🔯মিঞা মিউজিয়াম বিজেপিৰ ৰাজনৈতিক ইছ্যু : বিধায়ক আব্দুল কালাম ৰছিদ আলম🔯

🔯মিঞা মিউজিয়াম বিজেপিৰ ৰাজনৈতিক ইছ্যু : বিধায়ক আব্দুল কালাম ৰছিদ আলম🔯

🔯বিজেপি মন্ত্ৰী - বিধায়কৰ ৰাজহ বাঢ়িছে, চৰকাৰৰ ৰাজহ কমিছে🔯 

🔯ক'ত চিণ্ডিকেট চলা নাই ? কেইদিনমান পিচত গোৱালপাৰাত আহিলে গম পাব কয়লাৰ চিণ্ডিকেট কেনেকৈ চলে🔯

🔯বৰাকত হুলুস্থূল লগা তামোল এতিয়া গোৱালপাৰা হৈ গৈ আছে🔯

📝বঙাইগাঁওঃ ২৯ অক্টোবৰঃ মিঞা মিউজিয়ামক বিজেপি দলে ৰাজনৈতিক ইছ্যু বনাইছে ৷ ইয়াকলৈ বিজেপি নেতৃত্বাধীন চৰকাৰে ইমান হুলস্থূল কৰাৰ কোনো প্ৰয়োজন নাছিল ৷ কাৰণ বিধান সভাৰ মজিয়াত মিঞা মিউজিয়াম কলাক্ষেত্ৰত নিৰ্মাণ কৰা প্ৰস্তাৱ উঠিছিল ৷ এই প্ৰস্তাৱ আগবঢ়াইছিল বিধায়ক শ্বেৰমান আলীয়ে ৷ গতিকে এইটো প্ৰসংগলৈ বিজেপি নেতৃত্বাধীন চৰকাৰে যিমান হুলস্থূল লগাইছে এয়া যে বিজেপিৰ ৰাজনৈতিক ইছ্যু এই কথা বুজিবলৈ বাকী নেথাকে ৷ এই মন্তব্য আগবঢ়াইছে পূৱ গোৱালপাৰা বিধান সভা সমষ্টিৰ কংগ্ৰেছ বিধায়ক আব্দুল কালাম ৰছিদ আলমে ৷ বিধায়ক গৰাকীয়ে শনিবাৰে বঙাইগাঁও আৱৰ্ত ভৱনত উপস্থিত হৈ সংবাদ মাধ্যমৰ আগত  এই মন্তব্য আগবঢ়াই লগতে  তেওঁ কয় যে কলাক্ষেত্ৰত মিঞা মিউজিয়াম স্থাপনৰ প্ৰসংগ বিধানসভাত উত্থাপন হোৱাৰ পিছত বিজেপিয়ে চৰকাৰ গঠন কৰিলে ৷ শ্বেৰমান আলীয়ে এই বিষয়টো মিডিয়াত আনিলে ৷ মিডিয়াত অনাৰ পিচত ই এটা ইছ্যু হ'ল  যে শ্বেৰমান আলীয়ে কলাক্ষেত্ৰত মিঞা মিউজিয়াম স্থাপন কৰিব বিচাৰিছে ৷ বিজেপিৰ ট্ৰাম কাৰ্ড হৈ গ'ল ৷ এই শব্দটোৱে বিজেপিৰ চৰকাৰ আনি দিলে ৷ চৰকাৰৰ হাতত আন কোনো ইছ্যু নাছিল ৷ এইটোৱে ইছ্যু আছিল ৷ এতিয়া পুনৰ লোকসভা নিৰ্বাচন আহিছে ৷ গতিকে এই ইছ্যুটো বিজেপিয়ে পুনৰ ৰাজনৈতিক হাতিয়াৰ হিছাপে ব্যবহাৰ কৰিব বিচাৰিছে ৷ বিধায়গৰাকীয়ে লগতে কয় যে মিঞা মিউজিয়াম বন্ধ কৰিছে যদিও এই মিউজিয়ামত থকা নাঙলক অপমান কৰা হৈছে ৷ নাঙলৰ অপমান মানে গোটেই কৃষক সমাজক অপমান কৰা বুজায় ৷ তেওঁৰ মতে নাঙল আৰু মাছমৰীয়া সঁজুলিসমূহ মিঞা পৰিষদৰ পৰা চৰকাৰে অধিগ্ৰহণ কৰি ৰাখিব লাগে ৷ তেওঁ লগতে জনায় যে নাঙল কেৱল অসমতে নহয় পশ্চিমবংগসহ গোটেই এছিয়া মহাদেশত কৃষি ক্ষেত্ৰত ব্যবহাৰ কৰি আহিছে এই নাঙল ৷ অসমীয়াইও কৰে ৷ মই মিঞাৰ সংজ্ঞা কতো পোৱা নাই ৷ মিঞা মানে জনাব, ডাঙৰীয়া বুলি সম্বোধন কৰো ৷ কোনোবাই আকৌ মিঞা উপাধি লিখে ৷ কিন্তু মিঞা পৰিষদ এইবোৰ সকলো বিজেপিৰ সৃষ্টি ৷ ইপিনে মিঞা মিউজিয়াম উদ্বোধন কৰাৰ ক্ষেত্ৰত গোৱালপাৰা জিলা উপায়ুক্তৰ অনুমতি থকা বুলি উঠা প্ৰসংগত বিধায়ক গৰাকীয়ে কয় যে মিঞা মিউজিয়াম উদ্বোধনৰ ক্ষেত্ৰত আবেদন কৰা হৈছিল যদিও জিলা উপায়ুক্তই কোনো অনুমতি দিয়া নাছিল ৷ তেওঁৰ মতে  আবেদন পত্ৰখন জিলা উপায়ুক্তলৈ গৈ পোৱা নাছিল ৷ হয়তো ৰিছিভতে পৰি আছিল এই আবেদন পত্ৰখন ৷ আনহাতে মিঞা মিউজিয়ামৰ ক্ষেত্ৰত আগভাগ লোৱা সকলোকে গ্ৰেপ্তাৰ কৰি জেহাদীৰে সম্পৰ্ক থকাৰ কথা কোৱা হৈছে ৷ সেয়ে এই প্ৰসংগত বিধায়কগৰাকীৰ প্ৰতিক্ৰিয়া জানিব বিচৰাত বিধায়কগৰাকীয়ে সংবাদ মাধ্যমৰ আগত কয় যে এইবোৰ চৰকাৰৰ নাটকহে ৷ উন্নয়নৰ প্ৰসংগ বাদদি চৰকাৰে এতিয়া এই জেহাদীৰ নাটক লৈ ব্যস্ত হৈ পৰিছে ৷ বিধায়কগৰাকীয়ে লগতে কয় যে এতিয়া  মিঞা মিউজিয়ামৰ কথাকলৈ মানুহ বিতৃষ্ণা হৈ গৈছে ৷ এইবিলাক শব্দ আৰু মানুহে শুনিব বিচৰা নাই ৷ মানুহ এতিয়া পেটৰ ভোকত মৰি আছে কাম নাই, নিবনুৱা হৈ পৰিছে ৷ বয়- বস্তুৰ দাম বৃদ্ধি পাইছে, দুৰ্নীতি হৈ আছে, বিজেপি মন্ত্ৰী - বিধায়কৰ ৰাজহ বাঢ়িছে, চৰকাৰৰ ৰাজহ কমিছে ৷ ঠিকাদাৰে বিল পোৱা নাই ৷ অৱস্থা তথৈবচ হৈ পৰিছে ৷ এই যে চৰকাৰৰ এনেকুৱা এটা পৰিস্থিতি ইয়াৰ কাৰণ হ'ল চৰকাৰে চৰকাৰী ৰাজহতকৈ নিজৰ ৰাজহটো বেছি তুলি আছে ৷ ৰাজহ কেনেকৈ বঢ়াব পাৰি সেইটো চেষ্টা কৰক ৷ ক'ত চিণ্ডিকেট চলা নাই ? কেইদিনমান পিচত গোৱালপাৰত গম পাব কয়লাৰ চিণ্ডিকেট কেনেকৈ চলে ৷ কয়লাৰ গাড়ীৰ মালিকক টেটু চেপি এই মন্ত্ৰী বাহিনীয়ে কেনেকৈ ধন লয়  গোৱালপাৰালৈ আহিলে মই স্পষ্টভাৱে দেখুৱাই দিম ৷ যেতিয়া ব্যক্তিগত ৰাজহ ল'ব, তেতিয়া চৰকাৰী ৰাজহ কমি যাব ৷ কয়লাৰ গাড়ীৰ পৰা ১ লাখৰ পৰা ১ লাখ ১০ হাজাৰকৈ টকা লোৱা ইতিহাসত এনে দুৰ্নীতি পোৱা নাই ৷ চৰকাৰক ৰাজহ দিব লাগে ১৪ হাজাৰৰ পৰা ২৫ হাজাৰ টকা ৷ এই গোটেই খেলত চাব অসমখনক যি গোষ্ঠীয়ে শোষন কৰি আছে সেই গোষ্ঠী জড়িত ৷ আজি চৰকাৰে বহিৰাগত বনিয়াক অসমখন লিজত দিছে ৷ মিঠাতেলৰ টেংকাৰ, ৰেক বিলাক যে অসমত আহে কিমান মূল্য হিচাপে আহে আৰু পেকেটিঙৰ পিচত কিমান মূল্য হয় চাব ৷ এক গাড়ী চিমেণ্ট পোনপটীয়াকৈ উদ্যোগৰ পৰা লৈ আহক কিমান মূল্য পৰে আৰু যেতিয়া চিণ্ডিকেটৰ মাধ্যমেৰে আনে কিমান পৰে ? মিঠাতেল, কণী,মূৰ্গী, তামোল সকলোতে চিণ্ডিকেট ৷ বৰাকত হুলুস্থূল লগা তামোল এতিয়া গোৱালপাৰা হৈ গৈ আছে ৷ গতিকে সময়ত সকলো কম ৷ এতিয়া চৰকাৰী ভ্ৰমণত আহিছো বাবে ক'ব নোৱাৰি বুলিও বিধায়কগৰাকীয়ে কয় ৷🔯