীক জিলা বিজেপিৰ সকলো দলীয় পদবী আৰু দায়িত্বৰ পৰা অব্যাহতি🔯

🔯বঙাইগাঁৱৰ দীপক সিংঘীক জিলা বিজেপিৰ সকলো দলীয় পদবী আৰু দায়িত্বৰ পৰা অব্যাহতি🔯

📝বঙাইগাঁওঃ ১ জুলাইঃ বঙাইগাঁও জিলা বিজেপিয়ে দলটোৰ বিষয়ববীয়া দীপক কুমাৰ সিংঘীক দলীয় ভাৱমূৰ্তি বিনষ্ট কৰা কাৰ্যত নিয়োজিত হোৱাৰ বাবে তৎকালীনভাৱে কাৰ্যকৰী হোৱাকৈ সকলোধৰণৰ দলীয় পদবী আৰু দলীয় দায়িত্বৰ পৰা অব্যাহতি দিছে ৷ এই সন্দৰ্ভত বঙাইগাঁও জিলা বিজেপিৰ তৰফৰ পৰা প্ৰেৰণ কৰা এক প্ৰেছ বিবৃতিত উল্লেখ কৰা মতে জিলা বিজেপিৰ নীতি নির্ধাৰণ সমিতিৰ এখন গুৰুত্বপূৰ্ণ বৈঠক বুধবাৰে বঙাইগাঁও জিলা বিজেপিৰ কাৰ্যালয়ত অনুষ্ঠিত হয় ৷ বঙাইগাঁও জিলা বিজেপিৰ সভানেত্ৰী হিমানী অধিকাৰীৰ পৌৰহিত্যত অনুষ্ঠিত বৈঠকত বঙাইগাঁও জিলাৰ অভিভাৱক মন্ত্ৰী ৰঞ্জিৎ কুমাৰ দাস, জিলা প্ৰভাৰী ব্ৰজ কুমাৰ দাস, বঙাইগাঁও জিলা বিজেপিৰ সাধাৰণ সম্পাদকদ্বয় শংকৰ বিশ্বাস আৰু জ্যোতিৰ্ময় সৰকাৰ উপস্থিত থাকে ৷ নীতি নির্ধাৰণ সমিতিয়ে বিভিন্ন প্ৰস্তাৱৰ উপৰিও ৩ নম্বৰ প্ৰস্তাৱ  মতে বঙাইগাওঁ চহৰৰ “ সিংঘী এন্টাৰপ্রাইজ”ৰ  স্বত্বাধিকাৰী দীপক সিংঘীক দলীয় ভাৱমূৰ্ত্তি বিনষ্ট কৰা কামত নিয়োজিত হোৱা বাবে তৎকালীনভাৱে বলবৎ হোৱাকৈ সকলো ধৰণৰ দলীয় পদবী আৰু দলীয় দায়িত্বৰ পৰা অব্যাহতি দিয়াৰ প্ৰস্তাৱ গ্ৰহণ কৰে ৷ সেইমৰ্মে দীপক সিংঘীক বিজেপিৰ বঙাইগাঁও জিলাৰ সকলোধৰণৰ দলীয় পদবী তথা দায়িত্বৰ পৰা তৎকালীনভাৱে খাৰিজ  কৰি অব্যাহতি দিয়া হয় বুলি বঙাইগাঁও জিলা বিজেপিৰ সাধাৰণ সম্পাদকদ্বয় শংকৰ বিশ্বাস আৰু জ্যোতিৰ্ময় সৰকাৰ স্বাক্ষৰিত প্ৰেছ বিবৃতিটোত উল্লেখ কৰিছে ৷🔯