🔯বঙাইগাঁৱত ৰাষ্ট্ৰীয় একতা দিৱস পালন🔯

🔯বঙাইগাঁৱত ৰাষ্ট্ৰীয় একতা দিৱস পালন🔯 

 🔯 মন্ত্ৰী ৰণজিৎ কুমাৰ দাসে ফ্লেগ অফ কৰিলে একতাৰ দৌৰৰ🔯

📝বঙাইগাঁওঃ ৩১অক্টোবৰঃ ভাৰতৰ লৌহ মানৱ,অগ্ৰণী স্বাধীনতা সংগ্ৰামী তথা স্বাধীন ভাৰতৰ প্ৰথমগৰাকী গৃহ মন্ত্ৰী চৰ্দাৰ বল্লভ ভাই পেটেলৰ ১৪৭ সংখ্যক জন্মদিনটো সোমবাৰে সমগ্ৰ দেশৰ লগতে বঙাইগাঁও জিলাতো 'ৰাষ্ট্ৰীয় একতা দিৱস" হিচাপে পালন কৰা হয় ৷ এই উপলক্ষ্যে বঙাইগাঁও জিলা প্ৰশাসনৰ উদ্যোগত পুৱা স্থানীয় গান্ধী ময়দানৰ পৰা "একতাৰ দৌৰ"কাৰ্যসূচীৰ আয়োজন কৰা হয়। এই একতাৰ দৌৰ কাৰ্যসূচী পতাকা জোকাৰি শুভাৰম্ভ কৰে পঞ্চায়ত আৰু গ্ৰামোন্নয়ন,খাদ্য,অসামৰিক যোগান আৰু গ্ৰাহক পৰিক্ৰমা তথা সাধাৰণ প্ৰশাসন বিভাগ তথা বঙাইগাঁও জিলাৰ অভিভাৱক মন্ত্ৰী ৰণজিৎ কুমাৰ দাস আৰু জিলাখনৰ ক্ৰীড়া পেঞ্চন প্ৰাপক তৰুণ চৌধুৰীয়ে। বঙাইগাঁও গান্ধী ময়দানৰ পৰা আৰম্ভ কৰি এই একতাৰ দৌৰ চহৰখনৰ প্ৰধান পথেৰে মায়াপুৰী হৈ ষ্টেশ্যন ৰোডেৰে পুনৰ গান্ধী ময়দানত উপস্থিত হৈ সমাপ্ত কৰা হয়। এই একতাৰ দৌৰ কাৰ্যসূচী উদ্বোধন কৰি মন্ত্ৰী ৰণজিৎ কুমাৰ দাসে কয় যে ভাৰতৰ ঐক্য-সংহতিৰ প্ৰতি যোগোৱা অনবদ্য অৱদানৰ বাবে চৰ্দাৰ বল্লভ ভাই পেটেলৰ প্ৰতি শ্ৰদ্ধা জনাই ভাৰত চৰকাৰে তেওঁৰ ৩১ অক্টোবৰৰ জন্মদিনটো ৰাষ্ট্ৰীয় একতা দিৱস হিচাপে পালন কৰি আহিছে। লগতে গুজৰাটৰ নৰ্মদা নদীৰ পাৰত চৰ্দাৰ বল্লভ ভাই পেটেলৰ সৰ্বোচ্চ প্ৰতিমূৰ্তি Statue of Unity স্থাপন কৰা হৈছে। সমগ্ৰ দেশৰ লগতে অসমৰ বিভিন্ন জিলাতো এই ৰাষ্ট্ৰীয় একতা দিৱস পালন কৰা হৈছে। 

আন এজন উদ্বোধক তৰুণ চৌধুৰীয়ে কয় যে চৰ্দাৰ বল্লভ ভাই পেটেলে দেশখনৰ অখণ্ডতাৰ প্ৰতি যি অৱদান আগবঢ়াই থৈ গৈছে সেয়া সদায় স্মৰণীয় হৈ থাকিব। ৰাষ্ট্ৰীয় একতা দিৱস পালনৰ শুভ মূহুৰ্তত জিলা উপায়ুক্ত নবদ্বীপ পাঠকে মহান নেতাগৰাকীক শ্ৰদ্ধাৰে সোঁৱৰে। তেওঁ কয় যে উঠি অহা প্ৰজন্মক চৰ্দাৰ বল্লভ ভাই পেটেলৰ কৰ্মৰাজিয়ে নিশ্চয় ভাৰতৰ একতা আৰু অখণ্ডতাৰ প্ৰতি উদ্বুদ্ধ কৰিব। বঙাইগাঁও জিলাত প্ৰশাসনৰ উপৰি আন ১০০ টা শিক্ষা সংমণ্ডলতো ৰাষ্ট্ৰীয় একতা দিৱস উপলক্ষ্যে "একতাৰ দৌৰ"অনুষ্ঠিত কৰা হয়।জিলা প্ৰশাসনৰ লগত এই ক্ষেত্ৰত জিলা ক্ৰীড়া বিভাগ আৰু শিক্ষা বিভাগে সক্ৰিয় সহযোগ আগবঢ়াইছে। "একতাৰ দৌৰ" কাৰ্যসূচীত মন্ত্ৰী ৰণজিৎ কুমাৰ দাসৰ লগতে উপায়ুক্ত নবদ্বীপ পাঠক, অতিৰিক্ত উপায়ুক্ত পাৰ্থ সাৰথি জহৰী,আন এগৰাকী অতিৰিক্ত উপায়ুক্ত মগেন নৰহ,জিলা ক্ৰীড়া সন্থা,উপায়ুক্ত কাৰ্যালয়ৰ বিষয়া-কৰ্মচাৰী, বিদ্যালয়সমূহৰ পৰিদৰ্শক, সমাজকৰ্মী হিমানী অধিকাৰী,জ্যেষ্ঠ নাগৰিক, শিক্ষক-শিক্ষয়িত্ৰী আৰু ছাত্ৰ-ছাত্ৰীয়ে অংশগ্ৰহণ কৰে।উল্লেখ্য যে লৌহ মানৱগৰাকীৰ প্ৰতি শ্ৰদ্ধা জনাই ২০১৪ চনৰ পৰা "ৰাষ্ট্ৰীয় একতা দিৱস" হিচাপে পালন কৰি অহা হৈছে🔯