🔯বঙাইগাঁও জিলা কোচ ৰাজবংশী যুৱ ছাত্ৰ সন্মিলনীৰ দাবী🔯

🔯বঙাইগাঁও জিলা কোচ ৰাজবংশী যুৱ ছাত্ৰ  সন্মিলনীৰ দাবী🔯

🔯বঙাইগাঁও আৰু ধুবুৰী জিলাৰ সংলগ্ন চিৰাং আৰু কোকৰাঝাৰ জিলাৰ কোচ ৰাজবংশী অধ্যুষিত অঞ্চল সমূহ কৰ্তন কৰিবই লাগিব🔯

📝বঙাইগাঁওঃ১৩ জুলাইঃ বি.টি.আৰ. চুক্তিৰ ৩ নং দফা অনুসৰি বঙাইগাঁও আৰু ধুবুৰী জিলাৰ সংলগ্ন চিৰাং আৰু কোকৰাঝাৰ জিলাৰ কোচ ৰাজবংশী অধ্যুষিত অঞ্চল সমূহ কৰ্তন কৰিবই লাগিব। এই দাবী জনাইছে  সদৌ কোচ ৰাজবংশী যুৱ-ছাত্ৰ সন্মিলনীৰ বঙাইগাঁও জিলা সমিতিয়ে ৷ এক প্ৰেছ বিবৃতিত জিলা সমিতিৰ ভাৰপ্ৰাপ্ত সভাপতি দেৱেন দাস আৰু সাধাৰণ সম্পাদক জয়ন্ত সিংহই কয় যে বি.টি.আৰ. চুক্তিৰ ৩ নং দফা অনুসৰি ইতিমেধ্য আয়োগ গঠন হৈছে যদিও আয়োগে বর্তমান সময়লৈকে প্রতিবেদন প্রকাশ কৰা নাই। সেইদৰে কেইমাহ মান আগত অসমৰ বিভিন্ন সংবাদ মাধ্যমত যুক্তিপূৰ্ণ গাঁও সমূহ কৰ্তনৰ সলনি বি.টি.আৰ. চুক্তি স্বাক্ষৰকাৰী এটা পক্ষৰ দ্বাৰা চক্ৰান্তৰে নতুন গাঁও অন্তর্ভূক্তিৰ  ষড়যন্ত্ৰ চলি থকাৰ বাতৰি প্ৰকাশ পাইছিল বুুলি উল্লেখ কৰি ইয়াৰ কাৰণেই আয়োগখনে লেহেমীয়া গতিত কাম কৰি থকা বুলি নেতাদ্বয়ে অভিযোগ কৰিছে ৷ সেয়ে এই গাঁও সমূহ অতিশীঘ্ৰে কৰ্তন নহ'লে তীব্র গণ আন্দোলন গঢ়ি তোলা হ’ব বুলি উল্লেখ কৰিছে বিবৃতিটোত ৷🔯