🔯বঙাইগাঁও জিলা উন্নয়ন সমিতিৰ সভা সম্পন্ন🔯

🔯বঙাইগাঁও জিলা উন্নয়ন সমিতিৰ সভা সম্পন্ন🔯

🔯উপায়ুক্তই পাঠ কৰালে ৰাষ্ট্ৰীয় একতা দিৱসৰ শপত বাক্য🔯 

📝বঙাইগাঁওঃ ৩১অক্টোবৰ: বঙাইগাঁও জিলা উন্নয়ন সমিতিৰ এই মাহৰ সভাখন সোমবাৰে জিলা উপায়ুক্ত নবদ্বীপ পাঠকৰ সভাপতিত্বত উপায়ুক্ত কাৰ্যালয়ৰ সভাকক্ষত অনুষ্ঠিত কৰা হয়। জিলা উন্নয়ন আয়ুক্ত ভাস্কৰ দাস, জিলা পৰিষদৰ মুখ্য কাৰ্যবাহী বিষয়া নাদীৰা জেচমিন,অতিৰিক্ত উপায়ুক্ত পাৰ্থ সাৰথি জহৰী,বঙাইগাঁও পৌৰসভা আৰু অভয়াপুৰী পৌৰসভাৰ কাৰ্যবাহী বিষয়াদ্বয়, দুয়োখন পৌৰসভাৰ পৌৰপতিৰ লগতে জিলাখনৰ বিভিন্ন বিভাগৰ মুৰব্বী বিষয়াৰ উপস্থিতিত জিলা উন্নয়ন সমিতিৰ সভাখন সম্পন্ন কৰা হয়। সভাত কৃষি বিভাগৰ প্ৰধানমন্ত্ৰী ফচল বীমা যোজনা, প্ৰধানমন্ত্ৰী কিষাণ সম্মান নিধিৰ অধীনৰ কাম-কাজ,চৰকাৰৰ দ্বাৰা সমৰ্থিত মূল্যত ধান ক্ৰয় অভিযান আৰু কৃষক উৎপাদক সমিতিৰ কাম-কাজৰ আলোচনা কৰা হয়। এইক্ষেত্ৰত জিলা কৃষি বিষয়াক প্ৰয়োজন সাপেক্ষে ডাঙৰকৈ গাঁওসভা পাতিবলৈ জিলা উপায়ুক্তই পৰামৰ্শ দিয়ে। 

সেইদৰে পঞ্চায়ত আৰু গ্ৰামোন্নয়ন বিভাগৰ অমৃত সৰোৱৰ আঁচনিৰ কাম-কাজ, নগৰ আৰু গাঁও পৰিকল্পনা বিভাগৰ প্ৰধানমন্ত্ৰী আৱাস (নগৰ) যোজনাৰ গৃহ নিৰ্মাণ, যোগান বিভাগৰ অধীনত ই-পচ (E-POS) মেচিনৰ ব্যৱহাৰ আৰু ৰেচন কাৰ্ডৰ লগত আধাৰ সংযোগ, জনস্বাস্থ্য কাৰিকৰী বিভাগৰ কাৰ্যক্ষম গৃহ নল সংযোগৰ অগ্ৰগতি, সমাজ কল্যাণ বিভাগৰ অংগনৱাডী কেন্দ্ৰ ৰেচনেলাইজেশ্বন আৰু আদৰ্শ অংগনৱাডী কেন্দ্ৰ নিৰ্মাণ আদি বিষয়ত জিলা উন্নয়ন সমিতিৰ সভাত পৰ্যালোচনা কৰা হয়। সেইদৰে জিলা উদ্যোগ আৰু বাণিজ্য কেন্দ্ৰৰ অধীনত প্ৰধানমন্ত্ৰী নিয়োগ সৃষ্টি আঁচনিৰ ঋণৰ অনুমোদন, জলসম্পদ বিভাগৰ মথাউৰি নিৰ্মাণ, ৰেচম বিভাগৰ ফাৰ্মত এম জি এনৰেগাৰ অধীনত বেৰ দিয়া, পশুপালন বিভাগৰ প্ৰতিষেধক টীকা প্ৰদান, লোকনিৰ্মাণ গৃহ বিভাগৰ অধীনত সংহত উপায়ুক্ত কাৰ্যালয় নিৰ্মাণৰ প্ৰক্ৰিয়া আদি সম্পৰ্কতো সভাত পৰ্যালোচনা কৰা হয়৷ উল্লেখ্য যে জিলা উন্নয়ন সমিতিৰ সভাৰ আৰম্ভণিতে উপায়ুক্ত নবদ্বীপ পাঠকে উপস্থিত    বিষয়াসকলক"ৰাষ্ট্ৰীয় একতা দিৱস"ৰ শপত বাক্য পাঠ কৰোৱায় ৷🔯