🔯বঙাইগাঁও কলেজত ৰাষ্ট্ৰীয় পৰ্যায়ৰ আলোচনা চক্ৰ সম্পন্ন🔯

🔯বঙাইগাঁও কলেজত ৰাষ্ট্ৰীয় পৰ্যায়ৰ আলোচনা চক্ৰ সম্পন্ন🔯 

📝বঙাইগাঁওঃ ২৭ আগষ্ট : ইণ্ডিয়ান কাউন্সিল অফ ছ'চিয়েল ছায়েন্স ৰিছাৰ্ছ ,এন ই আৰচি,শ্বিলঙৰ অৰ্থ সাহায্যত  তথা বঙাইগাঁও মহাবিদ্যালয়ৰ শিক্ষা বিভাগৰ উদ্যোগত শনিবাৰে বঙাইগাঁও মহাবিদ্যালয়ত দুদিনীয়া কাৰ্যসূচীৰ অংশ হিচাপে “ কোৱালিটি কনছাৰ্ন ইন হাইয়াৰ ইডুকেশ্বন,এ ভিউ ফ্ৰম ইণ্ডিয়া ” শীৰ্ষক এক ৰাষ্ট্ৰীয় পৰ্যায়ৰ আলোচনাচক্ৰ অনুষ্ঠিত হয় ৷ বঙাইগাঁও মহাবিদ্যালয় প্ৰশালাত শনিবাৰে আয়োজিত ৰাষ্ট্ৰীয় পৰ্যায়ৰ  আলোচনাচক্ৰত ভাৰতবৰ্ষৰ নতুন দিল্লী, অৰুণাচল, নাগালেণ্ড, মেঘালয়, মনিপুৰ,এলাহাবাদ আদি বিভিন্ন প্ৰান্তৰ পৰা অধ্যাপক,প্ৰৱক্তা আদিয়ে অংশ গ্ৰহণ কৰে ৷ আলোচনাচক্ৰত দিল্লী বিশ্ববিদ্যালয়ৰ ড° সন্দিপ কুমাৰে মূল ভাষণ আগবঢ়ায় ৷ কটন বিশ্ববিদ্যালয়ৰ অধ্যাপক অনু দাস শৰ্মা আৰু বড়োলেণ্ড বিশ্ববিদ্যালয়ৰ অধ্যাপক নিৰোধা মেধি আদিয়ে  উপস্থিত থকা আলোচনাচক্ৰত সমবেত কলেজ শিক্ষক তথা বিভিন্ন ৰিচাৰ্ছ স্ক'লাৰ সকলৰ পাঠ কৰা  গৱেষণা পত্ৰ সমূহ একাডেমিক ছেচনত উপস্থাপন কৰে গুৱাহাটী বিশ্ববিদ্যালয়ৰ পূৰবী বৈশ্যই ৷ উল্লেখ্য ৰাজ্যখনত যদিও উচ্চ শিক্ষাৰ প্ৰতিষ্ঠান বঢ়াছে যদিও শিক্ষা প্ৰতিষ্ঠান সমূহে বিভিন্ন সমস্যাত ভূগিবলগীয়া হৈছে ৷ সেয়ে এই ৰাষ্ট্ৰীয় পৰ্যায়ৰ আলোচনাচক্ৰৰ মাধ্যমেৰে যাতে এনে সমস্যা সমূহ দূৰীকৰণ কৰিব পৰা যায় আৰু ইয়াৰ এটা সুস্থিৰ সিদ্ধান্ত লৈ আহিব পাৰে,তাৰে ওপৰত আলোচনাচক্ৰত বিশেষভাৱে স্থান লাভ কৰাৰ কথা ব্যক্ত কৰে মহাবিদ্যালয়ৰ অধ্যক্ষ ডঃ দীনেশ দাসে ৷উল্লেখ্য কাইলৈ (দেওবাৰে ) বঙাইগাঁও মহাবিদ্যালয়ত চৰকাৰী চাকৰিৰ লিখিত পৰীক্ষা অনুষ্ঠিত হোৱাৰ প্ৰতি লক্ষ্যৰাখি দুদিনীয়া কাৰ্যসূচীৰ আলোচনাচক্ৰ এদিনতে সম্পন্ন কৰা হয়৷🔯