🔯বঙাইগাঁৱত নিশা সংঘটিত পথ দুৰ্ঘটনাত নিহত স্কুটী আৰোহী🔯

🔯বঙাইগাঁৱত নিশা সংঘটিত পথ দুৰ্ঘটনাত নিহত স্কুটী আৰোহী🔯

📝বঙাইগাঁওঃ ৬ জুলাইঃ বঙাইগাঁও সদৰ থানাৰ অন্তৰ্গত পুৰণি বঙাইগাঁৱত মঙলবাৰে নিশা সংঘটিত এক পথ দুৰ্ঘটনাত এজন স্কুটী আৰোহী থিতাতে নিহত হয় ৷ নিহত স্কুটী আৰোহীজন বঙাইগাঁৱৰ মাজগাঁও দ্বিকীয় খণ্ডৰ প্ৰতুল চন্দ্ৰ ৰায় (২৬) বুলি চিনাক্ত কৰা হয় ৷ জানিব পৰা মতে নিশা প্ৰায় ১০: ৩০ বজাত পথ দুৰ্ঘটনাটো সংঘটিত হয় ৷ মাজগাঁৱৰ যুৱকজনে এ এছ ১৯ এন ০৪৬১ নম্বৰৰ স্কুটীৰে বঙাইগাঁৱৰ দিশৰ পৰা  মাজগাঁৱৰ নিজ ঘৰলৈ বুলি গৈ থকা অৱস্থাত পুৰণি বঙাইগাঁৱৰ  উচ্চ বুনিয়াদী বিদ্যালয়ৰ সন্মুখত যান - বাহনৰ গতি নিয়ন্ত্ৰণৰ বাবে পথত থকা পুলিচ বেৰিকেটত তীব্ৰ বেগত খুন্দা মাৰে ৷ ফলত ঘটনাস্থলীতে নিহত হয় স্কুটী আৰোহী প্ৰতুুল চন্দ্ৰ ৰায় ৷ পিচত দুৰ্ঘটনাৰ খবৰ পাই ঘটনাস্থলীত যান বাহন শাখাৰ আৰক্ষী উপস্থিত হৈ যাৱতীয় ব্যৱস্থা গ্ৰহণ কৰে৷ আনহাতে আজি বঙাইগাঁও অসামৰিক চিকিৎসালয়ত মৃতদেহৰ মৰণোত্তৰ পৰীক্ষা সম্পন্ন হোৱাৰ পিচত মৃতদেহটো পৰিয়ালৰ লোকক গতাই দিয়ে আৰক্ষীয়ে ৷ জানিব পৰা মতে প্ৰতুল চন্দ্ৰ ৰায়ে মাংস বিক্ৰী কৰিছিল ৷ 🔯