🔯NQAC চাৰ্টিফিকেট লাভ কৰি বৰপেটাৰ হাজীপাৰা স্বাস্থ্য আৰু কল‍্যাণ কেন্দ্ৰই উত্তৰপূৰ্ব ভাৰতৰ স্বাস্থ্য সেৱালৈ কঢ়িয়াই আনিলে অভূতপূৰ্ব সাফল্য🔯

🔯NQAC চাৰ্টিফিকেট লাভ কৰি বৰপেটাৰ হাজীপাৰা স্বাস্থ্য আৰু কল‍্যাণ কেন্দ্ৰই  উত্তৰপূৰ্ব ভাৰতৰ স্বাস্থ্য সেৱালৈ কঢ়িয়াই আনিলে অভূতপূৰ্ব সাফল্য🔯

📝বৰপেটাঃ ১১ জুলাইঃ আজি বৰপেটা স্বাস্থ্য বিভাগে লাভ কৰিলে এক অভূতপূৰ্ব সফলতা। বৰপেটা জিলা স্বাস্থ্য আৰু পৰিয়াল পৰিকল্পনা বিভাগৰ  ভৱানীপুৰ খণ্ড প্ৰাথমিক স্বাস্থ্য কেন্দ্ৰৰ অন্তৰ্গত হাজীপাৰা স্বাস্থ্য আৰু কল‍্যাণ কেন্দ্ৰ (Health and Wellness Centre) য়ে লাভ কৰে NQAS চাৰ্টিফিকেট। উল্লেখযোগ্য যে উত্তৰপূব ভাৰতৰ ভিতৰত পোন প্ৰথমবাৰৰ বাবে হাজীপাৰা স্বাস্থ্য কেন্দ্ৰ‌ই এই  সন্মান লাভ কৰিবলৈ সক্ষম হৈছে আৰু ভাৰতৰ ভিতৰত দ্বিতীয় NQAS চাৰ্টিফিকেট লাভ কৰা স্বাস্থ্য আৰু কল‍্যাণ কেন্দ্ৰৰূপে পৰিগণিত হৈছে। হাউলীৰ পৰা প্ৰায় তিনিকিলোমিটাৰ নিলগত অৱস্থিত হাজীপাৰা উপ স্বাস্থ্য কেন্দ্ৰটো  ২০১৮ চনত উপ স্বাস্থ্য কেন্দ্ৰৰ পৰা স্বাস্থ্য আৰু কল‍্যাণ কেন্দ্ৰলৈ উন্নীত হৈছিল। এজন মুখ‍্য স্বাস্থ্য বিষয়া আৰু দুগৰাকী নাৰ্ছ থকা এই স্বাস্থ্য কেন্দ্ৰটিয়ে বিভিন্ন জটিল ৰোগ নিৰ্ণয় কৰাৰ উপৰিও আৰু এঘাৰটা বিভাগৰ সেৱা নিৰন্তৰভাৱে আগবঢ়াই আহিছে।

ভাৰত চৰকাৰৰ স্বাস্থ্য আৰু পৰিকল্পনা কল‍্যাণ মন্ত্ৰালয়ে জনসাধাৰণক বিশ্ব পৰ্যায়ৰ গুণগত স্বাস্থ্যসেৱা আগবঢ়াবৰ কাৰণে National Quality Assurance Standards নামৰ এই চাৰ্টিফিকেচন প্ৰক্ৰিয়াটো হাতত  লৈছিল। জিলাখনত এই বাতৰি বিয়পি পৰাৰ লগে লগে সকলোৱে একমুখে স্বীকাৰ কৰে যে, এয়া সম্ভৱ হৈছে জিলা প্ৰশাসনৰ সবল নেতৃত্ব আৰু জিলাৰ মুৰব্বী জনাৰ ক্ষেত্ৰ পৰ্যায়ত আগবঢ়োৱা বৰঙণিৰ বাবে। এই সন্মান লাভ কৰাৰ বাবে উৎফুল্লিত হৈ জিলা উপায়ুক্ত তেজ প্ৰসাদ ভূচাল, অতিৰিক্ত উপায়ুক্ত (স্বাস্থ্য),  জিলা স্বাস্থ্য আৰু পৰিয়াল কল‍্যাণ বিষয়া তীৰ্থনাথ শৰ্মাকে প্ৰমূখ‍্য কৰি বৰপেটা জিলাৰ স্বাস্থ্য সেৱাৰ লগত জড়িত সকলো ব‍্যক্তিকে অভিনন্দন জনায় আৰু অনাগত দিনত বৰপেটা জিলাৰ স্বাস্থ্য খণ্ড‌ই আমূল  পৰিবৰ্তন আনিব বুলি আঁশা প্ৰকাশ কৰে।🔯