💠নলবাৰী জিলাত সদ্য ব্যতিত বান পৰিস্থিতিৰ অন্তত বৰ্তমানে পূৰ্ণ গতিত অব্যাহত আছে ক্ষয়-ক্ষতিৰ জৰীপ

💠নলবাৰী জিলাত সদ্য ব্যতিত বান পৰিস্থিতিৰ অন্তত বৰ্তমানে পূৰ্ণ গতিত অব্যাহত আছে ক্ষয়-ক্ষতিৰ জৰীপ

💠 অসম চৰকাৰৰ দুজনকৈ সন্মানীয় মন্ত্ৰী ক্ৰমে জয়ন্ত মল্ল বৰুৱা আৰু নন্দিতা গার্লোছাৰ নলবাৰী জিলাৰ বানাক্ৰান্ত পৰিয়ালক ৩,৮০০/-টকাৰ আৰ্থিক সাহাৰ্য্য দিয়া সন্দৰ্ভত জিলা প্ৰশাসনৰে অনুষ্ঠিত হ'ল আজি এক পৰ্য্যালোচনা সভা* 

 💠যোগ্যজনে নোপোৱাকৈ থাকিব নোৱাৰিব আৰু অযোগ্যজনে কোনো কাৰণতেই পাব নোৱাৰিব, এই ক্ষেত্ৰত কোনো বেমেজালি ধৰা পৰিলে হিতাধিকাৰী চিনাক্তকৰণ প্ৰক্ৰিয়াৰ দায়িত্বত থকা সকলৰ বিৰুদ্ধে কঠোৰ আইনী ব্যৱস্থা লোৱা হ'ব: মন্ত্ৰী জয়ন্ত মল্ল বৰুৱা

📝নলবাৰীঃ ৪ জুলাই: নলবাৰী জিলাত বিগত মাহত সৃষ্টি হোৱা ভয়ংকৰ বান পৰিস্থিতিৰ অন্তত বৰ্তমানে জিলাখনৰ বান পৰিস্থিতি সম্পূৰ্ণৰূপে স্বাভাৱিক হোৱাৰ পথত। সদ্যব্যতিত বানে কৰা ক্ষয়-ক্ষতিৰ ক্ষেত্ৰত বানাক্ৰান্ত ৰাইজক চৰকাৰৰ তৰফৰ পৰা আৰ্থিক সাহাৰ্য্যৰে কিছু সকাহ দিয়াৰ উদ্দেশ্যে বৰ্তমানে জিলাখনত ক্ষয়-ক্ষতিৰ জৰীপ চলাই থকা হৈছে। বানশিবিৰস্থ তথা বানৰ কৱলত পৰি শিবিৰ সদৃশ অন্য ঠাইত আশ্ৰয়প্ৰাৰ্থী হ'বলগীয়া হোৱা পৰিয়াললৈ বস্ত্ৰ ও বাচন-বৰ্তন ইত্যাদি ক্ৰয়েৰে পুনৰসংস্থাপনৰ বাবে ৩,৮০০/-ৰ সাহাৰ্য্য আগবঢ়োৱা হ'ব। এই ক্ষেত্ৰত হিতাধিকাৰী চিনাক্ত সন্দৰ্ভত আজি নলবাৰী জিলা উপায়ুক্তৰ কাৰ্যালয়ৰ সভাকক্ষত অসম চৰকাৰৰ সন্মানীয় নৱনিযুক্ত মন্ত্ৰীদ্বয় ক্ৰমে-জয়ন্ত মল্ল বৰুৱা আৰু নন্দিতা গার্লোছাই এখন পৰ্য্যালোচনা সভা সম্বোধন কৰে। অসম চৰকাৰৰ সমাজ কল্যাণ বিভাগৰ প্ৰধান সচিব ও নলবাৰী জিলাৰ অভিভাৱক সচিব মুকেশ চাহু, উপায়ুক্ত গীতিমনি ফুকন, জিলা উন্নয়ন আয়ুক্ত মুন গগৈ, অতিৰিক্ত উপায়ুক্তসকল সম্বন্ধিতে সংশ্লীষ্ট সকলো বিভাগৰ মুৰব্বী বিষয়া-কৰ্মচাৰীৰ উপস্থিতিত অনুষ্ঠিত এই বৈঠকত জনস্বাস্থ্য ও কাৰিকৰী বিভাগৰ মন্ত্ৰী জয়ন্ত মল্ল বৰুৱাই পোনপ্ৰথমে জিলাখনত সদ্যব্যতিত বানৰ সময়ত ৰাইজে পৰ্য্যাপ্ত পৰিমানে বান সাহাৰ্য্য লাভ কৰিছিল নাই অৱগত হোৱাৰ চেষ্টা কৰে আৰু বান সাহাৰ্য্য বিতৰণৰ সৈতে জড়িত সকলোকে এই ক্ষেত্ৰত কোনো ধৰণৰ কৃপনালি নকৰিবৰ বাবে সঁকিয়াই দিয়ে। তেখেতে বানৰ ক্ষয়-ক্ষতিৰ জৰীপ অত্যন্ত সাৱধানতা অৱলম্বনৰ মাজেৰে কৰিবলৈ দোহাৰে আৰু যোগ্যজনে নোপোৱাকৈ থাকিব নোৱাৰিব আৰু অযোগ্যজনে কোনো কাৰণতেই পাব নোৱাৰিব বুলিও স্পষ্ট কৰি দিয়ে। ইয়াৰ উপৰিও তেখেতে এই হিতাধিকাৰী চিনাক্তকৰণ প্ৰক্ৰিয়াত কোনো ধৰণৰ বেমেজালি ধৰা পৰিলে ইয়াৰ দায়িত্বত থকা সকলৰ বিৰুদ্ধে কঠোৰ আইনী ব্যৱস্থা লোৱা হ'ব বুলিও উনুকীয়াই দিয়ে।

জিলাখনত এতিয়া প্রথম পৰ্য্যায়ত বান শিবিৰত আশ্ৰয় গ্ৰহণ কৰি থকা বানাক্ৰান্ত ৰাইজ তথা বানৰ কৱলত পৰি নিজৰ ঘৰ-দুৱাৰ এৰি অন্য ঠাইত আশ্ৰয় গ্ৰহণ কৰি শিবিৰ সদৃশ পৰিস্থিতিত দিন অতিবাহিত কৰিবলগীয়া হোৱা বানাক্ৰান্ত ৰাইজক তেওঁলোকৰ বানত ক্ষতি হোৱা  বস্ত্ৰ-বাচন-বৰ্তন ইত্যাদি ক্ৰয় কৰাৰ উদ্দেশ্য চৰকাৰৰ তৰফৰ পৰা ৩,৮০০/- টকাৰ  আৰ্থিক সাহাৰ্য্য বিতৰণ অহা দহ দিনমানৰ ভিতৰত সম্পূৰ্ণ কৰা হ'ব। ইয়াৰ বাবে হিতাধিকাৰী জৰীপৰ চূড়ান্ত তালিকা অহা ৭ জুলাইৰ ভিতৰত ৰাজহ চক্ৰ বিষয়া সকলে বিভাগীয় কৰ্তৃপক্ষৰ হাতত জমা দিব লাগিব। মন্ত্ৰী বৰুৱাই ৰাজহ চক্ৰ বিষয়া সকলক এই জৰীপ প্ৰক্ৰিয়া অত্যন্ত নিকা হোৱাটো সুনিশ্চিত কৰিবলৈ কয় আৰু ইয়াৰ বাবে কেৱল লাট মণ্ডল আৰু গাঁও বুঢ়াৰ ওপৰত নিৰ্ভৰ নকৰি এক সুকীয়া জৰীপ সমিতি গঠন কৰিবলৈও পৰামৰ্শ দিয়ে। জিলাখনত বৰ্তমানলৈকে প্ৰায় ১০,৫০০ হিতাধিকাৰীক এই আৰ্থিক সাহাৰ্য্যৰ বাবে চিনাক্ত কৰা হৈছে। বৰ্তমানেও জৰীপ প্ৰক্ৰিয়া অব্যাহত আছে আৰু এই সংখ্যা চূড়ান্ত নহয় ৷ দ্বিতীয় পৰ্য্যায়ত বানপানীত ঘৰ-সম্পত্তি আদিৰ ক্ষয়-ক্ষতি হোৱা বানাক্ৰান্তক আৰ্থিক সাহাৰ্য্য প্ৰদান কৰা হ'ব আৰু ইয়াৰ জৰীপৰ চূড়ান্ত তথ্য অহা ১৫ জুলাইৰ ভিতৰত বিভাগীয় কৰ্তৃপক্ষৰ হাতত আহি পৰিব লাগিব যাতে ২৫ জুলাইৰ ভিতৰত নিৰ্ধাৰিত আৰ্থিক সাহাৰ্য্য বিতৰণ সম্পূৰ্ণ কৰিব পৰা যায়। আংশিকভাৱে ক্ষতি হোৱা ঘৰ-সম্পত্তিৰ ক্ষেত্ৰত কেঁচা ঘৰৰ বাবে ৩২০০/- টকা আৰু পকা ঘৰৰ বাবে ৫২০০/-টকাৰ আৰ্থিক সাহাৰ্য্য দিয়া হ'ব। ঠিক সেইদৰে সম্পূৰ্ণৰূপে ক্ষতি সাধন হোৱা পকী বা কেঁচা উভয় ঘৰৰ বাবে হিতাধিকাৰীয়ে ৯৫,১০০/-টকাৰ আৰ্থিক সাহাৰ্য্য লাভ কৰিব।

মন্ত্রী নন্দিতা গার্লোছাইও আৰ্থিক বান সাহাৰ্যৰ হিতাধিকাৰী চিনাক্ত প্ৰক্ৰিয়া পূৰ্ণৰূপে নিকা হোৱাৰ পোষকতা কৰে। তেখেতে এই জৰীপ প্ৰক্ৰিয়া অত্যন্ত সূক্ষ্ম দৃষ্টিকোণেৰে সমাপন কৰিবলৈ কয় আৰু  বানাক্ৰান্ত হিতাধিকাৰীৰ পৰা দুয়োধৰণৰ সাহাৰ্যৰ বাবে এবাৰতেই তথ্য সংগ্ৰহ কৰিবলৈ কয় আৰু জৰীপ তথ্য সংগ্ৰহৰ নামত বানপীড়িত সকলক বাৰে বাৰে ব্যতিব্যস্ত নকৰিবলৈও অনুৰোধ জনায়। আজিৰ বান পৰ্য্যালোচনা সভাৰ শেষৰ ফালে ক'ভিডত নিকাটাত্মীয় হেৰুৱা জিলাখনৰ  ন গৰাকীকৈ হিতাধিকাৰীক 'প্ৰাৰ্থনা' আঁচনিৰ অধীনত "এক লাখ টকাৰ চেক বিতৰণ কৰা হয়। আজিৰ এই সভাতেই বৰ্তমানে উদযাপিত হৈ থকা বান মহোৎসৱৰ পৰিপ্ৰেক্ষিতত সামাজিক বনানিকৰণ বিভাগৰ তৰফৰ পৰা সন্মানীয় অতিথিসকলক সম্বৰ্ধনা জনোৱাৰ লগতে অতিথি সহিত উপস্থিত সকলোকে এটিকৈ গছপুলি বিতৰণ কৰা হয়।🔯