🔯৩ আৰু ৪ নবেম্বৰত বঙাইগাঁও মহাবিদ্যালয়ত আন্তঃৰাষ্ট্ৰীয় পর্যায়ৰ আলোচনা-চক্রৰ আয়োজন🔯

🔯৩ আৰু ৪ নবেম্বৰত বঙাইগাঁও মহাবিদ্যালয়ত আন্তঃৰাষ্ট্ৰীয় পর্যায়ৰ আলোচনা-চক্রৰ আয়োজন🔯

🔯উপস্থিত থাকিব নেপাল, ভূটান আৰু শ্ৰীলংকাৰ প্ৰতিনিধি🔯

🔯দেশ-বিদেশৰ ভিন্ন প্রান্তৰ ৩২৪ গৰাকী গৱেষকে পাঠ কৰিব  মূল বিষয়ৰ সৈতে সম্পর্কিত গৱেষণা পত্ৰ🔯

📝বঙাইগাঁওঃ ৩১ অক্টোবৰঃ স্বাধীনতাৰ ৭৫ বছৰীয়া 'অমৃত মহোৎসৱ'ৰ সৈতে সংগতি ৰাখি বঙাইগাঁও জিলাৰ উচ্চ শিক্ষাৰ প্রাণকেন্দ্রস্থল বঙাইগাঁও মহাবিদ্যালয়ত আভ্যন্তৰীণ গুণগত মান নির্ণায়ক কোষৰ উদ্যোগত আৰু পৰিবেশ বিজ্ঞান বিভাগৰ সহযোগত তথা  ভাৰতীয় সমাজ বিজ্ঞান গৱেষণা পৰিষদ (ICSSR)ৰ অর্থ সাহাৰ্যত অহা ৩ আৰু ৪ নৱেম্বৰত এখন আন্তঃৰাষ্ট্রীয় পর্যায়ৰ দুদিনীয়া আলোচনা চক্ৰৰৰ আয়োজন কৰিছে ৷ 'পৰিৱেশ বহনক্ষমতা আৰু সংৰক্ষণ: সমস্যা আৰু প্ৰত্যাহ্বান (Environmental Sustainability and Conservation: Issues and Challenges) শীৰ্ষক এই আলোচনা চক্রত মূল বিষয়বস্তু আৰু ইয়াৰ সৈতে সংগতি ৰাখি অন্যান্য উপবিষয়সমূহৰ ওপৰতো আলোচনা অনুষ্ঠিত হ'ব ৷ আন্তঃঃৰাষ্ট্রীয় পর্যায়ৰ এই আলোচনা চক্ৰত ৰাজ্যখনৰ লগতে দেশৰ বিভিন্ন প্রান্তৰ আৰু বিদেশৰো কেইবাজনো প্রতিনিধি উপস্থিত থাকিব বুলি বঙাইগাঁও মহাবিদ্যালয়ৰ অধ্যক্ষ ডঃ দীনেশ দাসে এক প্রেছ বিজ্ঞপ্তিযোগে জানিবলৈ দিছে । উল্লেখ্য যে উক্ত আলোচনাচক্রত-বিষয়বস্তুৰ ওপৰত নেপালৰ ত্রিভুৱন বিশ্ববিদ্যালয়ৰ কেন্দ্রীয় অর্থনীতি বিভাগৰ মুৰব্বী অধ্যাপিকা ডঃকুসুম শাক্যই মূল ভাষণ ৰাখিব ৷ লগতে নিমন্ত্রিত অতিথিৰ ভাষণ ৰাখিব শ্রীলংকাৰ কলম্বো বিশ্ববিদ্যালয়ৰ অধ্যাপক ডঃ মহম্মদ টি. এম. মহীষ আৰু ভূটানৰ ৰয়েল থিম্ফু মহাবিদ্যালয়ৰ অধ্যাপক ডঃ লৌংচিপেম খামৰাঙে ৷ এই সমল ব্যক্তিসমূহৰ লগতে মহাবিদ্যালয়ৰ বিভিন্ন বিভাগত সমান্তৰালভাবে অনুষ্ঠিত হ'বলগীয়া গৱেষণা-পত্র পাঠ অনুষ্ঠানত নেপালৰ ত্রিভুৱন বিশ্ববিদ্যালয়ৰ অধ্যাপক ডঃ শুভৰত্ন শাক্য, শ্রীলংকাৰ পেৰাডেনিয়া বিশ্ববিদ্যালয়ৰ অধ্যাপিকা ডঃ মল্লিকা পিনেৱালা আৰু শ্রীলংকাৰ ৰুহুনা বিশ্ববিদ্যালয়ৰ অধ্যাপক ডঃ এ. এম. এ. সুৰঞ্জিত গুণচেকৰা উপস্থিত থাকিব ৷ উল্লেখ্য যে আলোচনা চক্রত দেশ-বিদেশৰ ভিন্ন প্রান্তৰ ৩২৪ গৰাকী গৱেষকে মূল বিষয়ৰ সৈতে সম্পর্কিত গৱেষণা-পত্র পাঠ কৰিব ৷🔯