🔯বঙাইগাঁৱত আন্ত: ক্লাব 'এ' ডিভিজন ফুটবল লীগ আৰম্ভ🔯

🔯বঙাইগাঁৱত আন্ত: ক্লাব 'এ' ডিভিজন ফুটবল লীগ আৰম্ভ🔯 

📝বঙাইগাঁওঃ ৫ জুলাইঃ বঙাইগাঁও জিলা ক্ৰীড়া সন্থাৰ উদ্যোগত বঙাইগাঁৱৰ বীৰঝৰা উচ্চতৰ মাধ্যমিক বিদ্যালয়ৰ খেলপথাৰত মঙলবাৰৰ পৰা আন্ত: ক্লাব 'এ' ডিভিজন ফুটবল লীগ প্ৰতিযোগিতা আৰম্ভ হৈছে ৷ বঙাইগাঁও জিলাৰ মুঠ আঠটা ফুটবল দলে এই প্ৰতিযোগিতাত  অংশ গ্ৰহণ কৰিছে ৷ এই ফুটবল প্ৰতিযোগীতাৰ পতাকা উত্তোলন কৰে প্ৰবীণ খেলুৱৈ তথা জ্যেষ্ঠ নাগৰিক মহেশ্বৰ চৌধুৰীয়ে আৰু খেল উদ্বোধন কৰে বীৰঝৰা উচ্চতৰ মাধ্যমিক বিদ্যালয়ৰ অধ্যক্ষ কিশোৰ দাসে ৷ খেলৰ আৰম্ভণিতে 'এ' ডিভিজন ফুটবল লীগত যোগদান কৰা আঠটা দলকে জিলা ক্ৰীড়া সন্থাৰ তৰফৰ পৰা এটা কৈ ফুটবল প্ৰদান কৰাৰ লগতে কেইবাগৰাকী প্ৰবীণ ফুটবল খেলুৱৈক সম্ভৰ্ধণা জনোৱা হয় ৷ ইপিনে প্ৰথম দিনা বেতবাৰী সুৰভী সংঘ আৰু বঙাইগাঁও কোচিং চেন্টাৰৰ মাজত অনুষ্ঠিত হোৱা খেলখনত বঙাইগাঁও কোচিং চেণ্টাৰে সুৰভী সংঘক ২ - ১ গলৰ ব্যৱধানত পৰাজিত কৰে ৷🔯