🔯মঙলবাৰৰ পৰা বঙাইগাঁও-বিদ্যাপুৰৰ মাজত আৰম্ভ হ'ব অসম ৰাজ্যিক পৰিবহন নিগমৰ বাছ সেৱা🔯

🔯মঙলবাৰৰ পৰা বঙাইগাঁও-বিদ্যাপুৰৰ মাজত আৰম্ভ হ'ব অসম ৰাজ্যিক পৰিবহন নিগমৰ বাছ সেৱা🔯

📝বঙাইগাঁওঃ ১২ ছেপ্তেম্বৰঃ বঙাইগাঁও চহৰৰ পৰা জিলাখনৰ বিদ্যাপুৰৰ মাজত কাইলৈৰ পৰা (১৩ ছেপ্তেম্বৰৰ) অসম ৰাজ্যিক পৰিবহন নিগমৰ বাছ সেৱা আৰম্ভ হ'ব। এই বাছ সেৱাৰ শুভ আৰম্ভণি উপলক্ষে সোমবাৰে পঞ্চপুৰ বজাৰ গৃহত এক ৰাজহুৱা সভা অনুষ্ঠিত হয়৷ অসম ৰাজ্যিক  পৰিবহন নিগমৰ বঙাইগাঁও সংমণ্ডল অধীক্ষক  বিকাশ ঘোষ, বঙাইগাঁও আস্থান অধীক্ষক মধুমিতা কাশ্যপ, কেএচিৰ সাধাৰণ সদস্য ত্ৰৈলোক্য ৰায়, আটুগাঁও পঞ্চায়তৰ সভাপতি দিলীপ সিংহ,বঙাইগাঁও জিলা কোচ ৰাজবংশী যুৱ-ছাত্ৰ সন্মিলনীৰ কাৰ্য্যালয় সম্পাদক জগত জীৱন চৌধুৰী, বঙাইগাঁও জিলা কেআৰএছএছৰ সাধাৰণ সম্পাদক বাণেশ্বৰ বৰুৱাকে আদি কৰি ভালেমান ব্যক্তি অনুষ্ঠানত উপস্থিত থাকে ৷ উল্লেখ্য  যে অসম ৰাজ্যিক পৰিবহন নিগমৰ বাছ সেৱা অনুষ্ঠানিক ভাৱে শুভাৰম্ভণি কৰে সংমণ্ডল অধীক্ষক বিকাশ ঘোষ আৰু কেএচিৰ সাধাৰণ সদস্য ত্ৰৈলোক্য ৰায়ে। 

এইখিনিতে উল্লেখ কৰিব পাৰি যে পূৰ্বে বিদ্যাপুৰলৈ বাছ সেৱা আছিল যদিও বিভিন্ন কাৰণত বন্ধ হৈ পৰিছিল ৷ ফলত বৃহত্তৰ অঞ্চলটোৰ শিক্ষাৰ্থী তথা ৰাইজে লঘু বাহনযোগে বঙাইগাঁওলৈ অহা - যোৱা কৰিবলগীয়া হোৱাত আৰ্থিক দিশত জুৰুলা হ'বলগীয়া হৈ আহিছে ৷ সেয়ে পৰিবহন বিভাগৰ দ্বাৰা বাছ সেৱা আৰম্ভ হলে বৃহত্তৰ অঞ্চলটোৰ ৰাইজ উপকৃত হ'ব বুলি সচেতন ব্যক্তিসকলে মন্তব্য কৰিছে ৷ প্ৰথম অৱস্থাত এই বাছ সেৱা পুৱাৰ ভাগত ৮:৩০ বজাত বিদ্যাপুৰৰ পৰা বঙাইগাঁওলৈ আৰু পুৱা ৯:৪৫ বজাত বঙাইগাঁৱৰ পৰা বিদ্যাপুৰলৈ চলিব ৷ সেইদৰে আবেলিৰ ভাগত দিনৰ ২ বজাত পুনৰ বিদ্যাপুৰৰ পৰা বঙাইগাঁলৈ আৰু বঙাইগাঁৱৰ পৰা ৩:৩০ বজাত বিদ্যাপুৰলৈ চলিব ৷🔯