🔯বঙাইগাঁৱৰ মূলাগাঁৱৰ লাল বাহাদুৰ শাস্ত্ৰী বিদ্যাপীঠক উচ্চতৰ মাধ্যমিক বিদ্যালয়লৈ উন্নীতকৰণ🔯

🔯বঙাইগাঁৱৰ মূলাগাঁৱৰ লাল বাহাদুৰ শাস্ত্ৰী বিদ্যাপীঠক উচ্চতৰ মাধ্যমিক বিদ্যালয়লৈ উন্নীতকৰণ🔯

🔯বিধায়ক ফণীভূষণ চৌধুৰীয়ে মুকলি কৰিলে ভৱনৰ দ্বাৰ🔯 

📝বঙাইগাঁওঃ ২৪ জুলাই: বঙাইগাঁও চহৰৰ নিকটৱৰ্তী মূলাগাঁৱস্থিত লাল বাহাদুৰ শাস্ত্ৰী বিদ্যাপীঠক হাইস্কুলৰ পৰা উচ্চতৰ মাধ্যমিক বিদ্যালয়লৈ উন্নতিকৰণ কৰি একাদশ শ্ৰেণীৰ শুভাৰম্ভ কৰা হয় ৷ এই উপলক্ষে শুকুৰবাৰে বিদ্যালয় চৌহদত এক মাঙ্গলিক অনুষ্ঠান সমাপনৰ পিছতে বিদ্যালয়খনৰ প্ৰধান শিক্ষক মমিৰ উদ্দিন শ্বেখে বিদ্যালয়ৰ পতাকা উত্তোলন কৰে ৷ তদুপৰি বিদ্যালয়খনৰ গুৰি ধৰোঁতা অৱসৰী প্ৰধান শিক্ষক ৰুদ্ৰেশ্বৰ পাঠকে স্মৃতি সৌধত স্মৃতি তৰ্পন কৰে৷ ইয়াৰ পিছতে উচ্চতৰ মাধ্যমিক বিদ্যালয়ৰ ভৱনটিৰ দ্বাৰ  মুকলি কৰে বিধায়ক ফণীভূষন চৌধূৰীয়ে ৷ লক্ষ্যণীয় যে বঙাইগাঁও জিলাৰ বিদ্যালয়সমূহৰ পৰিদৰ্শক জোৎস্নাৰাণী বৰ্মনে বন্তি প্ৰজ্বলনেৰে শ্ৰেণীৰ শুভাৰম্ভ কৰে৷ এই উপলক্ষে বিদ্যালয়ৰ প্ৰেক্ষাগৃহত বিদ্যালয় পৰিচালনা আৰু উন্নয়ন সমিতিৰ সভাপতি অনিল কুমাৰ সিংহৰ পৌৰোহিত্যত অনুষ্ঠিত হয় উদ্বোধনী সভা ৷ উদ্বোধনী গীতৰ পিছতে বিশিষ্ট ব্যক্তি সকলক সম্বোৰ্ধনা জনোৱাৰ লগতে নতুনকৈ শিক্ষকতা কৰিবলৈ আগ বাঢ়ি অহা শিক্ষয়িত্ৰী চাৰি গৰাকীক সভাপতি অনিল কুমাৰ সিংহই দ্বায়িত্ব আৰু কৰ্তব্যৰ প্ৰতীক হিচাবে একোখনি ফুলাম গামোচা অৰ্পণ কৰে ৷ পিছত একাদশ শ্ৰেণীত নাম ভৰ্ত্তি কৰা ছাব্বিশ গৰাকী ছাত্ৰ-ছাত্ৰীক বিধায়ক চৌধুৰীয়ে ফুলাম গামোছাৰে আঁদৰণি জনায়৷ উদ্বোধনী ভাষণত বিধায়ক চৌধুৰীয়ে অনুষ্ঠানটিৰ প্ৰতি ৰাইজৰ দ্বায়বদ্ধতাৰ কথা সোঁৱৰাই দিয়াৰ লগতে বিদ্যালয় আৰু ছাত্ৰ-ছাত্ৰী সকলোৰ উজ্বল ভবিষ্যত কামনা কৰে ৷ বিশিষ্ট অতিথিৰ আসনৰ পৰা বিদ্যালয় সমূহৰ পৰিদৰ্শক জোৎস্না ৰাণী বৰ্মনেও ভাষণ প্ৰদান কৰে৷🔯